രാജസ്ഥാന്‍ റോയല്‍സിനെതിരെ ഗുജറാത്ത് ടൈറ്റന്‍സിനെ (Gujarat Titans) ഒമ്പത് വിക്കറ്റിന് വിജയത്തിലേക്ക് നയിച്ച ക്യാപ്റ്റന്‍ ഹാര്‍ദിക് പാണ്ഡ്യയെ (Hardik Pandya) മുന്‍ ഓസ്ട്രേലിയന്‍ പേസര്‍ ഷോണ്‍ ടെയ്റ്റ് (Shaun Tait) വാനോളം പ്രശംസിച്ചു. ഐപിഎല്‍ 2023 പോയിന്റ് പട്ടികയില്‍ ജിടിയെ ഒന്നാമതെത്തിച്ച പാണ്ഡ്യ കഴിഞ്ഞ സീസണിലെ ഫോമില്‍ ടീമിനെ മുന്നില്‍ നിന്നും നയിക്കുകയാണ്.
ഇത്തവണ പാണ്ഡ്യ ബാറ്റിംഗിലും മികവുകാട്ടി. ഒരു ഓവറില്‍ മൂന്ന് സിക്സറുകളും ഒരു ബൗണ്ടറിയും പറത്തി ആര്‍ആര്‍ സ്പിന്നര്‍ ആദം സാംപയ്‌ക്കെതിരെ ആധിപത്യം സ്ഥാപിച്ചു. കളി അവസാനിക്കുമ്പോള്‍ ഹാര്‍ദിക് 15 പന്തില്‍ 39 റണ്‍സുമായി പുറത്താകാതെ നിന്നു. ഗുജറാത്ത് രാജസ്ഥാന്‍ ടീമുകള്‍ തമ്മില്‍ നടന്ന സീസണിലെ ആദ്യ മത്സരത്തില്‍ സഞ്ജു സാംസണ്‍ (Sanju Samson) റാഷിദ് ഖാനെ തുടരെ മൂന്ന് സിക്‌സറടിച്ചിരുന്നു. ഇതിനുള്ള മറുപടിയാണ് പാണ്ഡ്യ സാംപയുടെ ഓവറില്‍ നല്‍കിയതെന്ന് ആരാധകര്‍ ചൂണ്ടിക്കാട്ടി.
Also Read : രാജസ്ഥാൻ റോയൽസ് പാടുപെടും, ഇനി പ്ലേ ഓഫ് സാധ്യതകൾ ഇങ്ങനെ!!
ക്രിക്ക്ഇന്‍ഫോയില്‍ പാണ്ഡ്യയുടെ പ്രകടനത്തെക്കുറിച്ച് സംസാരിച്ച ടെയ്റ്റ്, തന്റെ പ്രകടനത്തിലൂടെ വിമര്‍ശകര്‍ക്ക് മറുപടി നല്‍കാന്‍ ഹാര്‍ദിക് ശ്രമിക്കുകയാണെന്ന് പറഞ്ഞു. പാണ്ഡ്യ ഇന്ന് കളിച്ച രീതി ഏറെ ഇഷ്ടമായി. അധികനേരം ക്രീസില്‍ നില്‍ക്കാതെ തന്നെ ടീമിനെ വിജയത്തിലെത്തിക്കാന്‍ താരത്തിന് സാധിച്ചത് വലിയ കാര്യമാണെന്നും ടെയ്റ്റ് വിലയിരുത്തി.
ജിടി തങ്ങളുടെ കളിക്കാരെ ഇടയ്ക്കിടെ മാറ്റാത്തത് നല്ല ലക്ഷണമാണെന്നും ചാമ്പ്യന്‍ ടീമുകളായ മുംബൈ ഇന്ത്യന്‍സുമായും ചെന്നൈ സൂപ്പര്‍ കിംഗ്സുമായും ഗുജറാത്തിനെ ടെയ്റ്റ് താരതമ്യം ചെയ്യുകയും ചെയ്തു. നിങ്ങള്‍ നിങ്ങളുടെ ടീമിനെ ഇടയ്ക്കിടെ മാറ്റാത്തത് നല്ല സൂചനയാണ്. മുംബൈ അവരുടെ സുവര്‍ണ കാലഘട്ടത്തിലൂടെ കടന്നുപോകുമ്പോള്‍, ടീമിനെ ഇടയ്ക്കിടെ മാറ്റിയില്ല. ബൗളര്‍മാര്‍ ഒരേ സ്ഥലങ്ങളില്‍ ബൗള്‍ ചെയ്യുന്നു, ആവശ്യമുള്ളപ്പോഴെല്ലാം ബാറ്റിംഗ് ഓര്‍ഡര്‍ മികവിലേക്ക് ഉയരുന്നു. സിഎസ്‌കെയും ഇത് നല്ലതുപോലെ ചെയ്തു. ഗുജറാത്തിന്റെ ഇപ്പോഴത്തെ ടീം ചാമ്പ്യന്‍ ടീമുകളെപ്പോലെയാണെന്നും ടെയ്റ്റ് പുകഴ്ത്തി.
ഗുജറാത്ത് ടൈറ്റന്‍സ് 10 മത്സരങ്ങളില്‍ നിന്ന് 14 പോയിന്റുമായി പോയിന്റ് പട്ടികയില്‍ ഒന്നാം സ്ഥാനത്ത് എത്തിയതോടെ ടീം പ്ലേ ഓഫ് ബര്‍ത്തും ഏറെക്കുറെ ഉറപ്പിച്ചു. ഇത്തവണ മൂന്ന് കളികളില്‍ മാത്രമാണ് ടീം തോറ്റത്. സൂപ്പര്‍ താരങ്ങളില്ലാതെ മികച്ച ഒരു ടി20 സംഘത്തെ വളര്‍ത്തിയെടുക്കാനും മുന്നോട്ട് നയിക്കാനും ഹാര്‍ദിക് പാണ്ഡ്യയ്ക്ക് സാധിച്ചു. മുഖ്യ പരിശീലകന്‍ ആശിഷ് നെഹ്‌റയുടെ തന്ത്രങ്ങളും ഗുജറാത്തിനെ മറ്റു ടീമുകളില്‍ നിന്നും വ്യത്യസ്തരാക്കുന്നു.
Read Latest Sports News and Malayalam News
ഇത്തവണ പാണ്ഡ്യ ബാറ്റിംഗിലും മികവുകാട്ടി. ഒരു ഓവറില്‍ മൂന്ന് സിക്സറുകളും ഒരു ബൗണ്ടറിയും പറത്തി ആര്‍ആര്‍ സ്പിന്നര്‍ ആദം സാംപയ്‌ക്കെതിരെ ആധിപത്യം സ്ഥാപിച്ചു. കളി അവസാനിക്കുമ്പോള്‍ ഹാര്‍ദിക് 15 പന്തില്‍ 39 റണ്‍സുമായി പുറത്താകാതെ നിന്നു. ഗുജറാത്ത് രാജസ്ഥാന്‍ ടീമുകള്‍ തമ്മില്‍ നടന്ന സീസണിലെ ആദ്യ മത്സരത്തില്‍ സഞ്ജു സാംസണ്‍ (Sanju Samson) റാഷിദ് ഖാനെ തുടരെ മൂന്ന് സിക്‌സറടിച്ചിരുന്നു. ഇതിനുള്ള മറുപടിയാണ് പാണ്ഡ്യ സാംപയുടെ ഓവറില്‍ നല്‍കിയതെന്ന് ആരാധകര്‍ ചൂണ്ടിക്കാട്ടി.
Also Read : രാജസ്ഥാൻ റോയൽസ് പാടുപെടും, ഇനി പ്ലേ ഓഫ് സാധ്യതകൾ ഇങ്ങനെ!!
ക്രിക്ക്ഇന്‍ഫോയില്‍ പാണ്ഡ്യയുടെ പ്രകടനത്തെക്കുറിച്ച് സംസാരിച്ച ടെയ്റ്റ്, തന്റെ പ്രകടനത്തിലൂടെ വിമര്‍ശകര്‍ക്ക് മറുപടി നല്‍കാന്‍ ഹാര്‍ദിക് ശ്രമിക്കുകയാണെന്ന് പറഞ്ഞു. പാണ്ഡ്യ ഇന്ന് കളിച്ച രീതി ഏറെ ഇഷ്ടമായി. അധികനേരം ക്രീസില്‍ നില്‍ക്കാതെ തന്നെ ടീമിനെ വിജയത്തിലെത്തിക്കാന്‍ താരത്തിന് സാധിച്ചത് വലിയ കാര്യമാണെന്നും ടെയ്റ്റ് വിലയിരുത്തി.
ജിടി തങ്ങളുടെ കളിക്കാരെ ഇടയ്ക്കിടെ മാറ്റാത്തത് നല്ല ലക്ഷണമാണെന്നും ചാമ്പ്യന്‍ ടീമുകളായ മുംബൈ ഇന്ത്യന്‍സുമായും ചെന്നൈ സൂപ്പര്‍ കിംഗ്സുമായും ഗുജറാത്തിനെ ടെയ്റ്റ് താരതമ്യം ചെയ്യുകയും ചെയ്തു. നിങ്ങള്‍ നിങ്ങളുടെ ടീമിനെ ഇടയ്ക്കിടെ മാറ്റാത്തത് നല്ല സൂചനയാണ്. മുംബൈ അവരുടെ സുവര്‍ണ കാലഘട്ടത്തിലൂടെ കടന്നുപോകുമ്പോള്‍, ടീമിനെ ഇടയ്ക്കിടെ മാറ്റിയില്ല. ബൗളര്‍മാര്‍ ഒരേ സ്ഥലങ്ങളില്‍ ബൗള്‍ ചെയ്യുന്നു, ആവശ്യമുള്ളപ്പോഴെല്ലാം ബാറ്റിംഗ് ഓര്‍ഡര്‍ മികവിലേക്ക് ഉയരുന്നു. സിഎസ്‌കെയും ഇത് നല്ലതുപോലെ ചെയ്തു. ഗുജറാത്തിന്റെ ഇപ്പോഴത്തെ ടീം ചാമ്പ്യന്‍ ടീമുകളെപ്പോലെയാണെന്നും ടെയ്റ്റ് പുകഴ്ത്തി.
ഗുജറാത്ത് ടൈറ്റന്‍സ് 10 മത്സരങ്ങളില്‍ നിന്ന് 14 പോയിന്റുമായി പോയിന്റ് പട്ടികയില്‍ ഒന്നാം സ്ഥാനത്ത് എത്തിയതോടെ ടീം പ്ലേ ഓഫ് ബര്‍ത്തും ഏറെക്കുറെ ഉറപ്പിച്ചു. ഇത്തവണ മൂന്ന് കളികളില്‍ മാത്രമാണ് ടീം തോറ്റത്. സൂപ്പര്‍ താരങ്ങളില്ലാതെ മികച്ച ഒരു ടി20 സംഘത്തെ വളര്‍ത്തിയെടുക്കാനും മുന്നോട്ട് നയിക്കാനും ഹാര്‍ദിക് പാണ്ഡ്യയ്ക്ക് സാധിച്ചു. മുഖ്യ പരിശീലകന്‍ ആശിഷ് നെഹ്‌റയുടെ തന്ത്രങ്ങളും ഗുജറാത്തിനെ മറ്റു ടീമുകളില്‍ നിന്നും വ്യത്യസ്തരാക്കുന്നു.
Read Latest Sports News and Malayalam News