സൂപ്പർതാരങ്ങൾ വൈകാതെ മടങ്ങും; ഹൈദരാബാദിനും രാജസ്ഥാനും തിരിച്ചടി

ന്യൂഡൽഹി: ഓസ്ട്രേലിയൻ താരങ്ങളായ ഡേവിഡ് വാർണറും സ്റ്റീവ് സ്മിത്തും ഈ മാസം അവസാനത്തോടെ ഐപിഎൽ മതിയാക്കി മടങ്ങും. സൺ റൈസേഴ്സ് ഹൈദരാബാദിനായി മിന്നുന്ന ഫോമിലാണ് വാർണർ കളിക്കുന്നത്. നിലവിൽ ഏറ്റവും കൂടുതൽ റൺസുമായി ഓറഞ്ച് ക്യാപും അദ്ദേഹത്തിനാണ്.

ഓസ്ട്രേലിയയുടെ ലോകകപ്പ് ടീമിൻെറ പരിശീലന മത്സരങ്ങൾ മെയ് 2ന് തുടങ്ങും. ഇതിനാലാണ് ഇരുതാരങ്ങളും മടങ്ങുന്നത്. കഴിഞ്ഞ ദിവസം പ്രഖ്യാപിച്ച ഓസ്ട്രേലിയയുടെ ലോകകപ്പ് ടീമിൽ സ്മിത്തും വാർണറുമുണ്ട്. പന്ത് ചുരണ്ടൽ വിവാദത്തിന് ശേഷം അന്താരാഷ്ട്ര ക്രിക്കറ്റിൽ നിന്ന് വിലക്ക് നേരിടുകയായിരുന്നു ഇവർ.

രാജസ്ഥാൻ റോയൽസിലാണ് സ്റ്റീവ് സ്മിത്ത് കളിക്കുന്നത്. ഐപിഎൽ പ്ലേ ഓഫിൽ എന്തായാലും ഇരുവരും ഉണ്ടാവില്ലെന്നുറപ്പാണ്.