കേദാർ ജാദവ് പ്ലേ ഓഫിൽ കളിച്ചേക്കില്ലെന്ന് സൂചന നൽകി ചെന്നൈ കോച്ച്

ചെന്നൈ: ഇന്ത്യയുടെ ലോകകപ്പ് ടീമിൽ അംഗമായ കേദാർ ജാദവ് ഐപിഎൽ പ്ലേ ഓഫിൽ കളിക്കില്ലെന്ന് സൂചന. കിങ്സ് ഇലവൻ പഞ്ചാബിനെതിരായ മത്സരത്തിൽ ജാദവിന് ഷോൾഡറിന് പരിക്കേറ്റിരുന്നു. പ്ലേ ഓഫിൽ താരം കളിക്കില്ലെന്ന സൂചനയാണ് ചെന്നൈ പരിശീലകൻ സ്റ്റീഫൻ ഫ്ലെമ്മിങ് നൽകുന്നത്.

"ഇനിയൊരു മത്സരത്തിൽ അദ്ദേഹത്തെ കളിപ്പിക്കാനാവുമെന്ന് തോന്നുന്നില്ല. നിലവിൽ അദ്ദേഹത്തിന് ചെറിയ ബുദ്ധിമുട്ടുകളുണ്ട്. നാളെ എക്സ് റേ എടുത്ത ശേഷം മാത്രമേ പരിക്കിനെ കുറിച്ച് കൂടുതൽ എന്തെങ്കിലും പറയാനാവൂ,"ഫ്ലെമ്മിങ് പറഞ്ഞു.

പരിക്ക് ഗുരുതരമല്ലെന്നാണ് പ്രതീക്ഷിക്കുന്നതെന്നും അദ്ദേഹം കൂട്ടിച്ചേർത്തു. ഇന്ത്യയുടെ ലോകകപ്പ് ടീമിലെ പ്രധാന താരങ്ങളിൽ ഒരാളാണ് ജാദവ്. താരത്തിൻെറ പരിക്കുമായി ബന്ധപ്പെട്ട കാര്യത്തിലെ പുരോഗതി ബിസിസിഐയും ശ്രദ്ധയോടെയാണ് നിരീക്ഷിക്കുന്നത്.