ഐപിഎൽ താരലേലത്തിൽ മലയാളി ക്രിക്കറ്റർ മുഹമ്മദ് അസ്ഹറുദ്ദീന് വേണ്ടി രംഗത്തെത്തിയത് ഒരേയൊരു ടീമാണ്. താരത്തിൻെറ പ്രിയപ്പെട്ട ടീം കൂടിയാണ് അതെന്നാണ് മറ്റൊരു പ്രത്യേകത. 20 ലക്ഷം രൂപയ്ക്ക് അസ്ഹറുദ്ദീന് സ്വന്തമാക്കിയിരിക്കുകയാണ് വിരാട് കോലി നയിക്കുന്ന റോയൽ ചലഞ്ചേഴ്സ് ബാംഗ്ലൂർ. കോലിയാണ് തൻെറ പ്രിയതാരമെന്നും അതിനാൽ നേരത്തെ തന്നെ ആർസിബി ആരാധകനാണെന്നും ലേലത്തിന് മുമ്പ് തന്നെ അസ്ഹറുദ്ദീൻ വെളിപ്പെടുത്തിയിരുന്നു. സയ്യിദ് മുഷ്താഖ് അലി ട്രോഫിയിലെ വെടിക്കെട്ട് ബാറ്റിങ് പ്രകടനത്തോടെയാണ് അസ്ഹറുദ്ദീൻ രാജ്യാന്തര ശ്രദ്ധയാകർഷിക്കുന്നത്. 37 പന്തിൽ നിന്ന് സെഞ്ച്വറി നേടിയാണ് അസ്ഹർ വരവറിയിച്ചത്. ഇന്ത്യൻ ക്രിക്കറ്റിൽ ഇതാ പുതിയൊരു അസ്റുദ്ദീനെന്ന് അന്ന് മുതലേ ക്രിക്കറ്റ് ലോകം വാഴ്ത്തിയിരുന്നു. അസ്ഹറിന് വേണ്ടി ലേലത്തിൽ ടീമുകൾ ശ്രമിക്കുമെന്ന് നേരത്തെ തന്നെ ഉറപ്പായിരുന്നു.
Also Read: ഐപിഎല് ചരിത്രത്തില് ജാക്ക്പോട്ടുമായി ക്രിസ് മോറിസ്, എക്കാലത്തേയും വലിയ തുക
2015-16 വർഷത്തിലാണ് അസ്ഹറുദ്ദീൻ രഞ്ജി ട്രോഫിയിൽ അരങ്ങേറുന്നത്. ടി20 ക്രിക്കറ്റിന് പറ്റിയ വെടിക്കെട്ട് ബാറ്റിങ് ശൈലിയാണുള്ളത്. മലയാളിയായ ദേവ്ദത്ത് പടിക്കലാണ് നിലവിൽ ആർസിബിയുടെ ഓപ്പണർ. അസ്ഹർ ഓപ്പണറായാൽ ആർസിബിക്ക് മലയാളി ഓപ്പണിങ് കൂട്ടുകെട്ടാവും.
Also Read: ഐപിഎല് ചരിത്രത്തില് ജാക്ക്പോട്ടുമായി ക്രിസ് മോറിസ്, എക്കാലത്തേയും വലിയ തുക
2015-16 വർഷത്തിലാണ് അസ്ഹറുദ്ദീൻ രഞ്ജി ട്രോഫിയിൽ അരങ്ങേറുന്നത്. ടി20 ക്രിക്കറ്റിന് പറ്റിയ വെടിക്കെട്ട് ബാറ്റിങ് ശൈലിയാണുള്ളത്. മലയാളിയായ ദേവ്ദത്ത് പടിക്കലാണ് നിലവിൽ ആർസിബിയുടെ ഓപ്പണർ. അസ്ഹർ ഓപ്പണറായാൽ ആർസിബിക്ക് മലയാളി ഓപ്പണിങ് കൂട്ടുകെട്ടാവും.