ഫാഫ് ഡുപ്ലെസി
2019 ഐപിഎൽ സീസണിൽ ചെന്നൈക്ക് വേണ്ടി ഓപ്പണറായി ഇറങ്ങിയിട്ടുള്ള താരമാണ് ഫാഫ് ഡുപ്ലെസി. 2019 ലോകകപ്പിൽ ദക്ഷിണാഫ്രിക്കയെ നയിച്ചതും ഡുപ്ലെസി തന്നെയാണ്. എന്നാൽ ലോകകപ്പിന് ശേഷം ഡുപ്ലെസിക്ക് നായകസ്ഥാനം നഷ്ടമായി. ഐപിഎല്ലിൽ ഡുപ്ലെസിക്ക് പ്ലേയിങ് ഇലവനിലെ സ്ഥാനം എളുപ്പമാവില്ല. സാം കറൻ ടീമിലെത്തുമ്പോൾ ബെഞ്ചിലിരിക്കേണ്ട വിദേശതാരമായി ഡുപ്ലെസി മാറാനുള്ള സാധ്യതയുണ്ട്.
Also Read: ടി20 ലോകകപ്പിന് ആരെല്ലാമെന്ന് ഐപിഎൽ തീരുമാനിക്കും; സഞ്ജുവടക്കം 5 ഇന്ത്യൻ താരങ്ങൾക്ക് നിർണായകം!!
മുഹമ്മദ് നബി
മുൻ അഫ്ഗാനിസ്ഥാൻ നായകനായ മുഹമ്മദ് നബി ബാറ്റ് കൊണ്ടും ബോൾ കൊണ്ടും ഒരു പോലെ തിളങ്ങുന്ന പ്രതിഭയാണ്. നിലവിലെ ഫോമിൻെറ അടിസ്ഥാനത്തിൽ സൺ റൈസേഴ്സ് ഹൈദരാബാദ് നബിക്ക് പ്ലേയിങ് ഇലവനിൽ തന്നെ സ്ഥാനം നൽകണം. എന്നാൽ 4 വിദേശതാരങ്ങൾ മാത്രമേ ഒരു മത്സരത്തിൽ കളിക്കാനാവൂ എന്ന് വരുമ്പോൾ നബി ചിലപ്പോൾ ബെഞ്ചിലിരിക്കേണ്ടി വരും. റാഷിദ് ഖാൻ, ഡേവിഡ് വാർണർ, ജോണി ബെയർസ്റ്റോ, കെയ്ൻ വില്യംസൺ, മിച്ചൽ മാർഷ് എന്നിവരെ മറികടന്ന് വേണം നബിക്ക് ടീമിൽ സ്ഥാനം ഉറപ്പാക്കാൻ.
അജിങ്ക്യ രഹാനെ
അന്താരാഷ്ട്ര ക്രിക്കറ്റിൽ ഒരിക്കലും സ്ഥിരം ക്യാപ്റ്റനായിരുന്നില്ല അജിങ്ക്യ രഹാനെ. ഇന്ത്യയുടെ ടെസ്റ്റ് ടീം ഉപനായകനായ രഹാനെ രണ്ട് ടെസ്റ്റ് മത്സരങ്ങളിലും 3 ഏകദിനങ്ങളിലും ടീമിനെ നയിച്ചിട്ടുണ്ട്. സ്റ്റീവ് സ്മിത്തിൻെറ അഭാവത്തിൽ 2018 സീസണിൽ രാജസ്ഥാൻ റോയൽസിനെ നയിച്ച രഹാനെ 2019 സീസൺ പകുതിയോടെ നായകസ്ഥാനം ഒഴിഞ്ഞു. 13ാം സീസണിൽ ഡൽഹി ക്യാപിറ്റൽസിലേക്ക് മാറിയിട്ടുള്ള രഹാനെയ്ക്ക് എത്ര മത്സരങ്ങളിൽ പ്ലേയിങ് ഇലവനിൽ ഇടംപിടിക്കാൻ സാധിക്കുമെന്ന് കണ്ടറിയണം.