ഇനി അവനെ കളിപ്പിച്ചാൽ മാത്രമേ രാജസ്ഥാൻ രക്ഷപെടൂ!! വമ്പൻ മാറ്റത്തിന് സഞ്ജു

ജോസ് ബട്ലർ, ഷിംറോൺ ഹെറ്റ്മെയർ, ട്രെന്റ് ബോൾട്ട്, ആദം സാമ്പ എന്നിവരായിരുന്നു ഗുജറാത്ത് ടൈറ്റൻസിനെതിരായ മത്സരത്തിൽ രാജസ്ഥാന്റെ വിദേശ സ്പോട്ടുകളിൽ കളിച്ചത്. മുൻ മത്സരത്തിൽ കളിച്ച ജേസൺ ഹോൾഡറെ പ്ലേയിംഗ് ഇലവനിൽ നിന്ന് ഒഴിവാക്കി പകരം ആദം സാമ്പയെ ഗുജറാത്തിനെതിരെ രാജസ്ഥാൻ കളിപ്പിച്ചു. എന്നാൽ രാജസ്ഥാൻ ദയനീയമായി പരാജയപ്പെട്ട മത്സരത്തിൽ ടീമിനായി ഒന്നും തന്നെ ചെയ്യാൻ സാമ്പയ്ക്ക് കഴിഞ്ഞില്ല.

നിലവിൽ രാജസ്ഥാൻ ഏറ്റവുമധികം പ്രശ്നങ്ങൾ നേരിടുന്നത് അവരുടെ മധ്യനിരയിലാണ്‌. ഇതിന് ഇനി ഏക പരിഹാരം ജോ റൂട്ടിനെ പ്ലേയിംഗ് ഇലവനിലേക്ക് കൊണ്ടു വരുക എന്നതാണ്. ഇതു വരെ രാജസ്ഥാൻ പ്ലേയിംഗ് ഇലവനിൽ ഉൾപ്പെടുത്താത്ത കളികാരനാണ് റൂട്ട്‌. സാമ്പയ്ക്ക് പകരം ജോ റൂട്ടിനെ കളിപ്പിക്കുന്നതോടെ രാജസ്ഥാന്റെ മധ്യനിരയിലെ പ്രശ്നങ്ങൾക്ക് പരിഹാരമാകും. ഈ ഒരു മാറ്റം രാജസ്ഥാൻ വരുത്തുന്നതിനായാണ് ആരാധകരുടെ കാത്തിരിപ്പ്.

ജോസ് ബട്ലറുടെ മോശം ഫോമാണ് നിലവിൽ രാജസ്ഥാൻ റോയൽസിന്റെ ഏറ്റവും വലിയ തലവേദനകളിൽ ഒന്ന്‌. എന്നാൽ ബട്ലർ ടീമിലെ ഓപ്പണിംഗ് സ്ഥാനത്ത് തുടരുമെന്ന് ഉറപ്പാണ്. യശസ്വി ജൈസ്വാൾ തന്നെയാകും ഓപ്പണിംഗിൽ ബട്ലർക്ക് കൂട്ടായി എത്തുക. കഴിഞ്ഞ മത്സരത്തിൽ നിർഭാഗ്യകരമായ റണ്ണൗട്ടിൽ പുറത്തായ ജൈസ്വാളിൽ നിന്ന് മികച്ചൊരു ഇന്നിംഗ്സ് ഹൈദരാബാദിനെതിരെ ആരാധകർ പ്രതീക്ഷിക്കുന്നു. നായകൻ സഞ്ജു സാംസൺ തന്നെയാകും മൂന്നാം നമ്പരിൽ കളിക്കുക. സ്ഥിരതയില്ലായ്മയുടെ പേരിൽ വിമർശനങ്ങൾ നേരിടുന്ന താരത്തിന്റെ മികച്ച തിരിച്ചു വരവ് ആരാധകർ ആഗ്രഹിക്കുന്നു‌ണ്ട്. ഹൈദരാബാദിനെതിരെ ഫോമിലെത്താൻ സഞ്ജുവിനായാൽ രാജസ്ഥാന് കാര്യങ്ങൾ എളുപ്പമാകും.

Also Read : ആ നിമിഷം മുതലാണ് കളി മാറിയത്, രാജസ്ഥാന്റെ പദ്ധതികളും തകർന്നു!!​

ഇംഗ്ലീഷ് സൂപ്പർ താരം ജോ റൂട്ടിന് ഈ മത്സരത്തിലെങ്കിലും രാജസ്ഥാൻ അവസരം നൽകണമെന്നാണ് ആരാധക ആവശ്യം. മധ്യനിര ബാറ്റിംഗിൽ ടീം പ്രതിസന്ധി നേരിടുന്ന ഘട്ടത്തിൽ റൂട്ടിനെ കളിപ്പിക്കാനുള്ള നീക്കത്തിന് രാജസ്ഥാൻ തുനിഞ്ഞേക്കും. പാർട് ടൈം ബോളറാണെന്നതും റൂട്ടിന് മുൻതൂക്കം നൽകുന്ന കാര്യമാണ്‌. നിലവിൽ മോശം ഫോമിലാണെങ്കിലും ദേവ്ദത്ത് പടിക്കലും, ഷിംറോൺ ഹെറ്റ്മെയറും മധ്യനിരയിൽ സ്ഥാനം നിലനിർത്തും. ധ്രുവ് ജൂറലാകും മറ്റൊരു ബാറ്റർ.

ട്രെന്റ് ബോൾട്ടിന് പവർപ്ലേയിൽ വിക്കറ്റുകൾ വീഴ്ത്താൻ കഴിയാതിരുന്നത് കഴിഞ്ഞ കളികളിൽ രാജസ്ഥാന് വിനയായിരുന്നു. എങ്കിലും ബോൾട്ട് തന്നെയാകും ഹൈദരാബാദിനെതിരെയും രാജസ്ഥാന്റെ ബോളിംഗ് ഓപ്പൺ ചെയ്യുക. അദ്ദേഹത്തിന് കൂട്ടായി പേസ് നിരയിൽ സന്ദീപ്‌ ശർമ്മയെത്തും. സ്പിൻ ഡിപ്പാർട്ട്മെന്റിൽ സ്റ്റാർ ബോളർമാരായ ആർ അശ്വിനും, യുസ്വേന്ദ്ര ചഹലുമാകും അണിനിരക്കുക. ഫോം കണ്ടെത്താൻ ഇവർക്ക് സാധിച്ചാൽ ഹൈദരാബാദ് ബാറ്റർമാർ വിറയ്ക്കും. ഇമ്പാക്ട് പ്ലേയറായി ഒരു ഇന്ത്യൻ ബോളറെ കൂടി കൊണ്ടു വരുന്നതോടെ രാജസ്ഥാന്റെ ബോളിംഗ് കരുത്തും വർധിക്കും.

Also Read : രാജസ്ഥാൻ റോയൽസ് പാടുപെടും, ഇനി പ്ലേ ഓഫ് സാധ്യതകൾ ഇങ്ങനെ!!​

യശസ്വി ജൈസ്വാൾ, ജോസ് ബട്ലർ, സഞ്ജു സാംസൺ (ക്യാപ്റ്റൻ/വിക്കറ്റ് കീപ്പർ), ജോ റൂട്ട്, ഷിംറോൺ ഹെറ്റ്മെയർ, ദേവ്ദത്ത് പടിക്കൽ, ധ്രുവ് ജൂറൽ, ആർ അശ്വി‌ൻ, ട്രെന്റ് ബോൾട്ട്, സന്ദീപ് ശർമ്മ, യുസ്വേന്ദ്ര ചഹൽ.