1-3 ബാറ്റിംഗ് പൊസിഷൻ
യാശ്വസി ജൈസ്വാളും, ജോസ് ബട്ലറുമാണ് രാജസ്ഥാൻ റോയൽസിന്റെ ഓപ്പണർമാർ. മുംബൈ ഇന്ത്യൻസിനെതിരെയും ഇവർ തന്നെയാകും രാജസ്ഥാന്റെ ബാറ്റിംഗ് ഓപ്പൺ ചെയ്യുക. ജോസ് ബട്ലർ കഴിഞ്ഞ കുറച്ച് മത്സരങ്ങളായി അത്ര ഫോമിൽ അല്ല. മുംബൈക്കെതിരെ താരം ഫോമിലേക്ക് തിരിച്ചെത്തുമെന്ന പ്രതീക്ഷയിലാണ് ആരാധകർ. ജൈസ്വാൾ കഴിഞ്ഞ മത്സരത്തിലെ മിന്നും ഫോം ആവർത്തിച്ചാൽ രാജസ്ഥാൻ കുതിക്കും. മൂന്നാം നമ്പരിൽ നായകൻ സഞ്ജു സാംസൺ തന്നെ കളിക്കാനാണ് സാധ്യത. മുംബൈക്കെതിരെ മികച്ച റെക്കോർഡുള്ള താരമാണ് സഞ്ജു. രാജസ്ഥാൻ ആരാധകർക്ക് വലിയ ആവേശം സമ്മാനിക്കുന്ന കാര്യമാണത്.
MI vs RR: രാജസ്ഥാനെതിരെ മുംബൈയ്ക്ക് മേൽക്കൈ, വെടിക്കെട്ട് മത്സരം പ്രതീക്ഷിച്ച് ആരാധകർ
4 മുതൽ 7 വരെ ബാറ്റിംഗ് പൊസിഷൻ
വെസ്റ്റിൻഡീസ് താരം ഷിംറോൺ ഹെറ്റ്മെയറാണ് കഴിഞ്ഞ മത്സരത്തിൽ രാജസ്ഥാൻ റോയൽസിന്റെ നാലാം നമ്പരിൽ ബാറ്റിംഗിനെത്തിയത്. ഹെറ്റ്മെയറെത്തന്നെ മുംബൈക്കെതിരെയും രാജസ്ഥാൻ ഈ പൊസിഷനിൽ ഇറക്കിയേക്കും. ഈ സീസണിൽ 8 കളികളിൽ 196 റൺസ് താരം നേടിക്കഴിഞ്ഞു. ചെന്നൈക്കെതിരെ 15 പ‌ന്തിൽ 34 റൺസെടുത്ത് വെടിക്കെട്ട് നടത്തിയ ധ്രുവ് ജൂറലാകും അഞ്ചാം നമ്പരിൽ. ഈ സീസണിൽ മികച്ച പ്രകടനങ്ങളാണ് ജൂറൽ പുറത്തെടുത്തിരിക്കുന്നത്. കഴിഞ്ഞ കളിയിൽ ഫിനിഷറായി ഇറങ്ങിയ ദേവ്ദത്ത് പടിക്കൽ ഈ സ്ഥാനത്ത് തുടർന്നേക്കും. മോശം ഫോമിലാണെങ്കിലും വിൻഡീസ് ഓൾ റൗണ്ടർ ജേസൺ ഹോൾഡറിന് ഒരവസരം കൂടി രാജസ്ഥാൻ നൽകിയേക്കും.
ബോളിംഗ് നിര
ചെറിയ പരിക്കിനെത്തുടർന്ന് ന്യൂസിലൻഡ് പേസർ ട്രെന്റ് ബോൾട്ട് കഴിഞ്ഞ മത്സരത്തിൽ കളിക്കാൻ ഇറങ്ങിയിരുന്നില്ല. എന്നാൽ മുംബൈ ഇന്ത്യൻസിനെതിരെ താരം പ്ലേയിംഗ് ഇലവനിലേക്ക് മടങ്ങിയെത്തും. ബോൾട്ട് തിരിച്ചെത്തുന്നതോടെ ഓസീസ് സ്പിന്നറായ ആദം സാമ്പയാവും പുറത്ത് പോവുക. ചെന്നൈക്കെതിരെ മൂന്ന് വിക്കറ്റുകളുമായി തിളങ്ങിയ താരമാണ് സാമ്പ. ഈ ഒരു മാറ്റമാണ് രാജസ്ഥാൻ നിരയിൽ പ്രതീക്ഷിക്കപ്പെടുന്നത്. പേസ് നിരയിൽ ബോൾട്ടിന് കൂട്ടായി സന്ദീപ് ശർമ്മ തന്നെ കളിക്കും. സ്പിൻ നിരയിൽ ആർ അശ്വിൻ, യുസ്വേന്ദ്ര ചഹൽ എന്നിവരുണ്ടാകുമെന്ന കാര്യവും ഉറപ്പാണ്.
Also Read : സഞ്ജു എപ്പോളും ടീമിനായി കളിക്കുന്ന താരം, വാനോളം പ്രശംസിച്ച് കുമാർ സംഗക്കാര
രാജസ്ഥാൻ റോയൽസിന്റെ സാധ്യത പ്ലേയിംഗ് ഇലവൻ
യാശ്വസി ജൈസ്വാൾ, ജോസ് ബട്ലർ, സഞ്ജു സാംസൺ, ഷിംറോൺ ഹെറ്റ്മെയർ, ധ്രുവ് ജൂറൽ, ദേവ്ദത്ത് പടിക്കൽ, ജേസൺ ഹോൾഡർ, ആർ അശ്വിൻ, ട്രെന്റ് ബോൾട്ട്, സന്ദീപ് ശർമ്മ, യുസ്വേന്ദ്ര ചഹൽ.
ഇമ്പാക്ട് പ്ലേയർമാർ ഇവരിൽ നിന്ന് : മുരുഗൻ അശ്വിൻ, കുൽദിപ് യാദവ്, കുൽദിപ് സെൻ, അബ്ദുൾ ബാസിത്, ആകാശ് വശിഷ്ഠ്.
Read Latest Sports News and Malayalam News