ചെന്നൈ സൂപ്പർ കിങ്സ്
എംഎസ് ധോണി നയിക്കുന്ന ചെന്നൈ സൂപ്പർ കിങ്സിൻെറ ഭാഗമായി 37കാരനായ ശ്രീശാന്ത് കളിക്കുമോ? പൊതുവിൽ വയസ്സൻ പടയെന്ന് പഴി കേൾക്കാറുള്ള ടീമാണ് സിഎസ്കെ. ശാർദൂൽ താക്കൂറും ദീപക് ചാഹറും അടങ്ങുന്ന ടീമിൻെറ പേസ് ബാറ്ററിക്ക് ഊർജ്ജം പകരാൻ ശ്രീശാന്തിന് സാധിക്കും. വ്യത്യസ്തയാർന്ന പന്തുകൾ കൊണ്ട് ബാറ്റ്സ്മാൻമാരെ ഞെട്ടിക്കുന്ന ശ്രീയെ ഏറ്റെടുക്കാൻ ചെന്നൈ ശ്രമിച്ചാൽ അതിൽ അത്ഭുതപ്പെടേണ്ടതില്ല.
രാജസ്ഥാൻ റോയൽസ്
ഐപിഎൽ ടീമായ രാജസ്ഥാൻ റോയൽസിലാണ് ശ്രീശാന്ത് അവസാനം കളിച്ചിട്ടുള്ളത്. വിവാദം തുടങ്ങിയത് അവിടെ നിന്നാണ്. അടുത്ത സീസണിൽ ശ്രീ രാജസ്ഥാനിൽ തന്നെ തിരിച്ചെത്തുമോ. 2020 സീസണിൽ ജോഫ്ര ആർച്ചറിന് കാര്യമായ പിന്തുണ നൽകുന്ന മറ്റൊരു പേസർ ടീമിലുണ്ടായിരുന്നില്ല. ജയദേവ് ഉനദ്കദ്, കാർത്തിക് ത്യാഗി, വരുൺ ആറോൺ എന്നിവരെല്ലാം ശരാശരി പ്രകടനം മാത്രമായിരുന്നു. ശ്രീശാന്തിനെ എത്തിച്ചാൽ രാജസ്ഥാന് ഗുണം ചെയ്യും.
(AFP Photo)
കിങ്സ് ഇലവൻ പഞ്ചാബ്
ശ്രീശാന്ത് മുൻപ് കളിച്ചിട്ടുള്ള ടീമാണ് കിങ്സ് ഇലവൻ പഞ്ചാബ്. ഇനിയൊരവസരം ലഭിച്ചാൽ താരം പഞ്ചാബിൽ കളിച്ചുകൂടെന്നില്ല. 2020 സീസണിൽ തുടക്കത്തിൽ മോശമായിരുന്നുവെങ്കിലും പിന്നീട് തിരിച്ചുവന്ന് ഉജ്ജ്വലമായി കളിച്ച ടീമാണ് രാഹുൽ നയിക്കുന്ന പഞ്ചാബ്. മുഹമ്മദ് ഷമി ഒഴിച്ചാൽ മറ്റൊരു റെഗുലർ പേസർ ടീമിലില്ല. പഞ്ചാബ് വല വിരിച്ചാൽ അത് ശ്രീശാന്തിനും ടീമിനും ഒരു പോലെ ഗുണം ചെയ്തേക്കും.