IPL 2020: ഫൈനലിൻെറ തീയ്യതിയെക്കുറിച്ച് സൂചനകൾ പുറത്ത്; ഒരു നിർണായക മാറ്റവും, മത്സര സമയം ഇങ്ങനെ!!

മുംബൈ: ഔദ്യോഗിക പ്രഖ്യാപനം വന്നില്ലെങ്കിലും ഇന്ത്യൻ പ്രീമിയർ ലീഗ് 2020 സീസൺ ഫൈനൽ തീയ്യതിയെക്കുറിച്ച് സൂചനകൾ പുറത്ത്. മെയ് 24ന് മുംബൈയിലെ വാങ്കഡെ സ്റ്റോഡിയത്തിലായിരിക്കും ഫൈനലെന്നാണ് റിപ്പോർട്ട്. മാർച്ച് 29 മുതൽ 57 ദിവസങ്ങൾ നീണ്ടുനിൽക്കുന്ന ലീഗാണ് 2020ൽ നടക്കാൻ പോവുന്നത്. മത്സരങ്ങൾ വൈകീട്ട് 7.30ന് തന്നെയായിരിക്കും തുടങ്ങുക.

"ഫൈനൽ ഷെഡ്യൂൾ ഇപ്പോൾ തയ്യാറായിട്ടില്ലെങ്കിലും മാർച്ച് 29ന് തുടങ്ങുന്ന ലീഗ് മെയ് 24ന് അവസാനിക്കും. 45 ദിവസത്തിൽ കൂടുതൽ എന്തായാലും മത്സരങ്ങളുണ്ടാവും. അതിനാൽ തന്നെ ഒരു ദിവസം ഒരു മത്സരം എന്ന രീതിയിൽ നടത്താൻ പ്രയാസമൊന്നുമില്ല." ഐപില്ലുമായി ബന്ധപ്പെട്ട അധികൃതർ വ്യക്തമാക്കിയതായി ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. ഒരേ ദിവസം രണ്ട് മത്സരങ്ങൾ ഉണ്ടാവില്ലെന്ന നിർണായക മാറ്റവും ഇത്തവണയുണ്ട്.

Also Read: രണ്ട് സൂപ്പർതാരങ്ങളെ പരിഗണിച്ചില്ല, ടി20 ലോകകപ്പിനുള്ള ഇന്ത്യയുടെ സാധ്യതാ ടീമിനെ പ്രവചിച്ച് വിവിഎസ് ലക്ഷ്മൺ

വൈകീട്ട് 7.30ന് തന്നെയായിരിക്കും മത്സരങ്ങൾ തുടങ്ങുക. വൈകി കളി ആരംഭിച്ചാൽ അത് എത്രത്തോളം വൈകുമെന്ന് കഴിഞ്ഞ സീസണിൽ കണ്ടതാണ്. അതിനാൽ തന്നെ സമയക്രമം വൈകീട്ട് 7.30ന് തന്നെയായിരിക്കുമെന്നും റിപ്പോർട്ടിൽ പറയുന്നു.

Also Read: കണ്ണുരുട്ടി കോലിയും ശ്രേയസും, പുതിയ യോ‍ർക്കർ കിങ് സൈനി; ബുംറക്കിത് എന്ത് പറ്റി, ഇന്ത്യ - ലങ്ക വൈറൽ ട്രോളുകൾ!!