ഐപിഎൽ മാർച്ച് 29ന് തുടങ്ങും; ആദ്യമത്സരം മുംബൈയും ചെന്നൈയും തമ്മിൽ

ന്യൂഡൽഹി: ഇന്ത്യൻ പ്രീമിയർ ലീഗ് 13ാം സീസണിലെ ആദ്യ മത്സരത്തിൽ കഴിഞ്ഞ വർഷത്തെ ചാമ്പ്യൻമാരായ മുംബൈ ഇന്ത്യൻസും റണ്ണേഴ്സ് അപ്പായ ചെന്നൈ സൂപ്പർ കിങ്സും തമ്മിൽ ഏറ്റുമുട്ടും. ഐപിഎല്ലിൻെറ മത്സര ഷെഡ്യൂളുമായി ബന്ധപ്പെട്ട് ബിസിസിഐ ഔദ്യോഗിക പ്രഖ്യാപനവും വന്നു.

ലീഗ് സ്റ്റേജ് മത്സരങ്ങളുടെ ഷെഡ്യൂളാണ് പുറത്ത് വന്നിരിക്കുന്നത്. മെയ് 17 വരെയായിരിക്കും ലീഗ് മത്സരങ്ങൾ അവസാനിക്കുക. റോയൽ ചലഞ്ചേഴ്സ് ബാംഗ്ലൂരും മുംബൈ ഇന്ത്യൻസും തമ്മിൽ ചിന്നസ്വാമി സ്റ്റേഡിയത്തിലാണ് അവസാന ലീഗ് മത്സരം. മെയ് 24നാണ് വരുന്ന സീസണിലെ ഇന്ത്യൻ പ്രീമിയർ ലീഗ് ഫൈനൽ.

Also Read: വീണ്ടും ഇംഗ്ലണ്ട് - ദക്ഷിണാഫ്രിക്ക ത്രില്ലർ, ഇത്തവണ ജയം ഇംഗ്ലണ്ടിന്; ഡീകോക്കിന് റെക്കോർഡ്, മത്സരത്തിൽ പിറന്നത് 30 സിക്സറുകൾ!!


ഇത്തവണ ശനിയാഴ്ച രണ്ട് മത്സരങ്ങൾ ഒഴിവാക്കിയിട്ടുണ്ട്. ആറ് ഞായറാഴ്ചകളിൽ മാത്രമാണ് രണ്ട് മത്സരങ്ങളുള്ളത്. റോയൽ ചലഞ്ചേഴ്സ് ബാംഗ്ലൂർ, സൺ റൈസേഴ്സ് ഹൈദാരാബാദ്, കൊൽക്കത്ത നൈറ്റ് റൈഡേഴ്സ് ടീമുകൾ തങ്ങളുടെ മത്സരഷെഡ്യൂൾ ട്വിറ്ററിൽ ഷെയർ ചെയ്തിട്ടുണ്ട്.


Also Read: പുതിയ ലോഗോയും ജേഴ‍്‍സിയും സ്പോൺസറും; പുതു ദശാബ്ദത്തിൽ അടിമുടി മാറി ആർസിബി!