മൊഹാലി: രാജസ്ഥാൻ റോയൽസ് താരം സ്റ്റ്യുവർട്ട് ബിന്നിയെ ട്രോളിയ ആരാധകരുടെ വായടപ്പിച്ച് ബിന്നിയുടെ ഭാര്യയും അവതാരികയുമായ മായന്തി ലാംഗർ. രാജസ്ഥാൻ റോയൽസും കിങ്സ് ഇലവൻ പഞ്ചാബും തമ്മിൽ നടന്ന മത്സരത്തിനിടെ "സ്റ്റുവർട്ട് എവിടെ, ഈ ലോകത്ത് തന്നെ ഇല്ലല്ലോ" എന്നായിരുന്നു ഒരു ആരാധകൻെറ ചോദ്യം. എന്നാൽ 11 പന്തിൽ നിന്ന് 33 റൺസെടുത്ത് ബിന്നി മത്സരത്തിൽ തകർപ്പൻ പ്രകടനം കാഴ്ച വെച്ചു. ഇതിന് ശേഷമാണ് മറുപടിയായി മായന്തിയുടെ ട്വീറ്റ് വന്നത്. "നിങ്ങൾ പഞ്ചാബും രാജസ്ഥാനും തമ്മിലുള്ള മത്സരം കണ്ടിലല്ലേ. ഇനി കളി കഴിഞ്ഞ സ്ഥിതിക്ക് ഇതാ ഇവിടെ ട്വീറ്റ് ചെയ്തോളൂ," എന്നായിരുന്നു മായന്തിയുടെ മറുപടി.
ഇത് പോലെ തന്നെ മറ്റൊരു ആരാധകനും അവർ വായടപ്പിക്കുന്ന മറുപടി നൽകി. ബിന്നിയുടെ ചിത്രം ഡിപിയിൽ ഇല്ലല്ലോ എന്നായിരുന്നു ആരാധകൻെറ ചോദ്യം. എന്നാൽ ബിന്നിയുടെ കൂടെയുള്ള ഒരു പഴയ ചിത്രം തന്നെയായിരുന്നു മായന്തിയുടെ ഉത്തരം.
ഇത് പോലെ തന്നെ മറ്റൊരു ആരാധകനും അവർ വായടപ്പിക്കുന്ന മറുപടി നൽകി. ബിന്നിയുടെ ചിത്രം ഡിപിയിൽ ഇല്ലല്ലോ എന്നായിരുന്നു ആരാധകൻെറ ചോദ്യം. എന്നാൽ ബിന്നിയുടെ കൂടെയുള്ള ഒരു പഴയ ചിത്രം തന്നെയായിരുന്നു മായന്തിയുടെ ഉത്തരം.