ബെംഗളുരു: ചെന്നൈ സൂപ്പര് കിംഗ്സിനെതിരെ (CSK) എം ചിന്നസ്വാമി സ്റ്റേഡിയത്തില് നടന്ന മത്സരത്തിനിടെ ഐപിഎല് പെരുമാറ്റച്ചട്ടം ലംഘിച്ചതിന് റോയല് ചലഞ്ചേഴ്സ് ബാംഗ്ലൂര് (RCB) സൂപ്പര് താരം വിരാട് കോഹ്ലിക്ക് (Virat Kohli) മാച്ച് ഫീയുടെ 10 ശതമാനം പിഴ ചുമത്തി. ഐപിഎല് പെരുമാറ്റച്ചട്ടത്തിന്റെ ആര്ട്ടിക്കിള് 2.2 പ്രകാരം ലെവല് 1 കുറ്റം കോഹ്ലി സമ്മതിച്ചതായി സംഘാടകര് അറിയിച്ചു. പെരുമാറ്റച്ചട്ടത്തിന്റെ ലെവല് 1 ലംഘനങ്ങള്ക്ക്, മാച്ച് റഫറിയുടെ തീരുമാനം അന്തിമമാണ്. കോഹ്ലി കുറ്റം സമ്മതിച്ചതോടെ തുടര്നടപടികള് ഒഴിവാക്കി. പ്രസ്താവനയില് സംഭവം വ്യക്തമാക്കിയിട്ടില്ലെങ്കിലും സിഎസ്കെ ബാറ്റര് ശിവം ദുബെയുടെ (Shivam Dube) വിക്കറ്റ് വീഴ്ത്തിയ ശേഷം കോഹ്ലിയുടെ അത്യുഗ്രമായ ആഘോഷമാണ് പിഴയ്ക്ക് കാരണമെന്നാണ് സൂചന.
പതിനേഴാം ഓവറില് വെയ്ന് പാര്നലിന്റെ പന്തില് മുഹമ്മദ് സിറാജ് പിടിച്ചാണ് ദുബെ പുറത്താകുന്നത്. ആര്സിബി ബൗളര്മാര്ക്കെതിരെ താരം കടന്നാക്രമണം നടത്തിയതുകൊണ്ടുതന്നെ കോഹ്ലി ദുബെയുടെ പുറത്താകന് ആഘോഷിച്ചു. കൊല്ക്കത്ത നൈറ്റ് റൈഡേഴ്സ് നായകന് നിതീഷ് റാണയുടെ പുറത്താകല് ആഘോഷത്തെ തുടര്ന്ന് മുംബൈ ഇന്ത്യന്സ് സ്പിന്നര് ഹൃത്വിക് ഷോക്കീന് സമാനമായ പിഴ ചുമത്തിയിരുന്നു.
സിഎസ്കെയ്ക്കെതിരെ ബാറ്റിംഗില് വിരാടിന് മികച്ച കളി പുറത്തെടുക്കാനായില്ല. ഇടംകൈയ്യന് പേസര് ആകാശ് സിങ്ങിനെതിരെ ബൗണ്ടറി നേടിയതിന് ശേഷം, നിര്ഭാഗ്യകരമായ പുറത്താകലായിരുന്നു കോഹ്ലിയുടേത്. കാലില്ത്തട്ടിയ പന്ത് സ്റ്റമ്പിലെത്തുകയായിരുന്നു. 227 റണ്സ് എന്ന കൂറ്റന് സ്കോര് പിന്തുടരലിന്റെ ആദ്യ ഓവറില് തന്നെ ഡഗൗട്ടിലേക്ക് മടങ്ങാന് കോഹ്ലി നിര്ബന്ധിതനായി.
നേരത്തെ, ഡെവോണ് കോണ്വേ (45 പന്തില് 83), ശിവം ദുബെ (27 പന്തില് 52) എന്നിവരുടെ അര്ദ്ധ സെഞ്ച്വറികളാണ് സിഎസ്കെയെ 226/6 എന്ന നിലയിലെത്തിച്ചത്. തുടക്കത്തില് റണ്സ് വഴങ്ങിയ സിഎസ്കെ ബൗളര്മാര് അവസാന ഓവറുകളില് തിരിച്ചെത്തിയതോടെ ആര്സിബി പരാജയത്തിലേക്ക് വീണു. ഗ്ലെന് മാക്സ്വെല് (36 പന്തില് 76), ഫാഫ് ഡു പ്ലെസിസ് (33 പന്തില് 62) എന്നിവരുടെ ആക്രമണം അതിജീവിച്ച് ഐപിഎല് 2023 ലെ 24-ാം മത്സരം 8 റണ്സിന് സിഎസ്കെ വിജയിച്ചു.
ഇത്തവണ അഞ്ചു കളികളില് ആര്സിബി മൂന്നു കളികളിലും തോറ്റു. വമ്പന് ബാറ്റര്മാരുണ്ടെങ്കിലും ശരാശരിയിലും താഴെയായ ബൗളര്മാരാണ് ആര്സിബിയുടെ തോല്വിക്ക് കാരണമാകുന്നത്. മുഹമ്മദ് സിറാജ് ഒഴികെ മറ്റു ബൗളര്മാരൊന്നും ഫോമിലല്ല. ഹര്ഷാല് പട്ടേല് കൂടുതല് റണ്സ് വഴങ്ങുന്നതും പകരക്കാരനായി ടീമിലെത്തിയ വെയ്ന് പാര്നല് തിളങ്ങാത്തതും ടീമിന്റെ തുടര്തോല്വികള്ക്ക് കാരണമാകുന്നു.
Read Latest Sports News And Malayalam News
പതിനേഴാം ഓവറില് വെയ്ന് പാര്നലിന്റെ പന്തില് മുഹമ്മദ് സിറാജ് പിടിച്ചാണ് ദുബെ പുറത്താകുന്നത്. ആര്സിബി ബൗളര്മാര്ക്കെതിരെ താരം കടന്നാക്രമണം നടത്തിയതുകൊണ്ടുതന്നെ കോഹ്ലി ദുബെയുടെ പുറത്താകന് ആഘോഷിച്ചു. കൊല്ക്കത്ത നൈറ്റ് റൈഡേഴ്സ് നായകന് നിതീഷ് റാണയുടെ പുറത്താകല് ആഘോഷത്തെ തുടര്ന്ന് മുംബൈ ഇന്ത്യന്സ് സ്പിന്നര് ഹൃത്വിക് ഷോക്കീന് സമാനമായ പിഴ ചുമത്തിയിരുന്നു.
സിഎസ്കെയ്ക്കെതിരെ ബാറ്റിംഗില് വിരാടിന് മികച്ച കളി പുറത്തെടുക്കാനായില്ല. ഇടംകൈയ്യന് പേസര് ആകാശ് സിങ്ങിനെതിരെ ബൗണ്ടറി നേടിയതിന് ശേഷം, നിര്ഭാഗ്യകരമായ പുറത്താകലായിരുന്നു കോഹ്ലിയുടേത്. കാലില്ത്തട്ടിയ പന്ത് സ്റ്റമ്പിലെത്തുകയായിരുന്നു. 227 റണ്സ് എന്ന കൂറ്റന് സ്കോര് പിന്തുടരലിന്റെ ആദ്യ ഓവറില് തന്നെ ഡഗൗട്ടിലേക്ക് മടങ്ങാന് കോഹ്ലി നിര്ബന്ധിതനായി.
നേരത്തെ, ഡെവോണ് കോണ്വേ (45 പന്തില് 83), ശിവം ദുബെ (27 പന്തില് 52) എന്നിവരുടെ അര്ദ്ധ സെഞ്ച്വറികളാണ് സിഎസ്കെയെ 226/6 എന്ന നിലയിലെത്തിച്ചത്. തുടക്കത്തില് റണ്സ് വഴങ്ങിയ സിഎസ്കെ ബൗളര്മാര് അവസാന ഓവറുകളില് തിരിച്ചെത്തിയതോടെ ആര്സിബി പരാജയത്തിലേക്ക് വീണു. ഗ്ലെന് മാക്സ്വെല് (36 പന്തില് 76), ഫാഫ് ഡു പ്ലെസിസ് (33 പന്തില് 62) എന്നിവരുടെ ആക്രമണം അതിജീവിച്ച് ഐപിഎല് 2023 ലെ 24-ാം മത്സരം 8 റണ്സിന് സിഎസ്കെ വിജയിച്ചു.
ഇത്തവണ അഞ്ചു കളികളില് ആര്സിബി മൂന്നു കളികളിലും തോറ്റു. വമ്പന് ബാറ്റര്മാരുണ്ടെങ്കിലും ശരാശരിയിലും താഴെയായ ബൗളര്മാരാണ് ആര്സിബിയുടെ തോല്വിക്ക് കാരണമാകുന്നത്. മുഹമ്മദ് സിറാജ് ഒഴികെ മറ്റു ബൗളര്മാരൊന്നും ഫോമിലല്ല. ഹര്ഷാല് പട്ടേല് കൂടുതല് റണ്സ് വഴങ്ങുന്നതും പകരക്കാരനായി ടീമിലെത്തിയ വെയ്ന് പാര്നല് തിളങ്ങാത്തതും ടീമിന്റെ തുടര്തോല്വികള്ക്ക് കാരണമാകുന്നു.
Read Latest Sports News And Malayalam News