ബെംഗലൂരു: ഐപിഎൽ 12ാം സീസണിൻെറ തുടക്കത്തിൽ ഏറ്റവും ദയനീയ പ്രകടനം കാഴ്ച വെച്ച ടീമാണ് റോയൽ ചലഞ്ചേഴ്സ് ബാംഗ്ലൂർ. പിന്നീട് വിജയങ്ങളുമായി അവർ തിരിച്ച് വന്നെങ്കിലും അപ്പോഴേക്കും വൈകിപ്പോയിരുന്നു. ഐപിഎല്ലിലെ ഇത്തവണത്തെ മോശം പ്രകടനത്തെ കുറിച്ച് മനസ്സ് തുറന്നിരിക്കുകയാണ് ബാംഗ്ലൂർ നായകൻ വിരാട് കോഹ്ലി. "സീസണിൻെറ തുടക്കം മുതൽ ഞങ്ങളുടെ പ്രകടനം മോശമായിരുന്നു. എങ്ങിനെ തുടങ്ങുന്നു എന്നത് ഒരു ടൂർണമെൻറിനെ സംബന്ധിച്ചിടത്തോളം വളരെ പ്രധാനമാണ്. ടീം ബാലൻസ് ആദ്യഘട്ടത്തിൽ തന്നെ ശരിയായില്ല. ഡൽഹിക്കും മുംബൈക്കും ചെന്നൈക്കും നേട്ടമായത് മികച്ച ടീം ബാലൻസാണ്," കോഹ്ലി പറഞ്ഞു.
തുടർച്ചയായി ആറ് മത്സരങ്ങൾ തോറ്റപ്പോൾ ടീം അംഗങ്ങൾ നിരാശരായിരുന്നു. വളരെ ബുദ്ധിമുട്ടേറിയ ആ ഘട്ടത്തിൽ നിന്നാണ് ആർസിബി പിന്നീട് തിരിച്ചു വന്നതെന്നും കോഹ്ലി വ്യക്തമാക്കി. ഐപിഎല്ലിൽ പ്ലേ ഓഫ് കാണില്ലെന്ന് ആദ്യം ഉറപ്പിച്ച ടീമാണ് ബാംഗ്ലൂർ. വരുന്ന സീസണിൽ മികച്ച പ്രകടനം ടീം കാഴ്ച വെക്കുമെന്ന് കോഹ്ലി കൂട്ടിച്ചേർത്തു.
തുടർച്ചയായി ആറ് മത്സരങ്ങൾ തോറ്റപ്പോൾ ടീം അംഗങ്ങൾ നിരാശരായിരുന്നു. വളരെ ബുദ്ധിമുട്ടേറിയ ആ ഘട്ടത്തിൽ നിന്നാണ് ആർസിബി പിന്നീട് തിരിച്ചു വന്നതെന്നും കോഹ്ലി വ്യക്തമാക്കി. ഐപിഎല്ലിൽ പ്ലേ ഓഫ് കാണില്ലെന്ന് ആദ്യം ഉറപ്പിച്ച ടീമാണ് ബാംഗ്ലൂർ. വരുന്ന സീസണിൽ മികച്ച പ്രകടനം ടീം കാഴ്ച വെക്കുമെന്ന് കോഹ്ലി കൂട്ടിച്ചേർത്തു.