മുംബൈ നിരയിൽ രണ്ട് താരങ്ങൾക്ക് നിർണായകം; ജയിച്ചാൽ പഞ്ചാബിനും ആദ്യനാലിലെത്താം

തുടർച്ചയായി മൂന്ന് തോൽവികൾ ഏറ്റുവാങ്ങിയ മുംബൈ ഇന്ത്യൻസിന് ഇന്നത്തെ മത്സരം വളരെ നിർണായകമാണ്. മത്സരം ജയിക്കാനായാൽ നേട്ടം ചെറുതല്ല. പോയൻറ് പട്ടികയിൽ നിലവിൽ ഏഴാം സ്ഥാനത്തുള്ള ടീമിന് നേരെ നാലാം സ്ഥാനത്തേക്ക് കയറാം. എന്നാൽ ഇനിയുള്ള നാല് മത്സരവും ജയിക്കേണ്ടതുണ്ട് പ്ലേ ഓഫിലെത്താൻ. തോൽവി പഞ്ചാബിനും മുംബൈക്കും സഹിക്കാനാവുന്നതല്ല.

ഇന്ത്യയിൽ നടന്ന ഒന്നാം പാദത്തിൽ മുംബൈ പഞ്ചാബിനോട് ദയനീയമായി തോറ്റിരുന്നു. 9 വിക്കറ്റിൻെറ ആ തോൽവിക്ക് മറുപടി നൽകാനുണ്ട് മുംബൈ ഇന്ത്യൻസിന്. എന്നാൽ നിലവിലെ സാഹചര്യം ടീമിന് ഒട്ടും പ്രതീക്ഷ നൽകുന്നതല്ല. മധ്യനിര ബാറ്റ്സ്മാൻമാർ നടത്തുന്ന ദയനീയ പ്രകടനമാണ് വെല്ലുവിളി.

ഇന്ത്യയുടെ ലോകകപ്പ് ടീമിലുള്ള ആറ് കളിക്കാർ മുംബൈ ഇന്ത്യൻസിലുണ്ട്. ഇവരിൽ മൂന്ന് പേർ തുടർച്ചയായി പരാജയമാണ്. മധ്യനിര ബാറ്റ്സ്മാൻമാരായ സൂര്യകുമാർ യാദവും ഇഷൻ കിഷനുമാണ് കഴിഞ്ഞ സീസണിൽ ടീമിനെ വിജയത്തിലെത്തിച്ചതിൽ നിർണായകപങ്ക് വഹിച്ചത്. ഇരുവരുടെയനം ദേശീയ ടീമിലേക്കുള്ള വരവിന് കാരണമായതും ആ പ്രകടനമായിരുന്നു.

ലോകകപ്പ് ടീമിൽ വൻ അബദ്ധം: അവൻ എങ്ങനെ പുറത്തായെന്ന് സെവാഗ്, രണ്ട് പേരെ ഉൾപ്പെടുത്താതതിൽ പ്രസാദിന് അത്ഭുതം!!

ലോകകപ്പ് ടീമിൽ അംഗങ്ങളായിട്ടുള്ള കിഷൻെറയും സൂര്യയുടെയും ദയനീയ പ്രകടനം ബിസിസിഐക്കും തലവേദനയാണ്. റിസർവ് നിരയിലുള്ള ശ്രേയസ് അയ്യരും ടീമിൽ പരിഗണിക്കപ്പെടാത്ത സഞ്ജു സാംസണുമെല്ലാം മികച്ച ഫോമിൽ കളിക്കുന്നുണ്ട്. ഇന്ത്യയുടെ ലോകകപ്പ് ടീമിൽ ഒക്ടോബർ 10 വരെ മാറ്റം വരുത്താം. സൂര്യയും കിഷനും മോശം ഫോമിൽ തുടർന്നാൽ ഇവർക്കെതിരെ വൻവിമർശനം ഉയരുമെന്ന് ഉറപ്പാണ്.

സൺ റൈസേഴ്സ് ഹൈദരാബാദിനെതിരെ 5 റൺസ് വിജയം നേടിയെത്തുന്ന പഞ്ചാബും വലിയ ആത്മവിശ്വാസത്തിലൊന്നുമല്ല. ഏത് മത്സരവും ജയിക്കുകയും തോൽക്കുകയും ചെയ്യുന്ന ടീമായിരിക്കുന്നു പഞ്ചാബ്. കെഎൽ രാഹുലിൻെറ നേതൃത്വത്തിലുള്ള പഞ്ചാബ് അപ്രവചനീയമായ പ്രകടനമാണ് നടത്തുന്നത്. രാഹുലിനും മായങ്കിനും പുറമെ മാർക്രം അടക്കമുള്ള വിദേശതാരങ്ങൾ ഫോമിലെത്തിയത് ടീമിന് ആത്മവിശ്വാസം പകരുന്നു. മുഹമ്മദ് ഷമി, രവി ബിഷ്ണോയ് എന്നിവരടങ്ങുന്ന ബോളിങ് നിരയും ഫോമിലെത്തിയിട്ടുണ്ട്.

ഇരുടീമുകളും ഇത് വരെ ഐപിഎല്ലിൽ 27 മത്സരങ്ങളിലാണ് പരസ്പരം ഏറ്റുമുട്ടിയിട്ടുള്ളത്. ഇതിൽ 14 തവണ മുംബൈ ഇന്ത്യൻസും 13 തവണ പഞ്ചാബും വിജയിച്ചിട്ടുണ്ട്. നിലവിൽ പോയൻറ് പട്ടികയിൽ അഞ്ചാം സ്ഥാനത്താണ് പഞ്ചാബ്. മുംബൈ ഇന്ത്യൻസ് ഏഴാം സ്ഥാനത്താണുള്ളത്. ഇരുടീമുകൾക്ക് എട്ട് പോയൻറുണ്ട്. തോറ്റാൽ പ്ലേ ഓഫ് പ്രതീക്ഷകൾക്ക് മങ്ങലേൽക്കും.

പരിക്കെങ്കിൽ പിന്നെന്തിന് ലോകകപ്പ് ടീമിൽ? ഇന്ത്യൻ സൂപ്പർതാരത്തിനെതിരെ സാബാ കരീം!!

മത്സരത്തിൽ സമ്മർദ്ദം കൂടുതലുള്ളത് മുംബൈക്ക് തന്നെയാണ്. ഓപ്പണർമാരായ രോഹിത് ശർമയും ക്വിൻറൺ ഡീകോക്കും ഒഴികെ മറ്റാരും കഴിഞ്ഞ മൂന്ന് മത്സരങ്ങളിൽ കാര്യമായ സംഭാവന നൽകിയില്ല. ഹാർദിക് പാണ്ഡ്യ ആർസിബിക്കെതിരായാണ് ഇറങ്ങിയത്. ഇന്ത്യയുടെ ലോകകപ്പ് ടീമിൽ സ്ഥാനം പിടിച്ചിട്ടുള്ള രാഹുൽ ചാഹറും മോശം ഫോമിലാണ്. പേസർമാരായ ജസ്പ്രീത് ബുംറയും ട്രെൻറ് ബോൾട്ടും അടങ്ങിയ ബോളിങ് നിരയിലാണ് മുംബൈക്ക് പ്രതീക്ഷയുള്ളത്. ബുംറ ഇത് വരെ ഗംഭീരഫോമിലാണ് കളിച്ചിട്ടുള്ളത്.