ന്യൂഡൽഹി: ഐപിഎല്ലിലെ കിങ്സ് ഇലവൻ പഞ്ചാബിൻെറ വെടിക്കെട്ട് ബാറ്റ്സ്മാൻ ക്രിസ് ഗെയിൽ ബിജെപിക്കായി പ്രചാരണത്തിന് ഇറങ്ങുമെന്ന് വ്യാജപ്രചരണം. സോഷ്യൽ മീഡിയയിലാണ് ചിത്രങ്ങൾ പ്രചരിക്കുന്നത്. എന്നാൽ ചിത്രങ്ങളിൽ യാതൊരു വിധത്തിലുമുള്ള യാഥാർഥ്യമില്ല. ടൈംസ് ഓഫ് ഇന്ത്യ ഫാക്ട് ചെക്കിലൂടെ ഇക്കാര്യം വ്യക്തമാക്കുന്നുണ്ട്. കർണാടക തെരഞ്ഞെടുപ്പിന് മുമ്പും ഇത്തരത്തിൽ വ്യാജപ്രചാരണം ഉണ്ടായിരുന്നു. ഗെയിൽ മുമ്പ് ഇൻസ്റ്റാഗ്രാമിൽ ഷെയർ ചെയ്ത ചിത്രത്തിൽ ഫോട്ടോഷോപ്പിലൂടെ താമര ചേർത്ത് വെച്ചാണ് ചിത്രങ്ങൾ പ്രചരിക്കുന്നത്.
2018ൽ ഗെയിൽ ഈ ചിത്രങ്ങൾ സോഷ്യൽ മീഡിയയിൽ ഷെയർ ചെയ്തിരുന്നു. ഇതാണ് ഇപ്പോൾ പ്രചരിപ്പിക്കുന്നത്. ഈ ചിത്രങ്ങൾ ഇപ്പോൾ കാണുമ്പോൾ ക്രിസ് ഗെയിൽ തന്നെ ഞെട്ടാനാണ് സാധ്യത.
2018ൽ ഗെയിൽ ഈ ചിത്രങ്ങൾ സോഷ്യൽ മീഡിയയിൽ ഷെയർ ചെയ്തിരുന്നു. ഇതാണ് ഇപ്പോൾ പ്രചരിപ്പിക്കുന്നത്. ഈ ചിത്രങ്ങൾ ഇപ്പോൾ കാണുമ്പോൾ ക്രിസ് ഗെയിൽ തന്നെ ഞെട്ടാനാണ് സാധ്യത.