ലോകകപ്പിൽ ചരിത്രം കുറിച്ച് വിരാട് കോഹ്ലി, അനിൽ കുംബ്ലെയുടെ പേരിലുണ്ടായിരുന്ന കിടിലൻ റെക്കോഡ് തകർത്തു

2023 ഏകദിന ലോകകപ്പിലെ (ICC ODI World Cup 2023) ആദ്യ മത്സരത്തിൽ കരുത്തരായ ഓസ്ട്രേലിയയെ നേരിട്ടുകൊണ്ടിരിക്കുകയാണ് ടീം ഇന്ത്യ. സ്വന്തം മണ്ണിൽ നടക്കുന്ന ലോകകപ്പിൽ വിജയത്തിൽക്കുറഞ്ഞ ഒന്നും ലക്ഷ്യം വെക്കുന്നില്ലാത്ത ടീം ഇന്ത്യ ആദ്യ മത്സരത്തിൽ ഒരു കിടിലൻ ജയമാണ് ലക്ഷ്യം വെക്കുന്നത്.
കിടില‌ൻ സ്ക്വാഡുമായി എത്തിയിരിക്കുന്ന ഇന്ത്യയാണ് ഈ ലോകകപ്പിൽ കൂടുതൽ പേരുടെയും ഫേവറിറ്റുകൾ. കിരീടം പ്രതീക്ഷിക്കുന്ന ഇന്ത്യയുടെ നിർണായക താരങ്ങളിലൊരാൾ സീനിയർ ബാറ്ററായ വിരാട് കോഹ്ലിയായിരിക്കുമെന്ന് ഉറപ്പാണ്‌. താരത്തിന്റെ ബാറ്റിങ് ഫോം ഇന്ത്യയുടെ കിരീട പ്രതീക്ഷകളിലും പ്രധാന പങ്ക് വഹിക്കും.‌ എന്നാൽ 2023 ലോകകപ്പിൽ ബാറ്റിങ്ങിനിറങ്ങുന്നതിനൊക്കെ മുൻപേ ഒരു കിടില‌ൻ റെക്കോഡ് സ്വന്തമാക്കിയിരിക്കുകയാണ് കോഹ്ലി.
ആദ്യ പന്തെറിയും മുൻപ് ലോകകപ്പിൽ റെക്കോഡിട്ട് രോഹിത് ശർമ; ഇന്ത്യൻ ക്യാപ്റ്റൻ സ്വന്തമാക്കിയത് ചരിത്ര നേട്ടം

ഏകദിന ലോകകപ്പിൽ ഏറ്റവും കൂടുതൽ ക്യാച്ചുകൾ സ്വന്തമാക്കുന്ന ഇന്ത്യൻ ഫീൽഡറെന്ന റെക്കോഡാണ് ഇപ്പോൾ കോഹ്ലി സ്വന്തമാക്കിയിരിക്കുന്നത്. കഴിഞ്ഞ കുറച്ചുവർഷങ്ങളായി ഇതിഹാസ താരം അനിൽ കുംബ്ലെയുടെ പേരിലായിരുന്ന റെക്കോഡാണ് ഇപ്പോൾ കോഹ്ലി കൈവശപ്പെടുത്തിയിരിക്കുന്നത്. 14 ക്യാച്ചുകളോടെയായിരുന്നു കുംബ്ലെ ഈ നേട്ടത്തിൽ ഇത്രയും നാൾ മുന്നിട്ട് നിന്നിരുന്നത്. ഓസ്ട്രേലിയക്കെതിരായ മത്സരത്തിൽ ജസ്പ്രിത് ബുംറയുടെ പന്തിൽ മിച്ചൽ മാർഷിനെ പുറത്താക്കാൻ സ്ലിപ്പിലെടുത്ത ക്യാച്ച് ഏകദിന ലോകകപ്പിൽ കോഹ്ലിയുടെ പതിനഞ്ചാമത്തേതായിരുന്നു‌.

ഏകദിന ലോകകപ്പിൽ കൂടുതൽ ക്യാച്ചുകളെടുത്ത ഇന്ത്യൻ താരങ്ങൾ

വിരാട് കോഹ്ലി- 15
അനിൽ കുംബ്ലെ- 14
കപിൽ ദേവ്- 12
സച്ചിൻ ടെണ്ടുൽക്കർ- 12
വീരേന്ദർ സേവാഗ്- 11
മൊഹമ്മദ് അസറുദ്ദീൻ- 11

ലോകകപ്പുകളിൽ ഇന്ത്യ ആദ്യമത്സരം വിജയിച്ചപ്പോൾ സംഭവിച്ചത്; 1983ലും 2011ലും നടന്നത് ഇതാണ്, ചരിത്രം ആവർത്തിക്കുമോ?

അതേ സമയം ഏകദിന ലോകകപ്പിന്റെ ചരിത്രത്തിൽ ഏറ്റവും കൂടുതൽ ക്യാച്ചുകൾ നേടിയ കളിക്കാരിൽ നാലാം സ്ഥാനത്തെത്താനും കോഹ്ലിക്ക് കഴിഞ്ഞിട്ടു‌ണ്ട്. നിലവിൽ ഈ നേട്ടത്തിൽ ദക്ഷിണാഫ്രിക്കൻ ഇതിഹാസം ഗ്രേം സ്മിത്തിനൊപ്പം നാലാം സ്ഥാനം പങ്കിടുകയാണ് കോഹ്ലി.

Read Latest Sports News and Malayalam News