ഗംഭീറിനെ കുറ്റപ്പെടുത്തുന്നത് ശരിയല്ല: പിന്തുണയുമായി രഹാനെ

ന്യൂഡൽഹി: ഡൽഹി ഡെയർ ഡെവിൾസിൻെറ ക്യാപ്റ്റൻ സ്ഥാനം രാജി വെച്ച ഗംഭീറിന് പിന്തുണയുമായി രാജസ്ഥാൻ റോയൽസ് നായകൻ അജിങ്ക്യ രഹാനെ. ടീമിൻെറ മോശം പ്രകടനത്തിന് ശേഷമാണ് ഗംഭീർ സ്ഥാനം രാജിവെച്ചത്. എന്നാൽ ടീം പരാജയപ്പെടുന്നതിൽ ഗംഭീറിനെ മാത്രം കുറ്റപ്പെടുത്തുന്നത് ശരിയല്ലെന്ന് രഹാനെ പറഞ്ഞു.

ഓരോ താരത്തിൻെറയും കരിയറിൽ ഉയർച്ചയും താഴ്ചയും ഉണ്ടാവും. ഗംഭീർ ആത്മാർഥതയുള്ള കളിക്കാരനാണ്. ഇന്ത്യൻ ടീമിന് വേണ്ടി തൻെറ കഴിവിൻെറ പരമാവധി പുറത്തെടുത്തിട്ടുള്ള താരമാണ് അദ്ദേഹം. ടീമിൻെറ മോശം പ്രകടനത്തിൻെറ പൂർണ ഉത്തരവാദിത്വവും ഏറ്റെടുത്ത ഗംഭീറിനെ ഈ അവസരത്തിൽ അഭിനന്ദിക്കുകയാണ് വേണ്ടതെന്നും രഹാനെ പറഞ്ഞു.