ന്യൂഡഹി: പേസർ ഇശാന്ത് ശർമ ഇത് വരെ ലോകകപ്പ് കളിച്ചിട്ടില്ല. ടെസ്റ്റ് മത്സരങ്ങളിൽ ഇന്ത്യയുടെ പ്രധാന ബോളറാണെങ്കിലും പരിമിത ഓവറിൽ അദ്ദേഹത്തെ കാര്യമായി പരിഗണിക്കാറില്ല. എന്നാൽ ഇന്ത്യയുടെ ലോകകപ്പ് ടീമിനൊപ്പം റിസർവിൽ ഇശാന്ത് ശർമയെയും ഉൾപ്പെടുത്തിയിരിക്കുകയാണ് ബിസിസിഐ. അമ്പാട്ടി റായിഡു, ഋഷഭ് പന്ത് എന്നിവരാണ് ലോകകപ്പ് ടീമിലെ റിസർവ് ബാറ്റ്സ്മാൻമാർ. നവദീപ് സെയ്നിയെ മാത്രമാണ് ബോളറർമാരുടെ കൂട്ടത്തിൽ പരിഗണിച്ചിരുന്നത്. എന്നാൽ ഇശാന്ത് ശർമയെയും ഉൾപ്പെടുത്താൻ ഇപ്പോൾ തീരുമാനിച്ചിരിക്കുകയാണ്.
"സെയ്നിയാണ് ഒന്നാമത്തെ ഓപ്ഷൻ. രണ്ടാം ഓപ്ഷനായി ഇശാന്തിനെ പരിഗണിക്കും. ഇംഗ്ലണ്ടിൽ പരിചയ സമ്പത്തുള്ള താരമാണ് ഇശാന്ത് ശർമ," ബിസിസിഐ ഉദ്യോഗസ്ഥൻ ടൈംസ് ഓഫ് ഇന്ത്യയോട് പറഞ്ഞു. ഐപിഎല്ലിൽ ഡൽഹി ക്യാപിറ്റൽസിൻെറ ഭാഗമായ ഇശാന്ത് 10 വിക്കറ്റുകൾ വീഴ്ത്തിയിട്ടുണ്ട്.
"സെയ്നിയാണ് ഒന്നാമത്തെ ഓപ്ഷൻ. രണ്ടാം ഓപ്ഷനായി ഇശാന്തിനെ പരിഗണിക്കും. ഇംഗ്ലണ്ടിൽ പരിചയ സമ്പത്തുള്ള താരമാണ് ഇശാന്ത് ശർമ," ബിസിസിഐ ഉദ്യോഗസ്ഥൻ ടൈംസ് ഓഫ് ഇന്ത്യയോട് പറഞ്ഞു. ഐപിഎല്ലിൽ ഡൽഹി ക്യാപിറ്റൽസിൻെറ ഭാഗമായ ഇശാന്ത് 10 വിക്കറ്റുകൾ വീഴ്ത്തിയിട്ടുണ്ട്.