അവിശ്വസനീയം!! ക്രിക്കറ്റ് ചരിത്രത്തിലെ ഏറ്റവും മികച്ച സേവ്, സച്ചിൻ പോലും അമ്പരന്നു - വീഡിയോ!

ഐപിഎല്ലിൻെറയും ക്രിക്കറ്റിൻെറയും ചരിത്രത്തിൽ നിരവധി മികച്ച ഫീൽഡിങ് പ്രകടനങ്ങൾ ഉണ്ടായിട്ടുണ്ട്. എന്നാൽ, രാജസ്ഥാൻ റോയൽസിനെതിരെ കിങ്സ് ഇലവൻ പഞ്ചാബ് താരം നിക്കോളാസ് പൂരൻ നടത്തിയത് ആരാധകരെ മാത്രമല്ല ഇതിഹാസങ്ങലെ പോലും അമ്പരപ്പിച്ചിരിക്കുകയാണ്. മത്സരത്തിനായി കമൻററി പറയുകയായിരുന്ന കെവിൻ പീറ്റേഴ്സൺ പറഞ്ഞത് താൻ കണ്ട ഏറ്റവും മികച്ച സേവാണ് ഇതെന്നാണ്.

ക്രിക്കറ്റ് ഇതിഹാസം സച്ചിൻ ടെണ്ടുൽക്കറും തൻെറ ജീവിതത്തിൽ കണ്ട ഏറ്റവും മികച്ച സേവാണ് ഇതെന്ന് ട്വീറ്റ് ചെയ്തു. എട്ടാം ഓവറിൽ മുരുകൻ അശ്വിൻെറ പന്തിൽ സഞ്ജു സാംസണാണ് പന്ത് അതിർത്തിയിലേക്ക് അടിച്ചകറ്റിയത്. സിക്സാണെന്ന് വിശ്വസിച്ചിരുന്നവർ സെക്കൻറ് നേരത്തേക്ക് സ്തബ്ധരായിപ്പോയി. എല്ലാവരെയും അമ്പരപ്പിച്ച് കൊണ്ട് പൂരൻ ആ പന്ത് ബൗണ്ടറി ലൈനിൽ നിന്ന് പുറത്തേക്കിട്ടു.

Also Read: പൈസ വസൂല്‍ കമ്മിന്‍സ്, എന്നെ ചെറുതാക്കേണ്ടെന്ന് കാര്‍ത്തിക്; ഇത് അംഗീകരിക്കില്ലെന്ന് വാര്‍ണര്‍


ടി20 ക്രിക്കറ്റിൽ ഇത് പോലൊരു സേവ് താൻ കണ്ടിട്ടില്ലെന്നാണ് കെവിൻ പീറ്റേഴ്സൺ പറഞ്ഞത്. ആരാധകരും താരങ്ങളുമെല്ലാം പൂരനെ അഭിനന്ദിച്ച് രംഗത്തെത്തിയിട്ടുണ്ട്. ഐപിഎൽ ചരിത്രത്തിലെ ഏറ്റവും മികച്ച ഫീൽഡിങ് പ്രകടനമാണ് ഇത് അടയാളപ്പെടുത്തിക്കഴിഞ്ഞു. മത്സരം പഞ്ചാബ് പരാജയപ്പെട്ടെങ്കിലും പൂരന് അഭിമാനിക്കാം.