ടോസിനിടെ മഞ്‍ജരേക്ക‍റെ കളിപ്പിച്ച് ധോണിയുടെ തമാശ

മുംബൈ: മത്സരത്തിൻെറ എല്ലാ ഘട്ടങ്ങിലും കൂളാണ് മഹേന്ദ്ര സിങ് ധോണി എന്ന ക്യാപ്റ്റൻ. അത് ടോസിടുന്ന സമയത്തായാലും കളിയുടെ സമ്മർദ്ദഘട്ടത്തിലായാലും അങ്ങനെ തന്നെയാണ്. ഏറെ സമ്മർദ്ദമുള്ള ഇന്ത്യൻ പ്രീമിയർ ലീഗിൻെറ ഫൈനലിൽ ടോസിടുന്ന നേരത്ത് കമൻൻേററ്റർ മഞ്‍ജരേക്ക‍റെയുമെല്ലാം ചിരിപ്പിച്ചാണ് ധോണി തുടങ്ങിയത്.

ടോസിൽ ധോണി ഹെഡ് ആണ് പറഞ്ഞത്. വീണതും ഹെഡ് തന്നെ. എന്നാൽ ആരാണ് ഹെഡ് വിളിച്ചതെന്ന് മറന്ന് പോയ മഞ്‍ജരേക്ക‍ർ ധോണിയോട് ചോദിച്ചു. "ധോണി അല്ലെ ഹെഡ് വിളിച്ചത് ? " "അല്ലല്ല വില്യംസൺ ആണ് ടെയിൽസ് പറഞ്ഞത്" ഇതായിരുന്നു ധോണിയുടെ മറുപടി.

ആവർത്തിച്ച് ചോദിച്ചപ്പോഴും ധോണി വില്യംസൺ വിളിച്ചത് ടെയിൽസ് ആണെന്ന് തന്നെ പറഞ്ഞു. ഇതോടെ തമാശ മനസ്സിലാക്കി മഞ്‍ജരേക്ക‍റും ചിരിച്ചു. "ധോണി... ഞങ്ങളെ പൊട്ടൻമാരാക്കുന്നത് നിർത്തി... എന്ത് തീരുമാനിക്കുന്നുവെന്ന് പറ," ഇതായിരുന്നു എെപിഎൽ കമൻേററ്ററായ മഞ്‍ജരേക്ക‍റുടെ മറുപടി.