വിദേശതാരങ്ങളിൽ പൊള്ളാർഡ്
വിദേശകളിക്കാരിൽ ഉപനായകൻ കീറോൺ പൊള്ളാർഡിനെയായിരിക്കും മുംബൈ നിലനിർത്തുകയെന്ന് ഇർഫാൻ പഠാൻ പറഞ്ഞു. ഏറെക്കാലമായി പൊള്ളാർഡ് മുംബൈ ടീമിനൊപ്പമുണ്ട്. പല നിർണായക മത്സരങ്ങളിലും ടീമിൻെറ വിജയശിൽപ്പിയാവാറുള്ള കളിക്കാരനാണ് പൊള്ളാർഡ്. പേസർ ട്രെൻറ് ബോൾട്ടാണ് മുംബൈ പരിഗണിക്കാൻ സാധ്യതയുള്ള മറ്റൊരു വിദേശതാരം.
(BCCI/PTI Photo)
പാണ്ഡ്യയെ നിലനിർത്തില്ല
നായകൻ രോഹിത് ശർമയെയും പേസർ ജസ്പ്രീത് ബുംറയെയും മുംബൈ നിലനിർത്തുമെന്ന കാര്യത്തിൽ പഠാന് സംശയമൊന്നുമില്ല. ഹാർദിക് പാണ്ഡ്യയുടെ ഫോം ഒരു പ്രധാന ഘടകമാണ്. നിലവിൽ മോശം ഫോമിലുള്ള താരത്തെ മുംബൈ നിലനിർത്താൻ സാധ്യതയില്ലെന്ന് പഠാൻ വിലയിരുത്തി.
(PTI Photo/Sportzpics)
ഇഷൻ കിഷനുണ്ടാവും
ഭാവിതാരമെന്ന നിലയിൽ മുംബൈ ഇന്ത്യൻസ് ആദ്യം പരിഗണിക്കാൻ പോവുന്ന കളിക്കാരൻ ഇഷൻ കിഷനായിരിക്കുമെന്നും പഠാൻ പറഞ്ഞു. സൂര്യകുമാർ യാദവിന് സാധ്യതയില്ലെന്നാണ് വിലയിരുത്തൽ. റിലീസ് ചെയ്ത ശേഷം സൂര്യയെ ലേലത്തിൽ പിടിച്ചെടുക്കാനായിരിക്കും മുംബൈയുടെ ശ്രമം.
(PTI Photo/Sportzpics)