കൊൽക്കത്ത: പ്ലേ ഓഫ് കാണണമെങ്കിൽ ഇനിയുള്ള മുഴുവൻ മത്സരങ്ങളും ജയിക്കണമെന്ന അവസ്ഥയിലാണ് രാജസ്ഥാൻ റോയൽസ്. എന്നാൽ ഇനിയുള്ള മത്സരങ്ങളിൽ വിദേശ താരങ്ങളുടെ അഭാവം ടീമിൻെറ പ്രകടനത്തെ ബാധിക്കും. ഏപ്രിൽ 30ന് റോയൽ ചലഞ്ചേഴ്സ് ബാംഗ്ലൂരിനെതിരായ മത്സരത്തിന് ശേഷം നാട്ടിലേക്ക് മടങ്ങുമെന്ന് നായകൻ സ്റ്റീവ് സ്മിത്ത് അറിയിച്ചു. കൊൽക്കത്ത നൈറ്റ് റൈഡേഴ്സിനെതിരായ മത്സരത്തിന് ശേഷമാണ് അദ്ദേഹം ഇക്കാര്യം അറിയിച്ചത്. ഇംഗ്ലണ്ട് താരങ്ങളായ ജോഫ്ര ആർച്ചർ, ബെൻ സ്റ്റോക്സ് എന്നിവരും നാട്ടിലേക്ക് മടങ്ങുമെന്നതിനാൽ രാജസ്ഥാന് ഇനി കാര്യങ്ങൾ ഒട്ടും എളുപ്പമാവില്ല.
ഡൽഹി ക്യാപിറ്റൽസിനെതിരായ നിർണായക മത്സരത്തിൽ സ്മിത്ത് ഉണ്ടാവില്ല. അജിങ്ക്യ രഹാനെയെ ക്യാപ്റ്റൻ സ്ഥാനത്ത് നിന്ന് മാറ്റി സ്മിത്താണ് നിലവിൽ രാജസ്ഥാനെ നയിക്കുന്നത്. സ്മിത്തിൻെറ അഭാവത്തിൽ രഹാനെ തന്നെയായിരിക്കും ടീമിനെ നയിക്കുക.
ഡൽഹി ക്യാപിറ്റൽസിനെതിരായ നിർണായക മത്സരത്തിൽ സ്മിത്ത് ഉണ്ടാവില്ല. അജിങ്ക്യ രഹാനെയെ ക്യാപ്റ്റൻ സ്ഥാനത്ത് നിന്ന് മാറ്റി സ്മിത്താണ് നിലവിൽ രാജസ്ഥാനെ നയിക്കുന്നത്. സ്മിത്തിൻെറ അഭാവത്തിൽ രഹാനെ തന്നെയായിരിക്കും ടീമിനെ നയിക്കുക.