വാർണർക്ക് കട്ട പിന്തുണയുമായി മകൾ ഗ്യാലറിയിൽ

ഹൈദരാബാദ്: ചെന്നൈ സൂപ്പർ കിങ്സിനെ തോൽപ്പിച്ച് മിന്നുന്ന പ്രകടനം കാഴ്ച വെച്ചിരിക്കുകയാണ് സൺ റൈസേഴ്സ് ഹൈദരാബാദ്. ഓപ്പണർ ഡേവിഡ് വാർണറാണ് കളിയിലെ കേമനായത്. 25 പന്തിൽ നിന്ന് 50 റൺസെടുത്ത വാർണറിൻെറ ബാറ്റിങ് പ്രകടനമാണ് ടീമിന് മികച്ച തുടക്കം സമ്മാനിച്ചത്.

മത്സരത്തിൽ മികച്ച പ്രകടനം കാഴ്ച വെച്ച വാർണറെ പ്രോത്സാഹിപ്പിക്കാൻ മകൾ ദിവ വാർണറും ഗ്യാലറിയിലുണ്ടായിരുന്നു. ഗോ ഡാഡി എന്ന സ്ലേറ്റ് ഉയർത്തിപ്പിടിച്ച് നിൽക്കുന്ന വാർണറുടെ മകളുടെ വീഡിയോ ഐപിഎൽ ഒഫീഷ്യൽ പേജിൽ ട്വീറ്റ് ചെയ്തിട്ടുണ്ട്.


ഈ ഐപിഎല്ലിലെ ഓറഞ്ച് ക്യാപിനുള്ള പട്ടികയിൽ ഒന്നാമത് വാർണറാണ്. മൂന്നാം സ്ഥാനത്ത് ടീമിലെ സഹതാരം ബെയർസ്റ്റോയുണ്ട്. ഇരുവരും ഒരു മത്സരത്തിൽ സെഞ്ച്വറിയും നേടിയിരുന്നു.