ഹീറോയായി ശിഖര് ധവാന്
ശിഖര് ധവാന്റെ(101) സെഞ്ച്വറിയാണ് ഡല്ഹിയെ വിജയത്തിലേക്ക് നയിച്ചത്. നിര്ണായക ഘട്ടത്തില് 5 പന്തില് 21 റണ്സടിച്ച അക്സര് പട്ടേലും 14 പന്തില് 24 റണ്സെടുത്ത മാര്ക്കസ് സ്റ്റോയ്നിസും ഡല്ഹിക്ക് വിജയഗാഥയെഴുതി. ബൗളര്മാര്ക്ക് മേല്ക്കൈ നഷ്ടമായിട്ടും കളി കൈക്കലാക്കാന് ഡല്ഹിക്ക് കഴിഞ്ഞു. അക്സര് പട്ടേല് ഒഴികെ മറ്റൊരു താരത്തിനും ബൗളിങ്ങില് നിലവാരത്തിലേക്കുയരാനായില്ല.
Also Read: ക്യാപ്റ്റന് സ്റ്റീവ് സ്മിത്തിനെ മാറ്റുന്നു, പകരം മറ്റൊരു വിദേശതാരം? റോയല്സ് പ്രതികരണം ഇങ്ങനെ!!
(PC: BCCI/IPL)
സിഎസ്കെയുടെ തോല്വി
തുടക്കത്തില് സ്കോറിങ് പതുക്കെയായിട്ടും അവസാന ഓവറുകളില് റണ്സ് കണ്ടെത്താന് കഴിഞ്ഞത് സിഎസ്കെയ്ക്ക് മാന്യമായ സ്കോര് സമ്മാനിച്ചു. എന്നാല്, ക്യാപ്റ്റന് ധോണിയുടെ ചില തെറ്റായ തീരുമാനങ്ങളും കളിക്കാരുടെ ഫീല്ഡിങ് പിഴവുകളും സിഎസ്കെയുടെ തോല്വിക്ക് പ്രധാന കാരണമായി. ബാറ്റിങ്ങിലെ പ്രശ്നങ്ങള് ടീമിന് പരിഹരിക്കാനായെങ്കിലും മികച്ച ബൗളിങ് കൂട്ടുകെട്ട് കണ്ടെത്താന് ഇതുവരെ സിഎസ്കെയ്ക്ക് കഴിഞ്ഞിട്ടില്ല. ഡല്ഹിക്കെതിരായ തോല്വിയോടെ ടീമില് വീണ്ടും അഴിച്ചുപണിക്ക് സാധ്യതയുണ്ട്.
(PC: BCCI/IPL)
ധവാനും അക്സര് പട്ടേലും
ഒരറ്റത്ത് വിക്കറ്റ് വീഴുമ്പോഴും ക്ഷമയോടെ പിടിച്ചുനിന്ന ധവാന് തന്നെയാണ് കളിയിലെ ഹീറോ. ഫോമില്ലായ്മ മറികടന്ന താരം തുടര്ച്ചയായി രണ്ട് അര്ധശതകം നേടിയശേഷമാണ് മൂന്നാം കളയില് സെഞ്ച്വറി നേടുന്നത്. ടി20 കരിയറിലെ ധവാന്റെ ആദ്യ സെഞ്ച്വറിയും ഇതുതന്നെ. ബാറ്റുകൊണ്ടും പന്തുകൊണ്ടും ഒരുപോലെ തിളങ്ങിയ അക്സര് പട്ടേലും ദേശീയ ടീമിലേക്കുള്ള മടങ്ങിവരവ് ആസന്നമാണെന്ന് ഒരിക്കല്ക്കൂടി തെളിയിച്ചു.
(PC: BCCI/IPL)
ധോണിയുടെ മണ്ടത്തരം
അവസാന ഓവറില് 17 റണ്സ് വേണ്ടിയിരുന്ന ഡല്ഹിക്ക് നേട്ടമായത് എംഎസ് ധോണിയുടെ മണ്ടത്തരമാണ്. രവീന്ദ്ര ജഡേജയെ പന്തെറിയാന് ഏല്പ്പിച്ചപ്പോള് തന്നെ ടീം തോറ്റിരുന്നു. കിങ്സ് ഇലവന് പഞ്ചാബിനെതിരെ വിരാട് കോലി യുസ്വേന്ദ്ര ചാഹലിനെ പരീക്ഷിച്ച് വിജയിച്ചത് മുന്നില് കണ്ടായിരുന്നു ധോണി ജഡേജയെ പന്തേല്പ്പിച്ചത്. എന്നാല്, തുടരെ മൂന്ന് സിക്സര് പറത്തിയ അക്സര് പട്ടേല് കളി ഡല്ഹിക്ക് അനുകൂലമാക്കി. ഡ്വെയ്ന് ബ്രാവോയായിരുന്നു അവസാന ഓവറില് പന്തെറിയാന് മിടുക്കന്. എന്നാല് ധോണിക്ക് പിഴച്ചു. ശിഖര് ധവാന്റെ അനായാസ ക്യാച്ച് മൂന്നു തവണ വിട്ടു കളിഞ്ഞ ഫീല്ഡര്മാരുടെ പ്രകടനവും സിഎസ്കെയ്ക്ക് തോല്വി സമ്മാനിച്ചു. സെഞ്ച്വറിക്ക് ധവാന് നന്ദി പറയുന്നത് സിഎസ്കെ ഫീല്ഡര്മാരോടായിരിക്കും.
(PC: BCCI/IPL)