യുഎഇയിൽ സെപ്തംബർ 19ന് ആരംഭിക്കുന്ന ഐപിഎല്ലിൻെറ മത്സരക്രമം ഞായറാഴ്ച പ്രഖ്യാപിക്കുമെന്ന് ഐപിഎൽ ചെയർമാൻ ബ്രിജേഷ് പട്ടേൽ വ്യക്തമാക്കി. 13ാം എഡിഷൻ ഐപിഎൽ ഷെഡ്യൂൾ വെള്ളിയാഴ്ചയ്ക്കകം പ്രഖ്യാപിക്കുമെന്നായിരുന്നു നേരത്തെ ബിസിസിഐ പ്രസിഡൻറ് സൗരവ് ഗാംഗുലി അറിയിച്ചിരുന്നത്. എന്നാൽ വെള്ളിയാഴ്ചയും ശനിയാഴ്ചയും പ്രഖ്യാപനം ഉണ്ടായില്ല. ഇതോടെയാണ് ഞായറാഴ്ച ഷെഡ്യൂൾ പുറത്തിറക്കുമെന്ന് ബ്രിജേഷ് പട്ടേൽ അറിയിച്ചത്.
മത്സരക്രമം ഞായറാഴ്ച പ്രഖ്യാപിക്കുമെന്ന് വാർത്താ ഏജൻസിയായ എഎൻഐയോടാണ് പട്ടേൽ വ്യക്തമാക്കിയത്. സെപ്തംബർ 19 മുതൽ നവംബർ 10 വരെയാണ് ലീഗ് നടക്കുക. ദുബായ്, അബുദാബി, ഷാർജ എന്നീ മൂന്ന് നഗരങ്ങളിലായിട്ടായിരിക്കും മത്സരങ്ങൾ.
ഇതിനിടെ കൊൽക്കത്ത നൈറ്റ് റൈഡേഴ്സും റോയൽ ചലഞ്ചേഴ്സും ബാംഗ്ലൂരും തമ്മിലായിരിക്കുമോ ഐപിഎല്ലിൻെറ ഉദ്ഘാടന മത്സരത്തിൽ ഏറ്റുമുട്ടുകയെന്ന തരത്തിലുള്ള ചർച്ച ആരാധകർക്കിടയിലുണ്ട്. ഐപിഎല്ലിൻെറ ഒഫീഷ്യൽ ട്വിറ്റർ ഹാൻറിലിൽ നിന്നുള്ള ഏറ്റവും പുതിയ ട്വീറ്റാണ് ഈ സംശയത്തിന് കാരണം. ആർസിബി നായകൻ കോലിയുടെയും കെകെആർ നായകൻ ദിനേശ് കാർത്തികിൻെറയും ചിത്രമാണ് ട്വീറ്റിലുള്ളത്.
Also Read: മെസി ബാഴ്സ വിടാത്തത് ഒറ്റക്കാരണത്താൽ മാത്രം; അതാണ് പിടിച്ച് നിർത്തിയത്, ടീം മാനേജ്മെൻറ് ദുരന്തമാണെന്ന് താരം!!
ലീഗിന് വേണ്ടി ഇനി രണ്ടാഴ്ച കൂടി കാത്തിരുന്നാൽ മതിയെന്നും ട്വീറ്റിൽ പറയുന്നുണ്ട്. മുംബൈ ഇന്ത്യൻസും ചെന്നൈ സൂപ്പർ കിങ്സും തമ്മിലാണ് നേരത്തെ നിശ്ചയിച്ചത് പ്രകാരം ഐപിഎൽ ഓപ്പണറിൽ കളിക്കേണ്ടത്. എന്നാൽ ചെന്നൈ ക്യാമ്പിലുള്ളവർക്ക് കൊവിഡ് ബാധിച്ചത് ലീഗിനെ തന്നെ ആശങ്കയിലാഴ്ത്തിയിരുന്നു. ഏതായാലും എല്ലാ സംശയങ്ങളും ഞായറാഴ്ച മാറുമെന്ന ആശ്വാസത്തിലാണ് ആരാധകർ.
മത്സരക്രമം ഞായറാഴ്ച പ്രഖ്യാപിക്കുമെന്ന് വാർത്താ ഏജൻസിയായ എഎൻഐയോടാണ് പട്ടേൽ വ്യക്തമാക്കിയത്. സെപ്തംബർ 19 മുതൽ നവംബർ 10 വരെയാണ് ലീഗ് നടക്കുക. ദുബായ്, അബുദാബി, ഷാർജ എന്നീ മൂന്ന് നഗരങ്ങളിലായിട്ടായിരിക്കും മത്സരങ്ങൾ.
ഇതിനിടെ കൊൽക്കത്ത നൈറ്റ് റൈഡേഴ്സും റോയൽ ചലഞ്ചേഴ്സും ബാംഗ്ലൂരും തമ്മിലായിരിക്കുമോ ഐപിഎല്ലിൻെറ ഉദ്ഘാടന മത്സരത്തിൽ ഏറ്റുമുട്ടുകയെന്ന തരത്തിലുള്ള ചർച്ച ആരാധകർക്കിടയിലുണ്ട്. ഐപിഎല്ലിൻെറ ഒഫീഷ്യൽ ട്വിറ്റർ ഹാൻറിലിൽ നിന്നുള്ള ഏറ്റവും പുതിയ ട്വീറ്റാണ് ഈ സംശയത്തിന് കാരണം. ആർസിബി നായകൻ കോലിയുടെയും കെകെആർ നായകൻ ദിനേശ് കാർത്തികിൻെറയും ചിത്രമാണ് ട്വീറ്റിലുള്ളത്.
Also Read: മെസി ബാഴ്സ വിടാത്തത് ഒറ്റക്കാരണത്താൽ മാത്രം; അതാണ് പിടിച്ച് നിർത്തിയത്, ടീം മാനേജ്മെൻറ് ദുരന്തമാണെന്ന് താരം!!
ലീഗിന് വേണ്ടി ഇനി രണ്ടാഴ്ച കൂടി കാത്തിരുന്നാൽ മതിയെന്നും ട്വീറ്റിൽ പറയുന്നുണ്ട്. മുംബൈ ഇന്ത്യൻസും ചെന്നൈ സൂപ്പർ കിങ്സും തമ്മിലാണ് നേരത്തെ നിശ്ചയിച്ചത് പ്രകാരം ഐപിഎൽ ഓപ്പണറിൽ കളിക്കേണ്ടത്. എന്നാൽ ചെന്നൈ ക്യാമ്പിലുള്ളവർക്ക് കൊവിഡ് ബാധിച്ചത് ലീഗിനെ തന്നെ ആശങ്കയിലാഴ്ത്തിയിരുന്നു. ഏതായാലും എല്ലാ സംശയങ്ങളും ഞായറാഴ്ച മാറുമെന്ന ആശ്വാസത്തിലാണ് ആരാധകർ.