സഞ‍്‍ജു പ്രതിഭയുള്ള യുവതാരമെന്ന് വിരാട് കോഹ‍്‍ലി

ബെംഗലൂരു: 2013ലെ എെപിഎല്ലിൽ അരങ്ങേറിയത് മുതൽ മലയാളി ക്രിക്കറ്റ് താരം സഞ‍്‍ജു സാംസൺ മിന്നുന്ന പ്രകടനം കാഴ്ച വെക്കുന്ന കളിക്കാരനാണ്. കഴിഞ്ഞ ദിവസം രാജസ്ഥാൻ റോയൽസിന് വേണ്ടി ബാംഗ്ലൂർ റോയൽ ചലഞ്ചേഴ്സിനെതിരായ മത്സരത്തിൽ സഞ‍്‍ജു 45 പന്തിൽ നിന്ന് 92 റൺസാണ് അടിച്ചു കൂട്ടിയത്. ആരാധകരും സഹതാരങ്ങളും എതിർ ടീമിലെ താരങ്ങളുമെല്ലാം സഞ‍്‍ജുവിൻെറ പ്രകടനത്തെ അഭിനന്ദിച്ചു.

ബാംഗ്ലൂർ റോയൽ ചലഞ്ചേഴ്സ് നായകൻ വിരാട് കോഹ‍്‍ലിയും സഞ‍്‍ജുവിനെ പ്രശംസിച്ച് രംഗത്തെത്തി. "സഞ‍്‍ജു പ്രതിഭയുള്ള യുവതാരമാണ്. എെപിഎല്ലിൽ അദ്ദേഹം എപ്പോഴും മികച്ച പ്രകടനമാണ് കാഴ്ച വെക്കുന്നത്," കോഹ‍്‍ലി പറഞ്ഞു. "മികച്ച തുടക്കമാണ് അദ്ദേഹത്തിന് ലഭിച്ചത്. ഞങ്ങളുടെ ബൗളർമാർ നന്നായി പന്തെറിഞ്ഞിട്ടും സഞ്ജുവിന് അതൊന്നും വെല്ലുവിളിയായില്ല," ബാംഗ്ലൂരിനെതിരെ നടത്തിയ പ്രകടനത്തെ കുറിച്ച് കോഹ‍്‍ലി കൂട്ടിച്ചേർത്തു.