കൊൽക്കത്തക്ക് ആവേശം പകർന്ന് ഷാരൂഖും മകളും

കൊൽക്കത്ത: ഇന്ത്യൻ പ്രീമിയർ ലീഗിലെ ആദ്യ മത്സരത്തിൽ കൊൽക്കത്ത നൈറ്റ് റൈഡേഴ‍്‍സ് വിജയം നേടുമ്പോൾ ഗ്യാലറിയിൽ ആവേശം തീർത്ത് ഷാരൂഖ് ഖാനും മകൾ സുഹാനയും. ഈഡൻ ഗാർഡനിൽ നടന്ന മത്സരത്തിൽ നാല് വിക്കറ്റിനാണ് റോയൽ ചലഞ്ചേഴ്‍സ് ബാംഗ്ലൂ‍രിനെ കൊൽക്കത്ത തോൽപ്പിച്ചത്.

ടീമിൻെറ സഹ ഉടമയായ ഷാരൂഖിൻെറ സാന്നിധ്യം താരങ്ങൾക്കും ആരാധകർക്കും ഒരു പോലെ ആവേശം പകർന്നു. ഫ്ലൈയിങ് കിസ്സ് നൽകിയും കയ്യടിച്ചും ഷാരൂഖ് ടീമിനെ പ്രോത്സാഹിപ്പിക്കുന്നുണ്ടായിരുന്നു.


ഷൂട്ടിങ് തിരക്കുകൾ കാരണം ഈ സീസണിൽ ഷാരൂഖിന് കൊൽക്കത്തയുടെ കൂടുതൽ മത്സരങ്ങൾ കാണാൻ സാധിക്കില്ല. എെപിഎല്ലിൽ കൊൽക്കത്ത കളിക്കാൻ തുടങ്ങിയ കാലം മുതൽ തന്നെ ഗ്യാലറിയിൽ ടീമിനെ പ്രോത്സാഹിപ്പിക്കാനായി ഷാരൂഖ് എത്താറുണ്ട്.