ന്യൂഡൽഹി: എംഎസ് ധോണി ഒപ്പമുള്ളത് വലിയ ആത്മവിശ്വാസമാണെന്ന് ഇന്ത്യൻ നായകൻ വിരാട് കോഹ്ലി പല തവണ പറഞ്ഞിട്ടുണ്ട്. ഇപ്പോഴും ടീമിലെ നിർണായക തീരുമാനങ്ങൾ എടുക്കുമ്പോൾ ധോണിയോട് ആലോചിച്ച് മാത്രമേ കോഹ്ലി തീരുമാനങ്ങൾ എടുക്കാറുള്ളൂ. ഇതേ അഭിപ്രായമാണ് ധോണിയും കോഹ്ലിയും അടങ്ങിയ ടീമിനെ കുറിച്ച് ധോണിയുടെ ചെറുപ്പകാലത്തെ പരിശീലകൻ കേശവ് ബാനർജിക്കും ഉള്ളത്. നിലവിലെ ഇന്ത്യയുടെ യുവനിരക്ക് ഏറ്റവും പറ്റിയ മെൻററാണ് ധോണിയെന്ന് കേശവ് ബാനർജി പറഞ്ഞു. തന്ത്രങ്ങൾ മെനയുന്നതിൽ ധോണിയോളം പ്രതിഭാശാലിയായ ക്രിക്കറ്റർ നിലവിൽ ലോക ക്രിക്കറ്റിൽ തന്നെ വേറെ ഇല്ല. ഒരു മത്സരത്തെ കൃത്യമായി മനസ്സിലാക്കുന്നതിലും ഉചിതമായ തീരുമാനം എടുക്കുന്നതിലും ധോണിയുടെ സഹായം കോഹ്ലിക്ക് അനുഗ്രഹമാണെന്നും അദ്ദേഹം പറഞ്ഞു.
കളി മനസ്സിലാക്കുന്നതിൽ ധോണിക്കുള്ള കഴിവ് കോഹ്ലിക്കില്ലെന്നും കേശവ് കൂട്ടിച്ചേർത്തു. ലോകകപ്പിൽ ഇന്ത്യൻ ടീമിൽ ധോണി നാലാം നമ്പറിൽ ഇറങ്ങുന്നതാണ് ഉചിതമെന്നും അദ്ദേഹം പറഞ്ഞു.
കളി മനസ്സിലാക്കുന്നതിൽ ധോണിക്കുള്ള കഴിവ് കോഹ്ലിക്കില്ലെന്നും കേശവ് കൂട്ടിച്ചേർത്തു. ലോകകപ്പിൽ ഇന്ത്യൻ ടീമിൽ ധോണി നാലാം നമ്പറിൽ ഇറങ്ങുന്നതാണ് ഉചിതമെന്നും അദ്ദേഹം പറഞ്ഞു.