ഐപിഎല് താരലേലത്തിന്റെ ചര്ച്ചകളാണിപ്പോള് ക്രിക്കറ്റ് ലോകത്ത്. ഫെബ്രുവരി രണ്ടാം വാരത്തില് നടക്കാനിരിക്കുന്ന ലേലത്തില് ലോകമെങ്ങുനിന്നും ക്രിക്കറ്റ് കളിക്കാര് പങ്കെടുക്കും. ആയിരത്തില് അധികം കളിക്കാരാണ് ഇതിനകം തന്നെ ലേലത്തില് പങ്കെടുക്കാനായി രജിസ്റ്റര് ചെയ്തിട്ടുള്ളത്. ഈ കളിക്കാരില് നിന്നും തെരഞ്ഞെടുത്തവരുടെ ചുരുക്കപ്പട്ടിക പ്രകാരമായിരിക്കും ലേലം നടക്കുക. മുതിര്ന്ന കളിക്കാര് കോടികള് പ്രതിഫലം പ്രതീക്ഷിച്ച് താരലേലത്തില് പങ്കെടുക്കാനെത്തുമ്പോള് ഐപിഎല്ലില് അരങ്ങേറ്റത്തിനായി ഒരു പിടി കൗമാര താരങ്ങളും ലേലത്തിനെത്തും. ഇന്ത്യയുടെ അണ്ടര് 19 കളിക്കാര്ക്കായിരിക്കും ലേലത്തില് ഡിമാന്റ്. ഭാവിയിലെ സൂപ്പര് താരങ്ങളായേക്കാവുന്ന ഈ കളിക്കാര്ക്കുവേണ്ടി ലേലത്തില് മത്സരമുണ്ടാകില്ലെങ്കിലും ചില കളിക്കാര് ആരാധകരുടെ ശ്രദ്ധ പിടിച്ചുപറ്റുമെന്നുറപ്പാണ്.
ഇന്ത്യയുടെ അണ്ടര് 19 ക്യാപ്റ്റനായ യഷ് ദുല് ആണ് ലേലത്തില് ഏതെങ്കിലും ടീമിലെത്തുമെന്ന് ഉറപ്പിക്കുന്ന കളിക്കാരന്. നടന്നുകൊണ്ടിരിക്കുന്ന അണ്ടര് 19 ലോകകപ്പില് സൗത്ത് ആഫ്രിക്കയ്ക്കെതിരെ 82 റണ്സടിച്ച താരമാണ് ദുല്. വിക്കി ഒസ്ത്വാള് ആണ് മറ്റൊരു താരം. സൗത്ത് ആഫ്രിക്കയ്ക്കെതിരായ മത്സരത്തില് അഞ്ചു വിക്കറ്റു വീഴ്ത്തിയ യുവതാരം ഐപിഎല്ലില് എത്തുമെന്ന് ഏറെക്കുറെ ഉറപ്പിച്ചുകഴിഞ്ഞു.
ഹര്നൂര് സിങ്ങാണ് ഐപിഎല്ലില് ഭാഗ്യ പരീക്ഷണം നടത്തുന്ന മറ്റൊരു താരം. അയര്ലന്ഡിനെതിരെ ലോകകപ്പില് 88 റണ്സടിച്ച് ഹര്നൂര് ശ്രദ്ധ പിടിച്ചുപറ്റി. ഓപ്പണറെന്ന നിലയില് ഇന്ത്യയുടെ ഭാവി താരമായി വിലയിരുത്തപ്പെടുന്നു. രാജ് അന്ഗാത് ബാവയാണ് ഐപിഎല്ലില് പ്രതീക്ഷയര്പ്പിക്കുന്ന മറ്റൊരു കളിക്കാരന്. അണ്ടര് 19 ലോകകപ്പില് ശിഖര് ധവാന്റെ റെക്കോര്ഡ് തകര്ത്താണ് അന്ഗാദ് ബാവയുടെ വരവ്. ഉഗാണ്ടയ്ക്കെതിരെ താരം 108 പന്തില് 162 റണ്സ് നേടിയിരുന്നു. അങ്ക്രിഷ് രഘുവംശിയും താരലേലത്തില് സര്പ്രൈസ് ആയേക്കും. അയര്ലന്ഡിനെതിരെ 79 റണ്സ് നേടിയിരുന്നു. ഉഗാണ്ടയ്ക്കെതിരെ 120 പന്തില് 144 റണ്സടിച്ച അങ്ക്രിഷ് ഐപിഎല് ഫ്രാഞ്ചൈസികളുടെ നോട്ടപ്പുള്ളിയായിക്കഴിഞ്ഞു.
ഒട്ടേറെ കളിക്കാര് അണ്ടര് 19 ലോകകപ്പിലൂടെ ഐപിഎല്ലിലും പിന്നീട് ദേശീയ ടീമിലും എത്തിയിട്ടുണ്ട്. വിരാട് കോഹ്ലി മുതല് ഏറ്റവും ഒടുവില് യശസ്വി ജയ്സ്വാള് വരെ ഈ പട്ടികയിലുള്ളവരാണ്. മലയാളി താരം സഞ്ജു സാംസണും അണ്ടര് 19 ലോകകപ്പിലൂടെയാണ് ഐപിഎല്ലില് എത്തുന്നത്.
ALSO READ : ഓർക്കുന്നുണ്ടോ കൊച്ചി ടസ്കേഴ്സിന്റെ ആദ്യ പ്ലേയിംഗ് ഇലവനെ; ആ തകർപ്പൻ ടീം ഇങ്ങനെ...
ഇന്ത്യയുടെ അണ്ടര് 19 ക്യാപ്റ്റനായ യഷ് ദുല് ആണ് ലേലത്തില് ഏതെങ്കിലും ടീമിലെത്തുമെന്ന് ഉറപ്പിക്കുന്ന കളിക്കാരന്. നടന്നുകൊണ്ടിരിക്കുന്ന അണ്ടര് 19 ലോകകപ്പില് സൗത്ത് ആഫ്രിക്കയ്ക്കെതിരെ 82 റണ്സടിച്ച താരമാണ് ദുല്. വിക്കി ഒസ്ത്വാള് ആണ് മറ്റൊരു താരം. സൗത്ത് ആഫ്രിക്കയ്ക്കെതിരായ മത്സരത്തില് അഞ്ചു വിക്കറ്റു വീഴ്ത്തിയ യുവതാരം ഐപിഎല്ലില് എത്തുമെന്ന് ഏറെക്കുറെ ഉറപ്പിച്ചുകഴിഞ്ഞു.
ഹര്നൂര് സിങ്ങാണ് ഐപിഎല്ലില് ഭാഗ്യ പരീക്ഷണം നടത്തുന്ന മറ്റൊരു താരം. അയര്ലന്ഡിനെതിരെ ലോകകപ്പില് 88 റണ്സടിച്ച് ഹര്നൂര് ശ്രദ്ധ പിടിച്ചുപറ്റി. ഓപ്പണറെന്ന നിലയില് ഇന്ത്യയുടെ ഭാവി താരമായി വിലയിരുത്തപ്പെടുന്നു. രാജ് അന്ഗാത് ബാവയാണ് ഐപിഎല്ലില് പ്രതീക്ഷയര്പ്പിക്കുന്ന മറ്റൊരു കളിക്കാരന്. അണ്ടര് 19 ലോകകപ്പില് ശിഖര് ധവാന്റെ റെക്കോര്ഡ് തകര്ത്താണ് അന്ഗാദ് ബാവയുടെ വരവ്. ഉഗാണ്ടയ്ക്കെതിരെ താരം 108 പന്തില് 162 റണ്സ് നേടിയിരുന്നു. അങ്ക്രിഷ് രഘുവംശിയും താരലേലത്തില് സര്പ്രൈസ് ആയേക്കും. അയര്ലന്ഡിനെതിരെ 79 റണ്സ് നേടിയിരുന്നു. ഉഗാണ്ടയ്ക്കെതിരെ 120 പന്തില് 144 റണ്സടിച്ച അങ്ക്രിഷ് ഐപിഎല് ഫ്രാഞ്ചൈസികളുടെ നോട്ടപ്പുള്ളിയായിക്കഴിഞ്ഞു.
ഒട്ടേറെ കളിക്കാര് അണ്ടര് 19 ലോകകപ്പിലൂടെ ഐപിഎല്ലിലും പിന്നീട് ദേശീയ ടീമിലും എത്തിയിട്ടുണ്ട്. വിരാട് കോഹ്ലി മുതല് ഏറ്റവും ഒടുവില് യശസ്വി ജയ്സ്വാള് വരെ ഈ പട്ടികയിലുള്ളവരാണ്. മലയാളി താരം സഞ്ജു സാംസണും അണ്ടര് 19 ലോകകപ്പിലൂടെയാണ് ഐപിഎല്ലില് എത്തുന്നത്.
ALSO READ : ഓർക്കുന്നുണ്ടോ കൊച്ചി ടസ്കേഴ്സിന്റെ ആദ്യ പ്ലേയിംഗ് ഇലവനെ; ആ തകർപ്പൻ ടീം ഇങ്ങനെ...