നേരത്തെ സൺറൈസേഴ്സ് ഹൈദരാബാദിനെ നയിക്കുകയും ഒരുതവണ കിരീടം നേടുകയും ചെയ്തിട്ടുള്ള ക്യാപ്റ്റൻ ആയിരുന്നു വാർണർ. കഴിഞ്ഞ സീസണിൽ ചെന്നൈ രവീന്ദ്ര ജഡേജയെ ക്യാപ്റ്റനായി പരീക്ഷിച്ചിരുന്നുവെങ്കിലും പരാജയമായിരുന്നു. ഒടുവിൽ ധോണി തന്നെ ക്യാപ്റ്റൻസി വീണ്ടും ഏറ്റെടുത്തു. സ്റ്റീവ് സ്മിത്തിന് പകരം സഞ്ജു സാംസൺ രാജസ്ഥാൻ റോയൽസിന്റെ ക്യാപ്റ്റനായത് ഐപിഎല്ലിന്റെ 2021 സീസണിലാണ്.
ഇത്തവണയും രാജസ്ഥാനെ നയിച്ചത് സഞ്ജു തന്നെയാണ്. 2024 ഐപിഎൽ സീസണാവുമ്പോൾ ടീമുകളുടെ ക്യാപ്റ്റൻസിൽ മാറ്റം ഉണ്ടാവുമോ. കുറഞ്ഞത് പകുതിയോളം ടീമുകളും ക്യാപ്റ്റന്മാരെ മാറ്റിയേക്കുമെന്ന് തന്നെയാണ് സൂചനകൾ...
ഡേവിഡ് വാർണർ
ഋഷഭ് പന്ത് തിരിച്ചു വന്നാൽ ഡേവിഡ് വാർണറിന് സ്വാഭാവികമായും ഡൽഹി ക്യാപിറ്റൽസിന്റെ ക്യാപ്റ്റൻ സ്ഥാനം ഒഴിയേണ്ടി വരും. ഐപിഎൽ 20023 സീസണിൽ ഏറ്റവും ദയനീയ പ്രകടനം പുറത്തെടുത്ത ടീമുകളിൽ ഒന്നാണ് ഡൽഹി. ഒമ്പതാം സ്ഥാനത്താണ് ടീം ഫിനിഷ് ചെയ്തത്.
അടുത്ത സീസണിൽ വാർണർ ഡൽഹിയുടെ ഭാഗമാണെങ്കിൽ ബാറ്ററായി തുടരുന്നതായിരിക്കും നല്ലത്. ഇത്തവണ ബാറ്റിങ്ങിലും വാർണർ പഴയ പ്രതിഭയുടെ നിഴലിലായിരുന്നു.
നിതീഷ് റാണ
ശ്രേയസ് അയ്യ‍ർ തിരിച്ചു വരുന്നതോടെ അടുത്ത സീസണിൽ സ്വാഭാവികമായും നിതീഷ് റാണയ്ക്ക് കൊൽക്കത്ത നൈറ്റ് റൈഡേഴ്സ് ക്യാപ്റ്റൻ സ്ഥാനം ഒഴിക്കേണ്ടിവരും. റിങ്കു സിംഗിന്റെ ബാറ്റിങ് പ്രകടനമാണ് സീസണിൽ കെ കെ ആർനെ മുന്നോട്ട് നയിച്ചത്.
നിതീഷ് ക്യാപ്റ്റൻസിയിൽ പല മണ്ടത്തരങ്ങളും കാണിച്ചത് ടീമിൻെറ തോൽവിക്ക് വരെ വഴിവെച്ചു. ഏതായാലും യുവതാരത്തെ ക്യാപ്റ്റൻസി ഏൽപ്പിക്കാനുള്ള കെ കെ ആർ തീരുമാനം ശരിക്കും പരാജയമായി മാറുന്നതാണ് കണ്ടത്.
അടുത്ത സീസണ് മുൻപ് കേരള ബ്ലാസ്റ്റേഴ്സ് ശ്രദ്ധിക്കേണ്ട ചില പ്രധാന കാര്യങ്ങൾ
എയ്ഡൻ മാർക്രം
ഇത്തവണ മികച്ച ടി ട്വന്റി സ്പെഷ്യലിസ്റ്റുകൾ ഉള്ള ടീമായിരുന്നു സൺറൈസേഴ്സ് ഹൈദരാബാദ്. എന്നാൽ ടീം പത്താം സ്ഥാനത്താണ് എത്തിയത്. ദക്ഷിണാഫ്രിക്കൻ താരം എയ്ഡൻ മാർക്രമിനെ ക്യാപ്റ്റൻ ആക്കിയാണ് ഹൈദരാബാദ് കളിച്ചത്.
എന്നാൽ ക്യാപ്റ്റൻസിയിലും ബാറ്റിങ്ങിലും മാർക്രം സമ്പൂർണ്ണ പരാജയം ആയിരുന്നു. 13 മത്സരങ്ങളിൽ നിന്ന് വെറും 248 റൺസ് മാത്രമാണ് താരം നേടിയത്. ക്യാപ്റ്റൻസിയിൽ നിന്ന് ഒഴിവാക്കുക മാത്രമല്ല, താരത്തെ അടുത്ത സീസണിൽ ഹൈദരാബാദ് റിലീസ് ചെയ്താലും അത്ഭുതപ്പെടാനില്ല.
Also Read: നിരാശയിലും സന്തോഷം; രാജസ്ഥാന്‍ റോയല്‍സിന് കോടികളുടെ നിക്ഷേപവുമായി അമേരിക്കന്‍ കമ്പനി
ശിഖർ ധവാൻ
ക്യാപ്റ്റൻസി മെറ്റീരിയൽ അല്ല താനെന്ന് ധവാൻ ഒരിക്കൽ കൂടി തെളിയിച്ചു. ഐപിഎല്ലിൻെറ ചരിത്രത്തിൽ ഏറ്റവും മോശം പ്രകടനം നടത്തിയ ടീമുകളിൽ ഒന്നായ പഞ്ചാബ് കിംഗ്സ് ഇത്തവണയും ആ പതിവ് തെറ്റിച്ചില്ല. 14 കളികളിൽ നിന്ന് 12 പോയൻറുമായി 8ാം സ്ഥാനത്താണ് പഞ്ചാബ് സീസൺ അവസാനിപ്പിച്ചത്.
ക്യാപ്റ്റൻസി ധവാന്റെ ബാറ്റിംഗിനെയും ബാധിച്ചു. താരത്തിന്റെ ബാറ്റിംഗ് മോശമായതോടെ ടീമിൻറെ പ്രക്രടനം ദയനീയമായി മാറി. 2015നു ശേഷം ഇത് ആദ്യമായാണ് ധവാൻ ഒരു സീസണിൽ 400ൽ കുറവ് റൺസ് സ്കോർ ചെയ്യുന്നത്.
സഞ്ജു സാംസൺ
ക്യാപ്റ്റനായി രണ്ടാമത്തെ സീസണിൽ തന്നെ ടീമിനെ ഐപിഎൽ റണ്ണേഴ്സ് അപ് ആക്കിയ സഞ്ജുവിന് ഇത്തവണ അത്ര മികച്ച സീസൺ ആയി മാറിയില്ല. വലിയ പ്രതീക്ഷകൾ സമ്മാനിച്ച് ഒടുവിൽ രാജസ്ഥാൻ പ്ലേ ഓഫ് കാണാതെ പുറത്തായി. അഞ്ചാം സ്ഥാനത്താണ് ടീം സീസൺ അവസാനിപ്പിച്ചത്.
ക്യാപ്റ്റൻസി സഞ്ജുവിന്റെ ബാറ്റിംഗിനിനെ ബാധിച്ചു എന്നതാണ് പ്രധാന പ്രശ്നം. ദേശീയ ടീമിൽ ഇനിയെങ്കിലും സ്ഥാനം ഉറപ്പിക്കാൻ ശ്രമം നടത്തുന്ന സഞ്ജുവിന് രാജസ്ഥാൻ ക്യാപ്റ്റൻസി ഒഴിയുന്നതായിരിക്കും ബാറ്റിങ്ങിൽ ശ്രദ്ധിക്കാൻ കൂടുതൽ നല്ലത്.