കിരീടനേട്ടത്തേക്കാൾ സിവയെ സന്തോഷിപ്പിച്ചത് ഇക്കാര്യമാണ് !

മുംബൈ: എെപിഎൽ 11ാം സീസണിൻെറ ഓമനയാണ് ചെന്നൈ സൂപ്പർ കിങ്സ് ക്യാപ്റ്റൻ ധോണിയുടെ മകൾ സിവ ധോണി. അച്ഛനൊപ്പം ഗ്രൗണ്ടിലിറങ്ങിയും അമ്മ സാക്ഷിക്കൊപ്പം ഗ്യാലറിയിൽ ആവേശത്തോടെ കളി കണ്ടും കുഞ്ഞുസിവ ചെന്നൈ ടീമിൻെറ ഭാഗം തന്നെയായിരുന്നു. ഫൈനലിൽ ഹൈദരാബാദിനെ തോൽപ്പിച്ച് ചെന്നൈ കിരീടം നേടുമ്പോൾ അച്ഛനൊപ്പം സിവയും ഗ്രൗണ്ടിലെത്തി.

ഗ്രൗണ്ടിൽ തുള്ളിച്ചാടി നടക്കാനായിരുന്നു സിവയ്ക്ക് താൽപര്യം. ചെന്നൈയുടെ കിരീടനേട്ടത്തിൻെറ സന്തോഷത്തേക്കാൾ സിവയെ ആഹ്ലാദിപ്പിച്ചത് ഇത് തന്നെയായിരുന്നു. "സിവക്ക് കപ്പൊന്നും കാര്യമായിരുന്നില്ല.അവൾക്ക് ഗ്രൗണ്ടിലെ പുല്ലിൽ ഓടിച്ചാടി നടക്കണം. അതായിരുന്നു ആഗ്രഹം" സിവയുടെ കുസൃതിത്തരത്തെ കുറിച്ച് ധോണി പറഞ്ഞു.