തുടർച്ചയായി ആരും കപ്പ് നേടിയിട്ടില്ല
ഐപിഎല്ലിൻെറ ചരിത്രത്തിൽ ഇത് വരെ തുടർച്ചയായി ഒരു ടീമും കിരീടം നേടിയിട്ടില്ല. മുംബൈ ഇന്ത്യൻസ് നിലവിലെ ജേതാക്കളാണ്. 2019ൽ ചെന്നൈ സൂപ്പ‍ർ കിങ്സിനെ പരാജയപ്പെടുത്തിയാണ് അവർ കിരീടം നേടിയത്. ഓരോ നാല് വ‍‍ർഷവും കൂടുമ്പോൾ പുതിയ ചാമ്പ്യൻമാ‍ർ ഐപിഎല്ലിൽ ഉണ്ടായിട്ടുണ്ട്. 2008ൽ രാജസ്ഥാൻ, 2012ൽ കെകെആ‍ർ, 2016ൽ ഹൈദരാബാദ്. ഇത്തവണ അങ്ങനെ വന്നാൽ ഡൽഹി കാപ്പിറ്റൽസ് കപ്പടിച്ചേക്കും.
മുംബൈക്ക് 2020ൽ കപ്പ് കിട്ടില്ല?
ഐപിഎല്ലിൽ മുംബൈ ഇന്ത്യൻസ് ഇത് വരെ നാല് തവണയാണ് കിരീടം നേടിയിട്ടുള്ളത്. ആദ്യമായി രോഹിത് ശ‍ർമയുടെ നോതൃത്വത്തിൽ മുംബൈ കപ്പടിച്ചത് 2013ലാണ്. പിന്നീട് 2015, 2017, 2019 വ‍ർഷങ്ങളിലും കിരീടം നേടി. 2020 ഈവൻ ഇയറായതിനാൽ മുംബൈക്ക് കപ്പടിക്കാൻ കഴിയില്ലെന്ന് അങ്ങനെയും രസകരമായ ഒരു കണക്കുണ്ട്. 2010ൽ ഫൈനലിൽ എത്തിയിരുന്നെങ്കിൽ മുംബൈ ചെന്നൈയോട് തോറ്റിരുന്നു.
Also Read: ഐപിഎല്‍ കലാശപ്പോരാട്ടം ഇന്ന്, മുംബൈയോ ഡല്‍ഹിയോ? കളിമാറ്റും കളിക്കാര്‍ ഇവര്‍; ജയപ്രവചനം ഈ ടീമിന്!!
രോഹിതിന് ചരിത്രം തിരുത്താനാവുമോയെന്ന് നോക്കാം...
മുംബൈ നായകൻ രോഹിത് ശ‍ർമ ടീമിനെ അഞ്ചാം തവണ കിരീടത്തിലേക്ക് നയിച്ച് ചരിത്രനേട്ടമാണ് ലക്ഷ്യമിടുന്നത്. ഇരട്ട അക്ക വ‍ർഷത്തിലൊന്നും തന്നെ രോഹിത് കളിച്ച ടീം പ്രധാന ടി20 കിരീടം നേടിയിട്ടില്ല, 2007ൽ ധോണിയുടെ നേതൃത്വത്തിൽ ഇന്ത്യ ലോകകപ്പ് നേടുമ്പോൾ രോഹിത് ടീമിലുണ്ട്. 2013, 15,17,19 വ‍ർഷങ്ങളിൽ മുംബൈ ഐപിഎൽ നേടി. എന്നാൽ... 2014ൽ ഇന്ത്യ ടി20 ലോകകപ്പ് ഫൈനലിൽ തോറ്റിരുന്നു. ഇതൊക്കെ വെറും കണക്കിലെ കളികൾ മാത്രമാണ്. ഏതായാലും മികച്ച കളി പുറത്തെടുത്താൽ മുംബൈ തന്നെ ജയിക്കും.