ഐപിഎൽ ഉദ്ഘാടനചടങ്ങിന് രൺവീറും പരിണീതി ചോപ്രയും

ന്യൂഡൽഹി: ഇന്ത്യൻ പ്രീമിയർ ലീഗ് ഉദ്ഘാടന ചടങ്ങ് കൊഴുപ്പിക്കാൻ ബോളിവുഡ് താരങ്ങളുടെ പട. രൺവീർ സിങ്, പരിണീതി ചോപ്ര, വരുൺ ധവാൻ, ജാക്വിലിൻ ഫെർണാണ്ടസ് തുടങ്ങിയ താരങ്ങൾ ചടങ്ങിൽ പങ്കെടുക്കും. മുംബൈയിലെ വാങ്കഡെ സ്റ്റേഡിയത്തിൽ ഏപ്രിൽ ഏഴിനാണ് 11ാമത് സീസൺ ഐപിഎലിൻെറ ഉദ്ഘാടന ചടങ്ങ്.

മുൻനിര താരങ്ങളടക്കം പ്രമുഖ ക്രിക്കറ്റ് താരങ്ങളെല്ലാവരും ചടങ്ങിനുണ്ടാവും. അതേ സമയം ഇത്തവണ രണ്ട് എെപിഎൽ ടീമുകളുടെ ക്യാപ്റ്റൻമാർ മാത്രമേ പരിപാടിയിൽ പങ്കെടുക്കുകയുള്ളൂ. ഉദ്ഘാടന മത്സരം കളിക്കുന്ന ചെന്നൈ സൂപ്പർ കിങ്സ് ക്യാപ്റ്റൻ എംഎസ് ധോണി, മുംബൈ ഇന്ത്യൻസ് ക്യാപ്റ്റൻ രോഹിത് ശർമ്മ എന്നിവരാണ് പങ്കെടുക്കുന്ന ക്യാപ്റ്റൻമാർ.

ആദ്യ മത്സരം ഇന്ത്യയിലെ മറ്റ് നഗരങ്ങളിൽ ആയതിനാലാണ് ആറ് ടീമുകളുടെ ക്യാപ്റ്റൻമാർക്ക് ഉദ്ഘാടന ചടങ്ങ് നഷ്ടമാവുന്നത്.