മുംബൈ: ഐപിഎല് എട്ടാം മത്സരത്തില് കെ എല് രാഹുലിന്റെ പഞ്ചാബ് കിങ്സും എംഎസ് ധോണിയുടെ ചെന്നൈ സൂപ്പര് കിങ്സും നേര്ക്കുനേര്. വെള്ളിയാഴ്ച മുംബൈ വാംഖഡെ സ്റ്റേഡിയത്തില് ഇന്ത്യന് സമയം വൈകിട്ട് 7.30ന് കളി ആരംഭിക്കും. ആദ്യ മത്സരത്തില് രാജസ്ഥാന് റോയല്സിനെ കീഴടക്കിയാണ് പഞ്ചാബിന്റെ വരവ്. ചെന്നൈ ആകട്ടെ ഡല്ഹി കാപ്പിറ്റല്സിനെതിരെ തോല്വി വഴങ്ങി. ബാറ്റിങ്ങാണ് പഞ്ചാബിന്റെ കരുത്ത്. കളിക്കാരെല്ലാം ആദ്യ മത്സരത്തില് തിളങ്ങിയെന്നത് ആശ്വാസകരമാണ്. റോയല്സിനെതിരെ 200 റണ്സ് കടത്തിയ പഞ്ചാബ് രണ്ടാം മത്സരത്തിലും കൂറ്റന് സ്കോറിനായി ലക്ഷ്യമിടുന്നു. കെഎല് രാഹുല്, ക്രിസ് ഗെയ്ല്, ദീപക് ഹൂഡ എന്നിവര് മിന്നുന്ന ഫോമിലാണ്. അതേസമയം, ബൗളിങ് നിരയില് ആശങ്കയുണ്ട്. പുതുതായി ടീമിലെത്തിയ ജെ റിച്ചാര്ഡ്സണും റിലെ മെറിഡിത്തും പ്രതീക്ഷയ്ക്കൊത്ത് കളിച്ചില്ല. മുഹമ്മദ് ഷമി, ആര്ഷ്ബീപ് സിങ് എന്നിവരായിരിക്കും ബൗളിങ്ങിലെ കുന്തമുനയാവുക.
Also Read: മൂന്നാം ദിനം രക്ഷകരായെത്തിയത് മൂന്നുപേര്; അന്നത്തെ സിംഗിളിനെക്കുറിച്ച് മോറിസ്, പന്തിന് അബദ്ധം പറ്റി
ബാറ്റിങ്ങിലും ബൗളിങ്ങിലും സിഎസ്കെയ്ക്ക് പ്രശ്നങ്ങളുണ്ട്. പ്രത്യേകിച്ചും ഓപ്പണിങ് ബാറ്റിങ് സഖ്യം നന്നായി സ്കോര് ചെയ്യാത്തത് ടീമിനെ ബാധിച്ചേക്കും. ഫാഫ് ഡു പ്ലസിസ് റിതുരാജ് ഗെയ്ക്ക് വാദ് സഖ്യത്തില് മാറ്റം കൊണ്ടുവരാന് ചെന്നൈ നിര്ബന്ധിതമാകും. കൂടാതെ ക്യാപ്റ്റന് എംഎസ് ധോണിയുടെ ഫോമും ടീമിന് അനിവാര്യമാണ്. ആദ്യ കളിയില് നിലവാരത്തിലെത്താതെ പോയ ബൗളര്മാര് രണ്ടാം മത്സരത്തില് തിളങ്ങുമെന്നാണ് ടീമിന്റെ പ്രതീക്ഷ.
രണ്ടു ടീമുകളും നേരത്തെ ഏറ്റുമുട്ടിയപ്പോള് സിഎസ്കെയ്ക്കാണ് മേല്ക്കൈ. 24 തവണ ഇരുവരും നേര്ക്കുനേര് വന്നപ്പോള് സിഎസ്കെ 15 തവണ ജയിച്ചു. 9 തവണ പഞ്ചാബിനായിരുന്നു ജയം. ഇത്തവണ കടലാസിലെ കരുത്തല് പഞ്ചാബാണ്. സിഎസ്കെയ്ക്ക് ജയിച്ചുകയറാന് അത്ഭുതപ്രകടനം പുറത്തെടുക്കേണ്ടിവരും. മുംബൈയിലെ പിച്ച് ബാറ്റ്സ്മാന്മാരെയാണ് തുണയ്ക്കുക. അതുകൊണ്ടുതന്നെ ടോസ് നേടുന്ന ടീം ഫീല്ഡിങ് തെരഞ്ഞെടുക്കും. ഇരു ടീമുകളുടേയും പ്രധാന ആശങ്ക ബൗളിങ്ങാണ്.
Also Read: മൂന്നാം ദിനം രക്ഷകരായെത്തിയത് മൂന്നുപേര്; അന്നത്തെ സിംഗിളിനെക്കുറിച്ച് മോറിസ്, പന്തിന് അബദ്ധം പറ്റി
ബാറ്റിങ്ങിലും ബൗളിങ്ങിലും സിഎസ്കെയ്ക്ക് പ്രശ്നങ്ങളുണ്ട്. പ്രത്യേകിച്ചും ഓപ്പണിങ് ബാറ്റിങ് സഖ്യം നന്നായി സ്കോര് ചെയ്യാത്തത് ടീമിനെ ബാധിച്ചേക്കും. ഫാഫ് ഡു പ്ലസിസ് റിതുരാജ് ഗെയ്ക്ക് വാദ് സഖ്യത്തില് മാറ്റം കൊണ്ടുവരാന് ചെന്നൈ നിര്ബന്ധിതമാകും. കൂടാതെ ക്യാപ്റ്റന് എംഎസ് ധോണിയുടെ ഫോമും ടീമിന് അനിവാര്യമാണ്. ആദ്യ കളിയില് നിലവാരത്തിലെത്താതെ പോയ ബൗളര്മാര് രണ്ടാം മത്സരത്തില് തിളങ്ങുമെന്നാണ് ടീമിന്റെ പ്രതീക്ഷ.
രണ്ടു ടീമുകളും നേരത്തെ ഏറ്റുമുട്ടിയപ്പോള് സിഎസ്കെയ്ക്കാണ് മേല്ക്കൈ. 24 തവണ ഇരുവരും നേര്ക്കുനേര് വന്നപ്പോള് സിഎസ്കെ 15 തവണ ജയിച്ചു. 9 തവണ പഞ്ചാബിനായിരുന്നു ജയം. ഇത്തവണ കടലാസിലെ കരുത്തല് പഞ്ചാബാണ്. സിഎസ്കെയ്ക്ക് ജയിച്ചുകയറാന് അത്ഭുതപ്രകടനം പുറത്തെടുക്കേണ്ടിവരും. മുംബൈയിലെ പിച്ച് ബാറ്റ്സ്മാന്മാരെയാണ് തുണയ്ക്കുക. അതുകൊണ്ടുതന്നെ ടോസ് നേടുന്ന ടീം ഫീല്ഡിങ് തെരഞ്ഞെടുക്കും. ഇരു ടീമുകളുടേയും പ്രധാന ആശങ്ക ബൗളിങ്ങാണ്.