ഐപിഎല്ലിന്റെ പതിനഞ്ചാം പതിപ്പിന് മുന്നോടിയായുള്ള മെഗാ താരലേലം ഈ മാസം 12, 13 തീയതികളിൽ ബെംഗളൂരുവിൽ നടക്കാനിരിക്കുകയാണ്. ലേലത്തിനുള്ള താരങ്ങളുടെ അന്തിമ പട്ടിക ഇന്നലെ ബിസിസിഐ പുറത്ത് വിട്ടിരുന്നു. വിവിധ രാജ്യങ്ങളിൽ നിന്നായി മൊത്തം 590 കളികാരാണ് ഐപിഎൽ ലേലത്തിൽ ഇക്കുറി ഉൾപ്പെട്ടിട്ടുള്ളത്. നിലവിൽ മൂന്ന് ടീമുകളാണ് പുതിയ ക്യാപ്റ്റനെ അന്വേഷിച്ചു കൊണ്ടിരിക്കുന്നത്. അത് കൊണ്ടു തന്നെ മുൻ നിര കളികാർക്ക് വേണ്ടി, പ്രത്യേകിച്ചും നായക മികവുള്ള കളികാർക്ക് വേണ്ടി ഇക്കുറി ശക്തമായ ലേലം വിളി നടക്കാനുള്ള സാധ്യത വളരെ കൂടുതലാണ്. ഐപിഎല്ലിൽ മുൻപ് ഡെൽഹി ക്യാപിറ്റൽസിനെ മികച്ച രീതിയിൽ നയിച്ചിട്ടുള്ള ശ്രേയസ് അയ്യർ ഇക്കുറി ഐപിഎൽ ലേലത്തിലുണ്ട്. റോയൽ ചലഞ്ചേഴ്സ് ബാംഗ്ലൂർ, കൊൽക്കത്ത നൈറ്റ് റൈഡേഴ്സ്, പഞ്ചാബ് കിംഗ്സ് ടീമുകൾക്ക് ഇക്കുറി പുതിയ നായകനെ കണ്ടെത്തേണ്ടത് അനിവാര്യമായതിനാൽ ഈ മൂന്ന് ടീമുകളും അയ്യറിന് വേണ്ടി ലേലം വിളിക്കുമെന്ന കാര്യം ഉറപ്പ്.
Also Read : മലയാളി @2022 ഐപിഎല് മെഗാ താര ലേലം; കേരളത്തില്നിന്ന് 13 കളിക്കാര് അന്തിമ പട്ടികയില്
ഇപ്പോളിതാ ഈ ടീമുകളിൽ ശ്രേയസ് അയ്യറിനെ സ്വന്തമാക്കാൻ ഏറ്റവുമധികം താല്പര്യപ്പെടുന്നത് റോയൽ ചലഞ്ചേഴ്സ് ബാംഗ്ലൂരാണെന്ന് റിപ്പോർട്ടുകൾ പുറത്ത് വന്നിരിക്കുന്നു. കഴിഞ്ഞ ദിവസം തന്റെ യൂടൂബ് ചാനലിൽ സംസാരിക്കവെ മുൻ ഇന്ത്യൻ ഓപ്പണറും പ്രശസ്ത ക്രിക്കറ്റ് അനലിസ്റ്റുമായ ആകാശ് ചോപ്രയാണ് ഇക്കാര്യത്തിൽ സൂചനകൾ നൽകിയത്. ശ്രേയസ് അയ്യർ ഇക്കുറി ബാംഗ്ലൂരിന്റേയോ കൊൽക്കത്തയുടേയോ നായകനായേക്കുമെന്ന് ചൂണ്ടിക്കാട്ടിയ ചോപ്ര, ലേലത്തിൽ അയ്യറെ വാങ്ങാൻ 20 കോടി രൂപ റോയൽ ചലഞ്ചേഴ്സ് ബാംഗ്ലൂർ മാറ്റി വെക്കുമെന്ന് താൻ കേട്ടിരുന്നതായും വ്യക്തമാക്കി.
എന്നാൽ അയ്യറിനെ ലഭിക്കാൻ 20 കോടി രൂപ വരെ മുടക്കാൻ ബാംഗ്ലൂർ തയ്യാറാണെന്ന വാർത്ത ക്രിക്കറ്റ് പ്രേമികളെ സത്യത്തിൽ ഞെട്ടിക്കുന്നതാണ്. ടി20 യിൽ അത്ര തകർപ്പൻ റെക്കോർഡ് അവകാശപ്പെടാനില്ലാത്ത, സമീപകാലത്ത് അത്ര മികച്ച ഫോമിലല്ലാത്ത താരത്തിന് ഇത്രയധികം തുക നൽകുന്നത് അബദ്ധമാണെന്ന തരത്തിൽ സമൂഹ മാധ്യമങ്ങളിൽ സംസാരവും ഉയർന്ന് കഴിഞ്ഞു.
അതേ സമയം 2018 സീസണിന്റെ പാതിവഴിയിൽ വെച്ച് ഡെൽഹി ക്യാപിറ്റൽസിന്റെ നായക സ്ഥാനം ഏറ്റെടുത്ത അയ്യർ, 2019, 2020 സീസണുകളിൽ ടീമിന്റെ നായകനായി തുടർന്നു. 2019 ൽ ഡെൽഹിയെ പ്ലേ ഓഫിലെത്തിച്ച അയ്യർ, 2020 ൽ ചരിത്രത്തിലാദ്യമായി അവർക്ക് ഫൈനൽ യോഗ്യതയും നേടിക്കൊടുത്തു. 2021 ൽ ഋഷഭ് പന്തിനെ ഡെൽഹി സ്ഥിരം നായകനാക്കിയതോടെ അയ്യർക്ക് ക്യാപ്റ്റൻസി നഷ്ടപ്പെടുകയായിരുന്നു.
Also Read : മലയാളി @2022 ഐപിഎല് മെഗാ താര ലേലം; കേരളത്തില്നിന്ന് 13 കളിക്കാര് അന്തിമ പട്ടികയില്
ഇപ്പോളിതാ ഈ ടീമുകളിൽ ശ്രേയസ് അയ്യറിനെ സ്വന്തമാക്കാൻ ഏറ്റവുമധികം താല്പര്യപ്പെടുന്നത് റോയൽ ചലഞ്ചേഴ്സ് ബാംഗ്ലൂരാണെന്ന് റിപ്പോർട്ടുകൾ പുറത്ത് വന്നിരിക്കുന്നു. കഴിഞ്ഞ ദിവസം തന്റെ യൂടൂബ് ചാനലിൽ സംസാരിക്കവെ മുൻ ഇന്ത്യൻ ഓപ്പണറും പ്രശസ്ത ക്രിക്കറ്റ് അനലിസ്റ്റുമായ ആകാശ് ചോപ്രയാണ് ഇക്കാര്യത്തിൽ സൂചനകൾ നൽകിയത്. ശ്രേയസ് അയ്യർ ഇക്കുറി ബാംഗ്ലൂരിന്റേയോ കൊൽക്കത്തയുടേയോ നായകനായേക്കുമെന്ന് ചൂണ്ടിക്കാട്ടിയ ചോപ്ര, ലേലത്തിൽ അയ്യറെ വാങ്ങാൻ 20 കോടി രൂപ റോയൽ ചലഞ്ചേഴ്സ് ബാംഗ്ലൂർ മാറ്റി വെക്കുമെന്ന് താൻ കേട്ടിരുന്നതായും വ്യക്തമാക്കി.
എന്നാൽ അയ്യറിനെ ലഭിക്കാൻ 20 കോടി രൂപ വരെ മുടക്കാൻ ബാംഗ്ലൂർ തയ്യാറാണെന്ന വാർത്ത ക്രിക്കറ്റ് പ്രേമികളെ സത്യത്തിൽ ഞെട്ടിക്കുന്നതാണ്. ടി20 യിൽ അത്ര തകർപ്പൻ റെക്കോർഡ് അവകാശപ്പെടാനില്ലാത്ത, സമീപകാലത്ത് അത്ര മികച്ച ഫോമിലല്ലാത്ത താരത്തിന് ഇത്രയധികം തുക നൽകുന്നത് അബദ്ധമാണെന്ന തരത്തിൽ സമൂഹ മാധ്യമങ്ങളിൽ സംസാരവും ഉയർന്ന് കഴിഞ്ഞു.
അതേ സമയം 2018 സീസണിന്റെ പാതിവഴിയിൽ വെച്ച് ഡെൽഹി ക്യാപിറ്റൽസിന്റെ നായക സ്ഥാനം ഏറ്റെടുത്ത അയ്യർ, 2019, 2020 സീസണുകളിൽ ടീമിന്റെ നായകനായി തുടർന്നു. 2019 ൽ ഡെൽഹിയെ പ്ലേ ഓഫിലെത്തിച്ച അയ്യർ, 2020 ൽ ചരിത്രത്തിലാദ്യമായി അവർക്ക് ഫൈനൽ യോഗ്യതയും നേടിക്കൊടുത്തു. 2021 ൽ ഋഷഭ് പന്തിനെ ഡെൽഹി സ്ഥിരം നായകനാക്കിയതോടെ അയ്യർക്ക് ക്യാപ്റ്റൻസി നഷ്ടപ്പെടുകയായിരുന്നു.