കരിയർ ശരിയായ ട്രാക്കിലാണ്: സഞ്‍ജു സാംസൺ

ന്യൂഡൽഹി: റോയൽ ചലഞ്ചേഴ്സ് ബാംഗ്ലൂരിനെതിരെ നേടിയ 45 പന്തിൽ 92 റൺസോടെ ഈ എെപിഎല്ലിലെ തന്നെ മിന്നും താരങ്ങളിൽ ഒരാളായിരിക്കുകയാണ് രാജസ്ഥാൻ റോയൽസിൻെറ സഞ്‍ജു സാംസൺ. വിരാട് കോഹ‍്‍ലി, ഡീവില്ലിയേഴ്സ് തുടങ്ങി ക്രിക്കറ്റ് ലോകത്തെ പ്രമുഖർ സഞ്‍ജുവിനെ അഭിന്ദിച്ച് രംഗത്തെത്തിയിരുന്നു.

തൻെറ കരിയർ ശരിയായ പാതയിലാണ് പോവുന്നതെന്ന് സഞ്‍ജു സാംസൺ പറഞ്ഞു. "ലോകം മുഴുവൻ ആവേശത്തോടെ കാണുന്ന ഇത്തരമൊരു ടൂർണമെൻറിൽ നന്നായി കളിക്കാനാവുന്നതിൽ സന്തോഷമുണ്ട്. ആഭ്യന്തര ക്രിക്കറ്റിലും മികച്ച സീസണായിരുന്നു കഴിഞ്ഞത്. കളിക്കാരനെന്ന നിലയിൽ നല്ല പുരോഗതിയുള്ളതായി ഞാൻ മനസ്സിലാക്കുന്നു," സഞ്‍ജു കൂട്ടിച്ചേർത്തു.