ഐപിഎല് 2022ലെ മത്സരങ്ങള് നടക്കാനിരിക്കെ നിര്ണായക തീരുമാനവുമായി ബിസിസിഐ. വരാനിരിക്കുന്ന സീസണിലെ എല്ലാ മത്സരങ്ങളും ഇന്ത്യയില് തന്നെ നടത്താനാണ് തീരുമാനമെന്ന് ബിസിസിഐ സെക്രട്ടറി ജെയ് ഷാ അറിയിച്ചു. കൊവിഡ് 19 രൂക്ഷമാകുന്ന സാഹചര്യത്തില് ഐപിഎല് വിദേശത്തേക്ക് മാറ്റുമെന്ന അഭ്യൂഹമുണ്ടായിരുന്നു. എന്നാല്, ഇത്തവണ മത്സരം ഇന്ത്യയില് തന്നെ നടത്താനാണ് തീരുമാനം. മാര്ച്ചില് ആരംഭിച്ച് മെയ് മാസത്തില് അവസാനിക്കുന്ന രീതിയിലായിരിക്കും ഐപിഎല് സംഘടിപ്പിക്കുകയെന്ന് ജെയ് ഷാ പറഞ്ഞു. ടീമുടമകളെല്ലാം ഇന്ത്യയില് വെച്ചുതന്നെ മത്സരങ്ങള് നടത്താനാണ് ആവശ്യപ്പെട്ടത്. അതേസമയം, കളിക്കാരുടെ ആരോഗ്യത്തിനും സുരക്ഷയ്ക്കും പ്രാധാന്യം നല്കുന്നതിനാല് പ്ലാന് ബി ബിസിസിഐ ആവശ്യമാണെങ്കില് പരിഗണിക്കുമെന്നും ജെയ് ഷാ വ്യക്തമാക്കി.
2020 സീസണ് മുഴുവനായും 2021 സീസണ് പകുതിയും യുഎഇയിലാണ് നടത്തിയത്. എന്നാല്, യുഎഇയിലെ പിച്ച് ടി20ക്ക് അനുയോജ്യമല്ലെന്ന് വ്യാപകമായ ആക്ഷേപവുമുണ്ടായി. ടോസ് മത്സരവിജയം തീരുമാനിക്കുന്നതാണ് പ്രധാന പോരായ്മയായി ചൂണ്ടിക്കാട്ടുന്നത്. കൂടാതെ, വലിയ സ്കോറകള് പിറക്കാത്തത് ആരാധകരെ ഐപിഎല്ലില് നിന്നും അകറ്റുന്ന സാഹചര്യവുമുണ്ടായി.
ഏതെങ്കിലും സാഹചര്യത്തില് ഐപിഎല് മാറ്റേണ്ടതായി വന്നാല് യുഎഇയ്ക്ക് പകരം ദക്ഷിണാഫ്രിക്കയാണ് ബിസിസിഐയുടെ പരിഗണനയിലുള്ളത്. നിലവില് മഹാരാഷ്ട്രയിലെ മൂന്നു സ്റ്റേഡിയങ്ങളിലായാണ് മത്സരങ്ങള് നടത്താന് ആലോചന. വാഖഡെ സ്റ്റേഡിയം, സിസിഐ സ്റ്റേഡിയം, ഡിവൈ പാട്ടീല് സ്റ്റേഡിയം എന്നിവിടങ്ങളില് മത്സരങ്ങള് നടത്തും. ഹോം എവേ രീതിയില് മത്സരങ്ങള് നടത്താനുള്ള സാഹചര്യം ഇപ്പോള് ഇന്ത്യയിലില്ല. മത്സരങ്ങള്ക്ക് കാണികളെ പ്രവേശിപ്പിക്കേണ്ടെന്നും തീരുമാനിച്ചിട്ടുണ്ട്.
അതിനിടെ 2022ലെ മെഗാ ലേലത്തിനായുള്ള ഒരുക്കം നടക്കുകയാണ്. 896 ഇന്ത്യന് കളിക്കാരും 318 വിദേശ കളിക്കാരും ഉള്പ്പെടെ 1214 കളിക്കാരാണ് ലേലത്തിനായി രജിസ്റ്റര് ചെയ്തിരിക്കുന്നത്. ഫിബ്രുവരി 12, 13 തീയതികളില് ലേലം നടക്കും. മുന് ഇന്ത്യന് താരം എസ് ശ്രീശാന്തും ലേലത്തില് പങ്കെടുക്കാന് താത്പര്യം പ്രകടിപ്പിച്ചിട്ടുണ്ട്. 50 ലക്ഷം രൂപയാണ് അടിസ്ഥാന വില. കഴിഞ്ഞ സീസണിലും ശ്രീശാന്ത് രജിസ്റ്റര് ചെയ്തിരുന്നെങ്കിലും ടീമുകള്ക്ക് താത്പര്യമില്ലാത്തതിനാല് അന്തിമ പട്ടികയില് ഉള്പ്പെട്ടില്ല.
2020 സീസണ് മുഴുവനായും 2021 സീസണ് പകുതിയും യുഎഇയിലാണ് നടത്തിയത്. എന്നാല്, യുഎഇയിലെ പിച്ച് ടി20ക്ക് അനുയോജ്യമല്ലെന്ന് വ്യാപകമായ ആക്ഷേപവുമുണ്ടായി. ടോസ് മത്സരവിജയം തീരുമാനിക്കുന്നതാണ് പ്രധാന പോരായ്മയായി ചൂണ്ടിക്കാട്ടുന്നത്. കൂടാതെ, വലിയ സ്കോറകള് പിറക്കാത്തത് ആരാധകരെ ഐപിഎല്ലില് നിന്നും അകറ്റുന്ന സാഹചര്യവുമുണ്ടായി.
ഏതെങ്കിലും സാഹചര്യത്തില് ഐപിഎല് മാറ്റേണ്ടതായി വന്നാല് യുഎഇയ്ക്ക് പകരം ദക്ഷിണാഫ്രിക്കയാണ് ബിസിസിഐയുടെ പരിഗണനയിലുള്ളത്. നിലവില് മഹാരാഷ്ട്രയിലെ മൂന്നു സ്റ്റേഡിയങ്ങളിലായാണ് മത്സരങ്ങള് നടത്താന് ആലോചന. വാഖഡെ സ്റ്റേഡിയം, സിസിഐ സ്റ്റേഡിയം, ഡിവൈ പാട്ടീല് സ്റ്റേഡിയം എന്നിവിടങ്ങളില് മത്സരങ്ങള് നടത്തും. ഹോം എവേ രീതിയില് മത്സരങ്ങള് നടത്താനുള്ള സാഹചര്യം ഇപ്പോള് ഇന്ത്യയിലില്ല. മത്സരങ്ങള്ക്ക് കാണികളെ പ്രവേശിപ്പിക്കേണ്ടെന്നും തീരുമാനിച്ചിട്ടുണ്ട്.
അതിനിടെ 2022ലെ മെഗാ ലേലത്തിനായുള്ള ഒരുക്കം നടക്കുകയാണ്. 896 ഇന്ത്യന് കളിക്കാരും 318 വിദേശ കളിക്കാരും ഉള്പ്പെടെ 1214 കളിക്കാരാണ് ലേലത്തിനായി രജിസ്റ്റര് ചെയ്തിരിക്കുന്നത്. ഫിബ്രുവരി 12, 13 തീയതികളില് ലേലം നടക്കും. മുന് ഇന്ത്യന് താരം എസ് ശ്രീശാന്തും ലേലത്തില് പങ്കെടുക്കാന് താത്പര്യം പ്രകടിപ്പിച്ചിട്ടുണ്ട്. 50 ലക്ഷം രൂപയാണ് അടിസ്ഥാന വില. കഴിഞ്ഞ സീസണിലും ശ്രീശാന്ത് രജിസ്റ്റര് ചെയ്തിരുന്നെങ്കിലും ടീമുകള്ക്ക് താത്പര്യമില്ലാത്തതിനാല് അന്തിമ പട്ടികയില് ഉള്പ്പെട്ടില്ല.