പ്രായം കൂടിയാലും ചിലർ മാത്രമേ ടീമിൽ നിന്ന് പുറത്താവൂ; ധോണിക്കെതിരെ പഠാൻെറ ഒളിയമ്പ്!

2019ലെ ലോകകപ്പിന് ശേഷം ഇന്ത്യക്കായി ഒരു മത്സരം പോലും കളിക്കാതിരുന്ന എംഎസ് ധോണി 2020 ആഗസ്ത് 15നാണ് പിന്നീട് വിരമിക്കൽ പ്രഖ്യാപിച്ചത്. ഐപിഎല്ലിൽ ചെന്നൈ സൂപ്പ‍ർ കിങ്സിനായി ധോണിയുടെ തിരിച്ചുവരവ് കാണാനാണ് ആരാധക‍ർ കാത്തിരുന്നത്. മുംബൈക്കെതിരായ ആദ്യ മത്സത്തിൽ ആത്മവിശ്വാസത്തോടെയുള്ള നായകനെയാണ് കളിക്കളത്തിൽ കണ്ടത്. എന്നാൽ പിന്നീട് കാര്യങ്ങൾ മാറിമറിഞ്ഞു.

ഒന്നിന് പുറകെ ഒന്നായി മൂന്ന് മത്സരങ്ങളാണ് മൂന്ന് വട്ടം ചാമ്പ്യൻമാരായ ചെന്നൈ പരാജയപ്പെട്ടത്. പോയൻറ് പട്ടികയിൽ അവസാന സ്ഥാനത്തുമായി. ഹൈദരാബാദിനെതിരായ മത്സരത്തിന് ശേഷം ധോണിയുടെ മോശം ഫോമിനെതിരെ വിമ‍ർശനം ഉയരുകയാണ്. മത്സരത്തിൽ 47 റൺസ് നേടിയെങ്കിലും പ്രായം തള‍ർത്തിത്തുടങ്ങിയ ധോണിക്ക് പഴയ പോലെ ഫനിഷിങ് പാടവമില്ല.


Also Read: ചെന്നൈ ടീമിനെ നാണംകെടുത്തി ഒരു പയ്യന്‍, അവസാന ഓവറില്‍ ഞെട്ടിച്ച് വാര്‍ണര്‍; ചൂടായി ധോണി

മുൻ ഇന്ത്യൻ താരം ഇ‍ർഫാൻ പഠാൻ പരോക്ഷമായ ധോണിയെ വിമ‍ർശിച്ചിരിക്കുകയാണ്. "ചിലർക്ക് പ്രായം എന്നത് വെറും നമ്പർ മാത്രമാണ്. എന്നാൽ ചിലർക്ക് അതാണ് ടീമിൽ നിന്ന് പുറത്താവപ്പെടാനുള്ള കാരണം," എന്നാണ് പഠാൻെറ ട്വീറ്റ്. ധോണിക്കെതിരായ ഒളിയമ്പാണിതെന്നത് വ്യക്തമാണ്. പ്രായം ഏറിയിട്ടും ധോണി ഇപ്പോഴും കളി തുടരുന്നതിനെയാണ് പഠാൻ പരിഹസിക്കുന്നതെന്ന് തന്നെയാണ് സൂചന. 27ാം വയസിൽ ഇന്ത്യൻ ടീമിൽ നിന്ന് സ്ഥാനം നഷ്ടപ്പെട്ടയാളാണ് പഠാൻ.