ഒരോവറിൽ 5 സിക്സ്, 16 പന്തിൽ ഫിഫ്ടി; കൊൽക്കത്തക്കായി ബാൻറൺ വരുന്നൂ... ലിന്നിനെ വിട്ടു കൊടുത്തത് വിനയാവില്ല!!

ഐപിഎൽ താരലേലത്തിന് മുമ്പ് ക്രിസ് ലിന്നിനെ കൊൽക്കത്ത നൈറ്റ് റൈഡേഴ്സ് റിലീസ് ചെയ്യുമെന്ന് ആരും പ്രതീക്ഷിച്ചതല്ല. മികച്ച ഫോമിലുള്ള ഓസീസ് താരം ടി20 ലീഗുകളിൽ തകർപ്പൻ പ്രകടനം കാഴ്ച വെച്ചിരുന്നു. ലേലത്തിൽ ലിന്നിനെ കൊൽക്കത്ത തിരിച്ച് പിടിക്കുമെന്ന് കരുതിയെങ്കിലും അതും സംഭവിച്ചില്ല. എന്നാൽ പകരം ഇംഗ്ലണ്ടിൻെറ പുതിയ ബാറ്റിങ് സെൻസേഷൻ ടോം ബാൻറണെ കൊൽക്കത്ത ടീമിലെത്തിച്ചിട്ടുണ്ട്.

ഒരു കോടി രൂപയ്ക്കാണ് ബാൻറണെ കൊൽക്കത്ത ടീമിലെത്തിച്ചത്. അത് മുതലാവുമെന്ന് തന്നെയാണ് ഇംഗ്ലീഷ് താരം തെളിയിക്കുന്നത്. ബിഗ് ബാഷ് ലീഗിൽ കഴിഞ്ഞ ദിവസം നടന്ന മത്സരത്തിൽ ഒരോവറിൽ അഞ്ച് സിക്സ് അടക്കം തകർത്തടിക്കുകയായിരുന്നു ബാൻറൺ.

Also Read: ധവാന് പകരം രാഹുലിനൊപ്പം അവനെ ഓപ്പണറാക്കണം: ഇനിയും പുറത്തിരുത്തരുത്, ഞാനായിരുന്നെങ്കിൽ അത് സംഭവിച്ചേനെ; തുറന്നടിച്ച് ഗംഭീർ

ബ്രിസ്ബെയ്ൻ ഹീറ്റിന് വേണ്ടി ഇറങ്ങിയ ബാൻറൺ വെറും 16 പന്തിൽ നിന്ന് അർധശതകം നേടി. ബിഗ് ബാഷ് ലീഗിലെ ഏറ്റവും വേഗതയേറിയ രണ്ടാമത്തെ അർധശതകമാണിത്. സിഡ്നി തണ്ടറിനെതിരെ നടന്ന മത്സരത്തിലാണ് താരത്തിൻെറ ബാറ്റിങ് വെടിക്കെട്ട്. വെറും 19 പന്തിൽ നിന്ന് അദ്ദേഹം 56 റൺസെടുത്തു.

Also Read: പിച്ച് ഉണക്കാൻ ഹെയർ ഡ്രെയറും ഇസ്തിരിപ്പെട്ടിയും!! മഴ കുളമാക്കിയ ഒന്നാം ടി20; ട്രോളുമായി ആരാധകർ

ഇത്തവണ ഐപിഎല്ലിൽ ബാൻറണെ ഏറ്റെടുക്കാൻ ചെന്നൈ സൂപ്പർ കിങ്സിനും മുംബൈ ഇന്ത്യൻസിനും താൽപ്പര്യമുണ്ടെന്ന് വാർത്തകളുണ്ടായിരുന്നു. ഒടുവിൽ ലേലത്തിൽ കാര്യമായ അനക്കമൊന്നുമുണ്ടാക്കാതെ ബാൻറൺ കൊൽക്കത്തയിലെത്തി. ഏതായാലും താരത്തിൻെറ വെടിക്കെട്ട് അടുത്ത സീസണിൽ കൊൽക്കത്തക്കൊപ്പം കണ്ട് തുടങ്ങാം...

വീഡിയോ കാണാം: