ഐപിഎല്‍ 2024ല്‍ രാജസ്ഥാന് റോയല്‍സിന് എതിരാളികളില്ല. ലക്നൗ ഉയര്‍ത്തിയ 196 റണ്സ് വിജയലക്ഷ്യം രാജസ്ഥാന് 19 ഓവറില്‍ മൂന്ന് വിക്കറ്റ് മാത്രം നഷ്ടപ്പെടുത്തി മറികടന്നു.
ഓപണര്‍മാരായ യശസ്വി ജയ്‌സ്വാളും ജോസ് ബട്‌ലറും രാജസ്ഥാന് മികച്ച തുടക്കമാണ് നല്‍കിയത്. ടീം സ്‌കോര്‍ 60ലെത്തിച്ച ശേഷം ബട്‌ലര്‍ 34 (18) പുറത്തായെങ്കിലും വണ്‍ഡൗണ്‍ സ്ഥാനത്ത് ഇറങ്ങിയ ക്യാപ്റ്റന്‍ സഞ്ജു സാംസണ്‍ 33 പന്തില്‍ 71 റണ്‍സെടുത്ത് പുറത്താവാതെ നിന്നു. ഏഴ് ഫോറും നാല് സിക്‌സറും സഞ്ജു നേടി. റിയാന്‍ പരാഗ് 14 (11) ക്രീസില്‍ നിലയുറപ്പിച്ചില്ലെങ്കിലും ധ്രുവ് ജുറെല്‍ വന്നതോടെ രാജസ്ഥാന് കാര്യങ്ങള്‍ എളുപ്പമായി. 34 പന്തില്‍ 52 റണ്‍സെടുത്ത താരം വിജയംവരെ ക്രീസിലുണ്ടായിരുന്നു.
ടോസ് നേടിയ രാജസ്ഥാന് ആദ്യം ബൗള്‍ചെയ്യാന്‍ തീരുമാനിക്കുകയായിരുന്നു. ലക്നൗ ബാറ്റിങ് ആരംഭിച്ചയുടന്‍ ഓപണര്‍ ഡി കോക്കിനെ 8 (3) ബൗള്‍ട്ട് ക്ലീന്‍ബൗള്‍ഡാക്കി. പിന്നാലെ സ്റ്റോയിനിസും ക്ലീന്‍ ബൗള്‍ഡ്. റണ്ണെടുക്കും മുമ്പെ സന്ദീപ് ശര്‍മയാണ് മടക്കിയത്.
എന്നാല്‍ ക്യാപ്റ്റന്റെ കളി കാഴ്ചവച്ച ഓപണര്‍ കെഎല്‍ രാഹുല്‍ ഒരറ്റത്ത് ഉലയാതെ പിടിച്ചുനിന്നു. ദീപക് ഹൂഡ കൂട്ടായെത്തിയതോടെ സ്‌കോര്‍ ബോര്‍ഡ് ചലിക്കാന്‍ തുടങ്ങി. ഹൂഡ പുറത്താവുമ്പോള്‍ 12.1 ഓവറില്‍ 126ന് മൂന്ന് എന്ന നിലയിലായിരുന്നു. 31 പന്തില്‍ അര്‍ധശതകം തികച്ചാണ് ഹൂഡ് ക്രീസ് വിട്ടത്.
എന്നാല്‍ രാഹുല്‍ 19ാം ഓവര്‍ വരെ ബാറ്റ് ചെയ്ത് മികച്ച സ്‌കോര്‍ കണ്ടെത്തി. 48 പന്തില്‍ 76 റണ്‍സെടുത്ത് ടോപ്‌സ്‌കോററായ രാഹുല്‍ എട്ട് ബൗണ്ടറികളും രണ്ട് സിക്‌സറുകളും പായിച്ചു.
ആയുഷ് ബദോനി 18 (13), ക്രുണാല്‍ പാണ്ഡ്യ 15 (11) എന്നിവരാണ് ഓവര്‍ തീരുമ്പോള്‍ ക്രീസിലുണ്ടായിരുന്നത്. രാജസ്ഥാന് ബൗളര്‍മാരില്‍ സന്ദീപ് ശര്‍മയാണ് കൂടുതല്‍ തിളങ്ങിയത്. നാല് ഓവറില്‍ 31 റണ്സ് വഴങ്ങി സന്ദീപ് രണ്ടു വിക്കറ്റ് വീഴ്ത്തി.
ഓപണര്‍മാരായ യശസ്വി ജയ്‌സ്വാളും ജോസ് ബട്‌ലറും രാജസ്ഥാന് മികച്ച തുടക്കമാണ് നല്‍കിയത്. ടീം സ്‌കോര്‍ 60ലെത്തിച്ച ശേഷം ബട്‌ലര്‍ 34 (18) പുറത്തായെങ്കിലും വണ്‍ഡൗണ്‍ സ്ഥാനത്ത് ഇറങ്ങിയ ക്യാപ്റ്റന്‍ സഞ്ജു സാംസണ്‍ 33 പന്തില്‍ 71 റണ്‍സെടുത്ത് പുറത്താവാതെ നിന്നു. ഏഴ് ഫോറും നാല് സിക്‌സറും സഞ്ജു നേടി. റിയാന്‍ പരാഗ് 14 (11) ക്രീസില്‍ നിലയുറപ്പിച്ചില്ലെങ്കിലും ധ്രുവ് ജുറെല്‍ വന്നതോടെ രാജസ്ഥാന് കാര്യങ്ങള്‍ എളുപ്പമായി. 34 പന്തില്‍ 52 റണ്‍സെടുത്ത താരം വിജയംവരെ ക്രീസിലുണ്ടായിരുന്നു.
ടോസ് നേടിയ രാജസ്ഥാന് ആദ്യം ബൗള്‍ചെയ്യാന്‍ തീരുമാനിക്കുകയായിരുന്നു. ലക്നൗ ബാറ്റിങ് ആരംഭിച്ചയുടന്‍ ഓപണര്‍ ഡി കോക്കിനെ 8 (3) ബൗള്‍ട്ട് ക്ലീന്‍ബൗള്‍ഡാക്കി. പിന്നാലെ സ്റ്റോയിനിസും ക്ലീന്‍ ബൗള്‍ഡ്. റണ്ണെടുക്കും മുമ്പെ സന്ദീപ് ശര്‍മയാണ് മടക്കിയത്.
എന്നാല്‍ ക്യാപ്റ്റന്റെ കളി കാഴ്ചവച്ച ഓപണര്‍ കെഎല്‍ രാഹുല്‍ ഒരറ്റത്ത് ഉലയാതെ പിടിച്ചുനിന്നു. ദീപക് ഹൂഡ കൂട്ടായെത്തിയതോടെ സ്‌കോര്‍ ബോര്‍ഡ് ചലിക്കാന്‍ തുടങ്ങി. ഹൂഡ പുറത്താവുമ്പോള്‍ 12.1 ഓവറില്‍ 126ന് മൂന്ന് എന്ന നിലയിലായിരുന്നു. 31 പന്തില്‍ അര്‍ധശതകം തികച്ചാണ് ഹൂഡ് ക്രീസ് വിട്ടത്.
എന്നാല്‍ രാഹുല്‍ 19ാം ഓവര്‍ വരെ ബാറ്റ് ചെയ്ത് മികച്ച സ്‌കോര്‍ കണ്ടെത്തി. 48 പന്തില്‍ 76 റണ്‍സെടുത്ത് ടോപ്‌സ്‌കോററായ രാഹുല്‍ എട്ട് ബൗണ്ടറികളും രണ്ട് സിക്‌സറുകളും പായിച്ചു.
ആയുഷ് ബദോനി 18 (13), ക്രുണാല്‍ പാണ്ഡ്യ 15 (11) എന്നിവരാണ് ഓവര്‍ തീരുമ്പോള്‍ ക്രീസിലുണ്ടായിരുന്നത്. രാജസ്ഥാന് ബൗളര്‍മാരില്‍ സന്ദീപ് ശര്‍മയാണ് കൂടുതല്‍ തിളങ്ങിയത്. നാല് ഓവറില്‍ 31 റണ്സ് വഴങ്ങി സന്ദീപ് രണ്ടു വിക്കറ്റ് വീഴ്ത്തി.