എെപിഎൽ വിജയം: ക്രെഡിറ്റ് ധോണിക്ക് നൽകി ഫ്ലെമ്മിങ്

ചെന്നൈ: ഇന്ത്യൻ പ്രീമിയർ ലീഗിൽ ചെന്നൈ സൂപ്പർ കിങ്സിന് വിജയം സമ്മാനിക്കുന്നതിൽ നിർണായക പങ്ക് വഹിച്ചത് ധോണി എന്ന ക്യാപ്റ്റൻെറ ബുദ്ധിപരമായ തീരുമാനങ്ങളാണെന്ന് ടീം പരിശീലകൻ സ്റ്റീഫൻ ഫ്ലെമ്മിങ്. "എംഎസ് ധോണി ഇംപാക്റ്റ് ആണ് വിജയത്തിന് പ്രധാന കാരണം," ഫ്ലെമ്മിങ് പറഞ്ഞു.

"ധോണിക്ക് കളിക്കാരിൽ നല്ല സ്വാധീനവും വിശ്വാസവുമുണ്ടായിരുന്നു. അദ്ദേഹത്തിൻെറ തീരുമാനങ്ങളും അതിലുള്ള ആത്മവിശ്വാസവുമായിരുന്നു പ്രധാന ഘടകം. കളിക്കാരിൽ നിന്ന് ഏറ്റവും മികച്ച പ്രകടനം പുറത്തെടുപ്പിക്കാനുള്ള കഴിവും ധോണിക്കുണ്ട്. അമ്പാട്ടി റായിഡു ഇതിന് ഉദാഹരണമാണ്," ഫ്ലെമ്മിങ് പറഞ്ഞു.

എെപിഎൽ 11ാം സീസൺ ഫൈനലിൽ സൺ റൈസേഴ്സ് ഹൈദരാബാദിനെ പരാജയപ്പെടുത്തിയാണ് ചെന്നൈ സൂപ്പർ കിങ്സ് കിരീടം നേടിയത്.