ഇന്ത്യന്‍ കളിക്കാരെല്ലാം മോശം ഫോമില്‍
ഓള്‍റൗണ്ടറുടെ അഭാവം നിഴലിക്കുന്നതാണ് മുംബൈയുടെ ഒടുവിലത്തെ രണ്ടു മത്സരങ്ങളും. ഹാര്‍ദിക് പാണ്ഡ്യയുടെ അസാന്നിധ്യത്തില്‍ ക്രുനാല്‍ പാണ്ഡ്യയ്‌ക്കോ കീറോണ്‍ പൊള്ളാര്‍ഡിനോ ഉത്തവാദിത്വം ഏറ്റെടുക്കാനാകുന്നില്ല. സൂര്യകുമാര്‍ യാദവ് രണ്ടു കളികളിലും പൂര്‍ണ പരാജയമാവുകയും ചെയ്തു. ജസ്പ്രീത് ബുംമ്രയ്ക്കും താളം കണ്ടെത്താനാകുന്നില്ല. ഇന്ത്യയുടെ ലോകകപ്പ് ടീമില്‍ ഉള്‍പ്പെട്ട രാഹുല്‍ ചാഹറും നിറം മങ്ങി. ലോകകപ്പ് അടുത്തിരിക്കെ മുംബൈ ടീമിലെ കളിക്കാരുടെ ഫോം ഇന്ത്യന്‍ ടീമിന് ആശങ്കയുണ്ടാക്കുന്നതാണ്.
(BCCI/PTI Photo)
ബാറ്റിങ്ങിലും ബൗളിങ്ങിലും കെകെആര്‍
റോയല്‍ ചാലഞ്ചേഴ്‌സ് ബാംഗ്ലൂരിനെ തകര്‍ത്തതിന്റെ ആത്മവിശ്വാസം നിഴലിക്കുന്നതായിരുന്നു മുംബൈയ്‌ക്കെതിരായ കെകെആറിന്റെ പ്രകടനം. കളിയുടെ തുടക്കത്തില്‍ മുംബൈ ആധിപത്യം നേടിയെങ്കിലും അതിവേഗം മത്സരത്തിലേക്ക് തിരിച്ചെത്താനും അനായാസ വിജയം നേടാനും ടീമിന് സാധിച്ചു. വരുണ്‍ ചക്രവര്‍ത്തി, സുനില്‍ നരൈന്‍, ലോക്കി ഫെര്‍ഗൂസന്‍ എന്നിവരുടെ ബൗളിങ് പ്രകടനം എടുത്തുപറയേണ്ടതാണ്. ബാറ്റിങ്ങില്‍ വെങ്കടേഷ് അയ്യരുടെ (53) തകര്‍പ്പന്‍ ബാറ്റിങ്ങിനൊപ്പം രാഹുല്‍ ത്രിപാഠി (74) കൂടി ചേര്‍ന്നതോടെ മുംബൈ ബൗളര്‍മാര്‍ക്ക് ഹതാശരായി.
(BCCI/PTI Photo)
മോര്‍ഗന് 24 ലക്ഷം രൂപ പിഴ
യുഎഇയിലെ ആദ്യ കളിയില്‍ തിളങ്ങിയ പ്രസിദ്ധ കൃഷ്ണയും ആന്ദ്രെ റസ്സലും രണ്ടാം മത്സരത്തില്‍ പരാജയപ്പെട്ടതു മാത്രമാണ് കെകെആറിനെ നിരാശപ്പെടുന്നത്. സ്പിന്നര്‍മാര്‍ ഫോമില്‍ തുടരുന്നത് ടീമിന്റെ മുന്നോട്ടുള്ള കുതിപ്പില്‍ കരുത്താകും. വെങ്കടേഷ് അയ്യരുടെ ബാറ്റിങ്ങാണ് ടീമിന്റെ മറ്റൊരു അനുകൂലഘടകം. അതേസമയം, കുറഞ്ഞ ഓവര്‍ നിരക്കിന്റെ പേരില്‍ കെകെആര്‍ ക്യാപ്റ്റന് ഇയോയിന്‍ മോര്‍ഗന് 24 ലക്ഷം രൂപ പിഴ ചുമത്തി.
(Sportzpics for IPL/PTI Photo)
Also Read: ഹൈദരാബാദിന് വീണ്ടും തോൽവി തന്നെ, എന്നിട്ടും ഐപിഎല്ലിനെ ഇളക്കിമറിച്ച് കാവിയ മാരൻ!!
മധ്യനിര മുംബൈയുടെ തോല്‍വിക്കിടയാക്കി
മധ്യനിര ബാറ്റ്‌സ്മാന്മാരുടെ പരാജയമാണ് മുംബൈയുടെ തോല്‍വിക്കിടയാക്കിയത്. രോഹിത് ശര്‍മയും (33), ക്വിന്റണ്‍ ഡി കോക്കും (55) നല്‍കിയ തുടക്കം മുതലെടുക്കാന്‍ മധ്യനിരയ്ക്ക് സാധിച്ചില്ല. സൂര്യകുമാറും ഇഷാന്‍ കിഷനും പരാജയമായപ്പോള്‍ വലിയ ഇന്നിങ്‌സ് കാഴ്ചവെക്കുന്നതില്‍ കീറോണ്‍ പൊള്ളാര്‍ഡും പരാജയപ്പെട്ടു. ബാറ്റിങ്ങിന് അനുകൂലമായ പിച്ചില്‍ സ്പിന്നര്‍മാരായിരുന്നു മുംബൈയുടെ പ്രതീക്ഷ. എന്നാല്‍, ക്രുനാല്‍ പാണ്ഡ്യയും രാഹുല്‍ ചഹാറും കൃത്യതയോടെ പന്തെറിയാത്ത് തോല്‍വിയുടെ ആക്കംകൂട്ടി.
(BCCI/PTI Photo)