റോയൽ ചലഞ്ചേഴ്സ് ബാംഗ്ലൂർ മത്സരക്രമവും സമയവും അറിയാം

ന്യൂഡൽഹി: ഇന്ത്യൻ പ്രീമിയർ ലീഗിൽ കഴിഞ്ഞ സീസണിലെ മോശം പ്രകടനത്തിൽ നിന്ന് തിരിച്ചുവരാനുള്ള ശ്രമത്തിലാണ് റോയൽ ചലഞ്ചേഴ്സ് ബാംഗ്ലൂർ. ഇത്തവണ നോക്കൌട്ടിലെത്താനുള്ള പോരാട്ട മികവ് തന്നെയായിരിക്കും അവർ തുടക്കത്തിൽ തന്നെ പുറത്തെടുക്കുക.

നിലവിലുള്ള ചാമ്പ്യൻമാരായ ചെന്നൈ സൂപ്പർ കിങ്സിനെതിരെയാണ് ലീഗിൽ അവരുടെ ആദ്യമത്സരം. ഈ ഐപിഎല്ലിലെ തന്നെ ഉദ്ഘാടനമത്സരമാണിത്. ചെന്നൈയിൽ ശനിയാഴ്ച രാത്രി എട്ടിനാണ് മത്സരം നടക്കുക. ലീഗിലെ ബെംഗലൂരുവിൻെറ മുഴുവൻ മത്സരക്രമവും സമയവും പ്രഖ്യാപിച്ച് കഴിഞ്ഞു.


ചെന്നൈക്കെതിരായ മത്സരത്തിന് മുമ്പായി ശക്തമായ മുന്നൊരുക്കത്തിലാണ് ടീം. ക്യാപ്റ്റൻ കോഹ്ലിയുടെ നേതൃത്വത്തിലുള്ള ബാറ്റിങ് നിരയാണ് അവരുടെ കരുത്ത്. ചെന്നൈ ശക്തരായ എതിരാളികളാണ്. നിലവിലുള്ള ചാമ്പ്യൻമാർ ആണെന്നത് മത്സരത്തിൽ അവർക്ക് ഒരൽപം മേൽക്കൈ നൽകുന്നുണ്ട്. എന്നാൽ മികച്ച പോരാട്ടം തന്നെയായിരിക്കും ഉദ്ഘാടന മത്സരത്തിൽ നടക്കുക.