ഇന്ത്യ Vs പാകിസ്ഥാൻ മത്സരത്തിനും മഴ പെയ്യുമോ ? കാലാവസ്ഥാ പ്രവചനം ഇങ്ങനെ!

ന്യൂഡൽഹി: ലോകകപ്പ് ക്രിക്കറ്റിൽ ഇപ്പോഴ മഴയാണ് ചർച്ചാവിഷയം. ഇന്നത്തെ ഇന്ത്യയും ന്യൂസിലൻറും തമ്മിലുള്ള മത്സരം മഴ മൂലം ഉപേക്ഷിച്ചു. ഇതോടെ ഈ ലോകകപ്പിൽ ഉപേക്ഷിക്കുന്നത് നാലാമത്തെ മത്സരമാണിത്. ഇതോടെ ഇന്ത്യയും പാകിസ്ഥാനും തമ്മിലുള്ള മത്സരത്തിനും മഴ ഭീഷണിയുണ്ടോ എന്ന ചിന്തയിലാണ് ആരാധകർ.

ഇക്കഴിഞ്ഞ നാല് ലോകകപ്പ് മത്സരങ്ങളിൽ മൂന്നെണ്ണമാണ് മഴ മൂലം ഉപേക്ഷിച്ചത്. എന്നാൽ മാഞ്ചസ്റ്ററിൽ നടക്കാൻ പോവുന്ന ഇന്ത്യ - പാകിസ്ഥാൻ മത്സരത്തിന് മഴ ഭീഷണിയില്ലെന്നാണ് നിലവിലുള്ള റിപ്പോർട്ട്. അക്യുവെതർ റിപ്പോർട്ട് പ്രകാരം മൂടിക്കെട്ടിയ അന്തരീക്ഷമായിരിക്കും ഉണ്ടായിരിക്കുക. എന്നാൽ മഴ പെയ്യില്ലെന്നാണ് റിപ്പോർട്ട്. ബിബിസി കാലാവസ്ഥാ റിപ്പോർട്ട് പറയുന്നത് മഴ പെയ്യാൻ സാധ്യതയില്ലെന്നാണ്.

എന്നാൽ കാര്യങ്ങൾ ഇങ്ങനെയാണെങ്കിലും ഇംഗ്ലണ്ടിലെ കാലാവസ്ഥ എപ്പോൾ വേണമെങ്കിലും മാറിമറിയാം. ഞായറാഴ്ചയാണ് ഇന്ത്യയും പാകിസ്ഥാനും തമ്മിലുള്ള മത്സരം നടക്കുന്നത്. ഏതായാലും ഞായറാഴ്ച നല്ല കാലാവസ്ഥയായിരിക്കുമെന്ന് തന്നെയാണ് നിലവിലുള്ള റിപ്പോർട്ട്.