ഐപിഎല് മെഗാ ലേലത്തിന് അരങ്ങൊരുങ്ങുകയാണ്. ഫിബ്രുവരി രണ്ടാം വാരത്തില് നടക്കാനിരിക്കുന്ന ലേലത്തില് പങ്കെടുക്കാന് താത്പര്യപ്പെടുന്ന കളിക്കാരുടെ അവസാന പട്ടിക പുറത്തുവന്നു. 896 ഇന്ത്യന് കളിക്കാരും 318 വിദേശ കളിക്കാരും ഉള്പ്പെടെ 1214 കളിക്കാരാണ് ലേലത്തിനായി രജിസ്റ്റര് ചെയ്തിരിക്കുന്നത്. മെഗാ ലേലമായതിനാല് പേരുകേട്ട കളിക്കാര്ക്കുവേണ്ടി വലിയ രീതിയിലുള്ള ലേലം നടക്കുമെന്നാണ് കണക്കുകൂട്ടല്. രണ്ടു കോടി രൂപയാണ് ഒരു കളിക്കാരന് നിശ്ചിയിക്കാവുന്ന പരമാവധി അടിസ്ഥാന വില. ഡേവിഡ് വാര്ണര്, ശിഖര് ധവാന്, ശ്രേയസ് അയ്യര്, പാറ്റ് കമ്മിന്സ്, ക്വിന്റണ് ഡി കോക്ക്, ഫാഫ് ഡു പ്ലസിസ്, കാഗിസോ റബാഡ, ഡ്വെയ്ന് ബ്രാവോ, മാര്ക്ക് വുഡ്, സുരേഷ് റെയ്ന, ആര് അശ്വിന് തുടങ്ങിയവരെല്ലാം രണ്ടു കോടി രൂപ അടിസ്ഥാന വിലയിട്ടിട്ടുണ്ട്. ലുങ്ക് എന്ഗിഡി, മാര്ക്കോ ജാന്സെണ് തുടങ്ങിയ ദക്ഷിണാഫ്രിക്കന് കളിക്കാര് 50 ലക്ഷം രൂപയാണ് അടിസ്ഥാന വിലയിട്ടത്.
10 ടീമിലുമായി ആകെ 33 കളിക്കാര് ഇതിനകം തങ്ങളുടെ സ്ഥാനം ഉറപ്പാക്കിക്കഴിഞ്ഞു. ശേഷിക്കുന്ന കളിക്കാര്ക്കുവേണ്ടി ഫിബ്രുവരി 12, 13 തീയതികളില് ലേലം നടക്കും. 25 കളിക്കാരാണ് ഒരു ടീമിന് ആകെ സ്വന്തമാക്കാന് കഴിയുന്നത്. ആകെ 250 കളിക്കാര് വിവിധ ക്ലബ്ബുകളിലായി ഇടംനേടും. ലേലത്തില് രജിസ്റ്റര് ചെയ്ത മറ്റു താരങ്ങള് നിരാശരാകേണ്ടിവരും. ഇത്തവണ രണ്ട് ടീമുകള് അധികമുള്ളതിനാല് വിദേശത്തേയും ഇന്ത്യയിലേയും കൂടുതല് കളിക്കാര്ക്ക് അവസരം ലഭിക്കും.
ലേലത്തില് രജിസ്റ്റര് ചെയ്ത 49 കളിക്കാരുടെ അടിസ്ഥാന വില 2 കോടി രൂപയാണ്. 17 ഇന്ത്യന് കളിക്കാരും 32 വിദേശ കളിക്കാരും ഇതില് ഉള്പ്പെടുന്നു. രജിസ്റ്റര് ചെയ്യപ്പെട്ട 1,214 കളിക്കാരില് നിന്നും തെരഞ്ഞെടുക്കപ്പെടുന്നവരുടെ ചുരുക്കപ്പട്ടിക ഐപിഎല് ഗവേണിങ് കൗണ്സില് പിന്നീട് പുറത്തുവിടും. ഓരോ ടീമിനും താത്പര്യമുള്ള കളിക്കാരെ മാത്രമേ അന്തിമ പട്ടികയില് ഉള്പ്പെടുത്തുകയുള്ളൂ. ഈ പട്ടികയില് ഉള്പ്പെടുന്നവരാണ് ലേലത്തില് പങ്കെടുക്കുക.
മുന് ഇന്ത്യന് താരം എസ് ശ്രീശാന്ത് ലേലത്തില് പങ്കെടുക്കാന് താത്പര്യം പ്രകടിപ്പിച്ചു. 50 ലക്ഷം രൂപയാണ് അടിസ്ഥാന വില. കഴിഞ്ഞ സീസണിലും ശ്രീശാന്ത് രജിസ്റ്റര് ചെയ്തിരുന്നെങ്കിലും ടീമുകള്ക്ക് താത്പര്യമില്ലാത്തതിനാല് അന്തിമ പട്ടികയില് ഉള്പ്പെട്ടില്ല. ഇന്ത്യന് വെറ്ററന് താരങ്ങളുടെ വലിയൊരു നിര ഐപിഎല് ലേലത്തിനുണ്ടാകും. യുവ കളിക്കാര്ക്കും വിദേശ താരങ്ങള്ക്കുമായിരിക്കും വന് ഡിമാന്റ്.
10 ടീമിലുമായി ആകെ 33 കളിക്കാര് ഇതിനകം തങ്ങളുടെ സ്ഥാനം ഉറപ്പാക്കിക്കഴിഞ്ഞു. ശേഷിക്കുന്ന കളിക്കാര്ക്കുവേണ്ടി ഫിബ്രുവരി 12, 13 തീയതികളില് ലേലം നടക്കും. 25 കളിക്കാരാണ് ഒരു ടീമിന് ആകെ സ്വന്തമാക്കാന് കഴിയുന്നത്. ആകെ 250 കളിക്കാര് വിവിധ ക്ലബ്ബുകളിലായി ഇടംനേടും. ലേലത്തില് രജിസ്റ്റര് ചെയ്ത മറ്റു താരങ്ങള് നിരാശരാകേണ്ടിവരും. ഇത്തവണ രണ്ട് ടീമുകള് അധികമുള്ളതിനാല് വിദേശത്തേയും ഇന്ത്യയിലേയും കൂടുതല് കളിക്കാര്ക്ക് അവസരം ലഭിക്കും.
ലേലത്തില് രജിസ്റ്റര് ചെയ്ത 49 കളിക്കാരുടെ അടിസ്ഥാന വില 2 കോടി രൂപയാണ്. 17 ഇന്ത്യന് കളിക്കാരും 32 വിദേശ കളിക്കാരും ഇതില് ഉള്പ്പെടുന്നു. രജിസ്റ്റര് ചെയ്യപ്പെട്ട 1,214 കളിക്കാരില് നിന്നും തെരഞ്ഞെടുക്കപ്പെടുന്നവരുടെ ചുരുക്കപ്പട്ടിക ഐപിഎല് ഗവേണിങ് കൗണ്സില് പിന്നീട് പുറത്തുവിടും. ഓരോ ടീമിനും താത്പര്യമുള്ള കളിക്കാരെ മാത്രമേ അന്തിമ പട്ടികയില് ഉള്പ്പെടുത്തുകയുള്ളൂ. ഈ പട്ടികയില് ഉള്പ്പെടുന്നവരാണ് ലേലത്തില് പങ്കെടുക്കുക.
മുന് ഇന്ത്യന് താരം എസ് ശ്രീശാന്ത് ലേലത്തില് പങ്കെടുക്കാന് താത്പര്യം പ്രകടിപ്പിച്ചു. 50 ലക്ഷം രൂപയാണ് അടിസ്ഥാന വില. കഴിഞ്ഞ സീസണിലും ശ്രീശാന്ത് രജിസ്റ്റര് ചെയ്തിരുന്നെങ്കിലും ടീമുകള്ക്ക് താത്പര്യമില്ലാത്തതിനാല് അന്തിമ പട്ടികയില് ഉള്പ്പെട്ടില്ല. ഇന്ത്യന് വെറ്ററന് താരങ്ങളുടെ വലിയൊരു നിര ഐപിഎല് ലേലത്തിനുണ്ടാകും. യുവ കളിക്കാര്ക്കും വിദേശ താരങ്ങള്ക്കുമായിരിക്കും വന് ഡിമാന്റ്.