കൊൽക്കത്തയിലെ പ്രതിഷേധങ്ങൾ ബാധിക്കില്ല: ഐപിഎൽ താരലേലം 19ന് തന്നെ നടക്കും

ന്യൂഡൽഹി: പൗരത്വ നിയമ ഭേദഗതിക്കെതിരെ രാജ്യമെമ്പാടും പ്രതിഷേധങ്ങൾ നടക്കുമ്പോഴും ഐപിഎൽ താരലേലം നേരത്തെ നിശ്ചയിച്ച പോലെ ഡിസംബർ 19ന് തന്നെ നടക്കും. പശ്ചിമ ബംഗാളിലെ പലയിടങ്ങളിലും അക്രമസംഭവങ്ങൾ റിപ്പോർട്ട് ചെയ്യുന്നുണ്ടെങ്കിലും കൊൽക്കത്തയെ പ്രതിഷേധങ്ങൾ കാര്യമായി ബാധിച്ചിട്ടില്ല. ലേലത്തിനായി ടീമുകളിലൊന്നായ ഡൽഹി ക്യാപിറ്റൽസ് ടീം മാനേജ്മമെൻറ് ചൊവ്വാഴ്ച വൈകീട്ട് കൊൽക്കത്തയിലെത്തും.

"ഐപിഎൽ താരലേലത്തിൽ മാറ്റമുണ്ടാവില്ല. ടീമുകൾ ചൊവ്വാഴ്ച വൈകീട്ടും ബുധനാഴ്ചയുമായി കൊൽക്കത്തയിലെത്തും," സീനിയർ ബിസിസിഐ ഒഫീഷ്യൽ വ്യക്തമാക്കിയതായി പിടിഐ റിപ്പോർട്ട് ചെയ്യുന്നു. ആകെ 332 താരങ്ങളാണ് എട്ട് ടീമുകൾ പങ്കെടുക്കുന്ന താരലേലത്തിൻെറ ഭാഗമാവുക.

Also Read: IPL 2020: കൊൽക്കത്തയുടെ നായകസ്ഥാനത്ത് നിന്ന് കാർത്തികിനെ മാറ്റണമെന്ന് ഗംഭീർ; യുവതാരം ടീമിനെ നയിക്കട്ടെയെന്നും നിർദ്ദേശം!!

ഡെയ്ൽ സ്റ്റെയിൻ, ഗ്ലെൻ മാക‍്‍സ‍്‍വെൽ തുടങ്ങിയ താരങ്ങൾ അടിസ്ഥാനവില രണ്ട് കോടി രൂപയുമായി ലേലപ്പട്ടികയിൽ മുന്നിലുണ്ട്. ടീമുകൾക്ക് ആകെ 73 കളിക്കാരെയാണ് ആവശ്യമുള്ളത്. ഇതിൽ 29 കളിക്കാർ വിദേശ താരങ്ങളായിരിക്കും.

Also Read: എന്താണ് സംഭവിച്ചത്?! ഡ്രസ്സിങ് റൂമിൽ നിന്ന് ചാടിയിറങ്ങി വിരാട് കോലി; അമ്പയർമാർക്ക് പിഴച്ചോ ? ജഡേജയുടെ റൺ ഔട്ട് വൻവിവാദത്തിൽ!!