Ind vs WI 3rd ODI: യുവരാജ് സിങിൻെറ റെക്കോർഡ് മറികടക്കാൻ രോഹിത് ശർമ

ന്യൂഡൽഹി: ലോകകപ്പിൽ റെക്കോർഡുകൾ കടപുഴക്കുന്നതായിരുന്നു ഓരോ മത്സരത്തിലും രോഹിത് ശർമയുടെ ശീലം. അഞ്ച് സെഞ്ച്വറികൾ നേടി ഒരു ലോകകപ്പിൽ ഏറ്റവും കൂടുതൽ സെഞ്ച്വറികൾ നേടുന്ന നേടുന്ന താരമായ രോഹിത് മാറി. ഇംഗ്ലണ്ട് ലോകകപ്പിൽ ഏറ്റവും കൂടുതൽ റൺസ് നേടിയതും ഇന്ത്യൻ ഉപനായകൻ തന്നെയായിരുന്നു.

വെസ്റ്റ് ഇൻഡീസിനെതിരായ മൂന്നാം ഏകദിനം കളിക്കുമ്പോൾ മറ്റൊരു നേട്ടത്തിന് അരികിലാണ് രോഹിത്. ഏകദിനത്തിലെ റൺസിൻെറ കാര്യത്തിൽ മുൻ ഇന്ത്യൻ താരം യുവരാജ് സിങിനെ മറികടക്കാൻ രോഹിതിന് ഇനി 26 റൺസ് മാത്രം മതി. 304 ഏകദിനങ്ങളിൽ നിന്ന് യുവരാജ് 8701 റൺസാണ് നേടിയിട്ടുള്ളത്. 217 ഏകദിനങ്ങളിൽ നിന്ന് രോഹിത് 8676 റൺസ് നേടിയിട്ടുണ്ട്.

Read More: പ്രിയപ്പെട്ട ഇടംകയ്യൻ ആരെന്ന് ഐസിസി; ഈ പേര് ഇല്ലാതെ എന്ത് ലിസ്റ്റെന്ന് ആരാധകർ!

യുവരാജ് സിങ് 8609 റൺസാണ് ഇന്ത്യക്കായി നേടിയിട്ടുള്ളത്. ഏഷ്യാ ഇലവന് വേണ്ടി കളിച്ച് മൂന്ന് മത്സരങ്ങളിൽ നിന്ന് അദ്ദേഹം 92 റൺസും നേടിയിരുന്നു. ലോകകപ്പിന് ശേഷം വെസ്റ്റ് ഇൻഡീസിനെതിരായ ടി20യിലും രോഹിത് മികച്ച ഫോമിലായിരുന്നു. എന്നാൽ വെസ്റ്റ് ഇൻഡീസിനെതിരെ നടന്ന രണ്ടാം ഏകദിനത്തിൽ രോഹിത് താളം കണ്ടെത്താൻ ബുദ്ധിമുട്ടി. 18 റൺസ് മാത്രമേ അദ്ദേഹം നേടിയുള്ളൂ.

സച്ചിൻ ടെണ്ടുൽക്കർ, വിരാട് കോഹ്ലി, സൗരവ് ഗാംഗുലി, രാഹുൽ ദ്രാവിഡ്, എംഎസ് ധോണി, മുഹമ്മദ് അസ്ഹറുദ്ദീൻ, യുവരാജ് സിങ് എന്നിവരാണ് ഏകദിന റൺവേട്ടയിൽ രോഹിത് ശർമക്ക് മുന്നിലുള്ളത്. ട്രിനിഡാഡിലാണ് ഇന്ത്യയും വെസ്റ്റ് ഇൻഡീസും തമ്മിലുള്ള മൂന്നാം മത്സരം നടക്കുന്നത്.

Read More: ഷമിയെ മറികടന്നേക്കും, കുൽദീപ് യാദവ് അപൂർവ റെക്കോർഡിന് അരികെ