ലണ്ടൻ: 2019 ലോകകപ്പിലെ തങ്ങളുടെ ആദ്യമത്സരത്തിന് ഒരുങ്ങുകയാണ് ടീം ഇന്ത്യ. ജൂൺ അഞ്ചിന് വൈകീട്ട് മൂന്നിന് ദക്ഷിണാഫ്രിക്കയെയാണ് ഇന്ത്യ നേരിടുന്നത്. നിലവിൽ കളിച്ച രണ്ട് മത്സരങ്ങളിലും ദക്ഷിണാഫ്രിക്ക പരാജയപ്പെട്ട് കഴിഞ്ഞു. ആദ്യമത്സരത്തിൽ ഇംഗ്ലണ്ടിനോടും രണ്ടാം മത്സരത്തിൽ ബംഗ്ലാദേശിനോടുമായിരുന്നു അവരുടെ തോൽവി. രണ്ട് തോൽവിക്ക് പുറമെ പരിക്കും ദക്ഷിണാഫ്രിക്കയെ അലട്ടുന്നുണ്ട്. ഇംഗ്ലണ്ടിനെതിരായ മത്സരത്തിൽ പരിക്കേറ്റ ഹഷിം അംല രണ്ടാം മത്സരത്തിൽ കളിച്ചിരുന്നില്ല. ഇന്ത്യക്കെതിരെ അംല കളിക്കുമോയെന്ന് ഇപ്പോഴും ഉറപ്പായിട്ടില്ല. ടീമിലെ പ്രധാന പേസറായ ഡെയ്ൽ സ്റ്റെയിൻ ലോകകപ്പിന് മുമ്പ് തന്നെ പരിക്കേറ്റ് വിശ്രമത്തിലാണ്.
ഇതിന് പുറമെയാണ് ഇപ്പോൾ ലുങ്കി എൻഗിഡിയുടെ പരിക്ക് ദക്ഷിണാഫ്രിക്കയെ അലട്ടുന്നത്. എൻഗിഡി ഇന്ത്യക്കെതിരായ മത്സരത്തിൽ കളിക്കില്ല. ദക്ഷിണാഫ്രിക്കയ്ക്ക് ഇത് വലിയ തിരിച്ചടിയാവും. എൻഗിഡിക്ക് പത്ത് ദിവസം വിശ്രമം വേണ്ടി വരുമെന്നാണ് സൂചന.
ഇതിന് പുറമെയാണ് ഇപ്പോൾ ലുങ്കി എൻഗിഡിയുടെ പരിക്ക് ദക്ഷിണാഫ്രിക്കയെ അലട്ടുന്നത്. എൻഗിഡി ഇന്ത്യക്കെതിരായ മത്സരത്തിൽ കളിക്കില്ല. ദക്ഷിണാഫ്രിക്കയ്ക്ക് ഇത് വലിയ തിരിച്ചടിയാവും. എൻഗിഡിക്ക് പത്ത് ദിവസം വിശ്രമം വേണ്ടി വരുമെന്നാണ് സൂചന.