റെയ്നയെയും ബ്രാവോയെയും വേണ്ട; ചെന്നൈ നിലനിർത്താൻ പോവുന്നത് ഈ 4 താരങ്ങളെ!!
ഐപിഎൽ മെഗാ ലേലത്തിൽ ചെന്നൈ സൂപ്പർ കിങ്സ് നിലനിർത്താൻ പോവുന്ന 4 താരങ്ങൾ ആരായിരിക്കും? സുരേഷ് റെയ്നയെയും ഡ്വെയിൻ ബ്രാവോയെയും ഒഴിവാക്കിയേക്കുമെന്നാണ് സൂചന.
എംഎസ് ധോണി
ചെന്നൈ സൂപ്പർ കിങ്സിന് ധോണിയെ ഒഴിവാക്കി ഒരു ടീമിനെ ആലോചിക്കുക എളുപ്പമല്ല. വരുന്ന സീസണിലും ധോണി ചെന്നൈക്കൊപ്പം ഉണ്ടാവും. 2022 സീസണോടെ താരം ഐപിഎൽ മതിയാക്കുമെന്നാണ് സൂചന. ചെന്നൈ നിലനിർത്തുന്ന ആദ്യതാരം ധോണി തന്നെയായിരിക്കും.
(PTI Photo/Sportzpics)
രവീന്ദ്ര ജഡേജ
ധോണി കഴിഞ്ഞാൽ ചെന്നൈ നിലനിർത്താൻ സാധ്യതയുള്ള കളിക്കാരൻ രവീന്ദ്ര ജഡേജയാണ്. ഉപനായകൻ സുരേഷ് റെയ്നയേക്കാൾ ചെന്നൈ ജഡേജയെയാണ് ഭാവിയിൽ കൂടുതൽ ഗുണമുള്ള കളിക്കാരനായി വിലയിരുത്തുന്നത്. ധോണിയുടെ പിൻഗാമിയായി ജഡേജ ക്യാപ്റ്റനാവാനും സാധ്യതയുണ്ട്.
(PTI Photo/Sportzpics)
ഫാഫ് ഡുപ്ലെസി
ഫാഫ് ഡുപ്ലെസിയെ ചെന്നൈ നിലനിർത്താനുള്ള സാധ്യത കൂടുതലാണ്. ഇക്കഴിഞ്ഞ ഐപിഎൽ സീസണിൽ ഏറ്റവും കൂടുതൽ റൺസ് നേടിയ രണ്ടാമത്തെ കളിക്കാരൻ ഡുപ്ലെസിയാണ്. മുൻ ദക്ഷിണാഫ്രിക്കൻ നായകനെ മെഗാലേലത്തിൽ ചെന്നൈ നിലനിർച്ചിയേക്കും.
(PTI Photo/Sportzpics for IPL)
ഋതുരാജ് ഗെയ്ക്വാദ്
ഐപിഎല്ലിൽ ചെന്നൈയുടെ പുതിയ കണ്ടെത്തലാണ് ഋതുരാജ് ഗെയ്ക്വാദ്. കഴിഞ്ഞ സീസണിൽ സ്ഥിരതയാർന്ന ബാറ്റിങ് പ്രകടനം നടത്തിയ ഋതുരാജ് ഓറഞ്ച് ക്യാപ് ഉടമയായിരുന്നു. ഓപ്പണറായി ഋതുരാജിനെ ടീം നിലനിർത്താനാണ് സാധ്യത.
(PTI Photo/Sportzpics for IPL)