ന്യൂഡൽഹി: ഇന്ത്യൻ പ്രീമിയർ ലീഗും ലോകകപ്പും അടുത്തടുത്ത് വരുന്നത് കളിക്കാർക്കും ബിസിസിഐക്കും ഒരു പോലെ തലവേദനയാണ്. താരങ്ങളുടെ ജോലിഭാരം കുറയ്ക്കാനുള്ള മുൻകരുതലുകൾ എടുക്കണമെന്ന് ബിസിസിഐ നേരത്തെ നിർദ്ദേശിച്ചിരുന്നു. മാത്രമല്ല ശാരീരിക ക്ഷമതയും പ്രധാനമാണ്. ഇന്ത്യൻ സൂപ്പർതാരം ഭുവനേശ്വർ കുമാർ ഐപിഎൽ മത്സരങ്ങൾ ശാരീരിക്ഷമതയെ ബാധിക്കുമെന്ന ആശങ്കയിലാണ്. ലോകകപ്പ് വരുന്നതിനാൽ ഏറെ ശ്രദ്ധയോടെ മാത്രമേ ലീഗിൽ രണ്ടാം ഘട്ടം കളിക്കുന്നതിനെ കുറിച്ച് ചിന്തിക്കുകയുള്ളൂവെന്ന് അദ്ദേഹം പറഞ്ഞു.
സൺ റൈസേഴ്സ് ഹൈദരാബാദിൻെറ താരമാണ് ഭുവനേശ്വർ കുമാർ. ഡെത്ത് ഓവർ സ്പെഷ്യലിസ്റ്റായ ഭുവി കഴിഞ്ഞ സീസണിൽ മിന്നുന്ന പ്രകടനം പുറത്തെടുത്തിരുന്നു. "ഇത്തവണ കളിക്കുമ്പോൾ ലോകകപ്പാണ് മനസ്സിലുള്ളത്. അതിനാൽ തന്നെ ശാരീരിക ക്ഷമത നിലനിർത്തുകയെന്നത് വളരെ പ്രധാനമാണ്," ഭുവനേശ്വർ കുമാർ പറഞ്ഞു.
സൺ റൈസേഴ്സ് ഹൈദരാബാദിൻെറ താരമാണ് ഭുവനേശ്വർ കുമാർ. ഡെത്ത് ഓവർ സ്പെഷ്യലിസ്റ്റായ ഭുവി കഴിഞ്ഞ സീസണിൽ മിന്നുന്ന പ്രകടനം പുറത്തെടുത്തിരുന്നു. "ഇത്തവണ കളിക്കുമ്പോൾ ലോകകപ്പാണ് മനസ്സിലുള്ളത്. അതിനാൽ തന്നെ ശാരീരിക ക്ഷമത നിലനിർത്തുകയെന്നത് വളരെ പ്രധാനമാണ്," ഭുവനേശ്വർ കുമാർ പറഞ്ഞു.